ବାଲେଶ୍ବରରେ କୁଇକ୍ ଆକ୍ସନ୍ ମିଶାଇଲର ସଫଳ ପରୀକ୍ଷଣ
ବାଲେଶ୍ବର,୧୩/ ୧୧: ଶୁକ୍ରବାର ଡିଆରଡିଓ ପକ୍ଷରୁ ଆଉ ଏକ ମିଶାଇଲର ସଫଳ ପରୀକ୍ଷଣ କରାଯାଇଛି। ବାଲେଶ୍ବର ଚାନ୍ଦୀପୁର ସ୍ଥିତ କ୍ଷେପଣାସ୍ତ୍ର ପରୀକ୍ଷଣ କେନ୍ଦ୍ରରୁ ସଫଳତାର ସହିତ ଭୂମିରୁ ଆକାଶକୁ ଭେଦ କରିପାରୁଥିବା କୁଇକ୍ ଆକ୍ସନ ମିଶାଇଲର ପରୀକ୍ଷଣ କରାଯାଇଛି। ଏହି ପରୀକ୍ଷଣ ଶୁକ୍ରବାର ଦିନ ଅପରାହ୍ନ ୩ଟା ୫୦ ମିନିଟରେ କରାଯାଇଥିଲା। ଏହା ପୂର୍ବରୁ ଗତ ମାସରେ ଡିଆରଡିଓ ଦ୍ବାରା ବିକଶିତ ନାଗ୍ ଆଣ୍ଟି ଟେକ୍ ଗାଇଡେଡ୍ ମିଶାଇଲ ପରୀକ୍ଷଣ ହୋଇଥିଲା।
ସମ୍ପୂର୍ଣ୍ଣ ସ୍ବଦେଶୀ ଜ୍ଞାନକୌଶଲରେ ପ୍ରସ୍ତୁତ ଏହି କ୍ଷେପଣାସ୍ତ୍ର ପ୍ରାୟ ତିରିଶ କିଲୋମିଟର ଦୂରତା ମଧ୍ୟରେ ସ୍ଥଳଭାଗରୁ ଆକାଶକୁ ଟାର୍ଗେଟ କରିପାରିବ। ଏହାର ବେଗ ଶବ୍ଦର ବେଗଠାରୁ ୪.୭ ଅଧିକ। ଏହି ମିସାଇଲର ପ୍ରଥମ ପରୀକ୍ଷଣ ୨୦୧୭ ମସିହା ଜୁନ୍ ୪ ତାରିଖରେ କରାଯାଇଥିଲା। ଏହି ମିଶାଇଲର ପରୀକ୍ଷଣ ଏପରି ସମୟରେ କରାଯାଇଛି ଯେତେବଳେ କି ଭାରତ ଓ ଚୀନ ମଧ୍ୟରେ ସୀମାକୁ ନେଇ ବିବାଦ ଲାଗି ରହିଛି। ସଫଳତାର ସହ ପରୀକ୍ଷଣ ପରେ ବର୍ତ୍ତମାନ ଏହି ମିଶାଇଲ ଭାରତୀୟ ସେନାକରେ ସାମିଲ ହେବାକୁ ପ୍ରସ୍ତୁତ। ଡିଆରଡିଓର ଅଧିକାରୀ ମାନେ କହିଛନ୍ତି ଯେ, ଭାରତ ଆଜି ଡିଆରଡିଓ ଦ୍ବାରା ବିକଶିତ ନାଗ ଏଣ୍ଟି ଟେକ୍ ଗାଇଜେଡ୍ ମିଶାଇଲ ସଫଲତାର ସହିତ ପରୀକ୍ଷଣ କରିଛି।
