୨ୟ ଦିନିକିଆରେ ଭାରତର ଲଜ୍ଜାଜନକ ପରାଜୟ, ବିନା ଓ୍ବିକେଟ୍ରେ ଜିତିଲା ଅଷ୍ଟ୍ରେଲିଆ
ବିଶାଖାପଟ୍ଟନମ୍ ୧୯/ ୦୩: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ଦ୍ବିତୀୟ ଦିନିକିଆକୁ ଭ୍ରମଣକାରୀ ଦଳ ସହଜରେ ଜିତିନେଇଛି । ମାତ୍ର ୧୧୮ ରନ୍ ବିଜୟଲକ୍ଷ୍ୟ ପିଛା କରୁଥିବା କଙ୍ଗାରୁ ଦଳ ବିନା କୌଣସି ଓ୍ବିକେଟ୍ ହରାଇ ମାତ୍ର — ଓଭରରେ ହିଁ ହାସଲ କରିନେଇଛି । ଫଳରେ ଲଜ୍ଜାଜନକ ପରାଜୟ ବରଣ କରିଛି ରୋହିତ ଶର୍ମାଙ୍କ ନେତୃତ୍ବାଧୀନ ଟିମ୍ ଇଣ୍ଡିଆ । ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଏବେ ୧-୧ରେ ବରାବର୍ ହୋଇଯାଇଛି ।
ଅଷ୍ଟ୍ରେଲିଆ ପକ୍ଷରୁ ଦୁଇ ଓପନର୍ ଟ୍ରାଭିସ୍ ହେଡ୍ ୩୦ ବଲ ଖେଳି ୧୦ଟି ଚୌକା ସହାୟତାରେ ୫୧ ରନ୍ କରି ଅପରାଜିତ ଥିବା ବେଳେ ମିଚେଲ୍ ମାର୍ସ ୩୬ ବଲ ଖେଳି ୬ଟି ଚୌକା ଓ ୬ଟି ଛକା ସହାୟତାରେ ୬୬ ରନ୍ କରି ଅପରାଜିତ ଅଛନ୍ତି । ଭାରତର ସମସ୍ତ ବୋଲର ବ୍ୟୟ ବହୁଳ ସାବ୍ୟସ୍ତ ହୋଇଛନ୍ତି । ମହମ୍ମଦ ସାମି ୩ ଓଭରରେ ୨୯ ରନ୍ ଦେଇଥିବା ବେଳେ ମହମ୍ମଦ ସିରାଜ ୩ ଓଭରରେ ୩୭ରନ, ଅକ୍ଷର ପଟେଲ ୩ ଓଭରରେ ୨୫ ରନ, ହାର୍ଦ୍ଧିକ ପାଣ୍ଡ୍ୟା ୧ ଓଭରରେ ୧୮ରନ୍ ଓ କୁଲଦୀପ ଯାଦବ ୧ ଓଭରରେ ୧୨ ରନ ଦେଇଛନ୍ତି ।
