ନୂଆଦିଲ୍ଲୀ,୦୭/୦୨; ଆମେରିକା-ଭାରତ ବାଣିଜ୍ୟ ଚୁକ୍ତିର ମଧ୍ୟବର୍ତ୍ତୀକାଳୀନ ରୂପରେଖ ଆସିଛି । ବାଣିଜ୍ୟ ଚୁକ୍ତିର ଫ୍ରେମ୍ୱାର୍କରେ ରୁଷ ତୈଳ ଆମଦାନୀରେ ଭାରତ ଉପରେ ଲାଗିଥିବା ୨୫% ଶୁଳ୍କ ହଟାଇଛନ୍ତି ଡୋନାଲ୍ଡ ଟ୍ରମ୍ପ । ଏହା ସହିତ ଦୁଇ ଦେଶ ମଧ୍ୟରେ ବ୍ୟାପକ ଦ୍ୱିପାକ୍ଷିକ ବୁଝାମଣାର ଅନ୍ତିମ ରୂପ ଦେବା ଦିଗରେ ନୂଆ ଗତି ମିଳିଛି । ଏହି ଘୋଷଣା ବିସ୍ତାବିର ଆଲୋଚନା ଏବଂ ଟାରିଫ୍ ଉତ୍ତେଜନା ଭିତରେ ହୋଇଛି । ଯେଉଁଥିରେ ଦୁଇ ପକ୍ଷ ମଧ୍ୟରେ ଆର୍ଥିକ ସମ୍ପର୍କରେ ସୁଧାର ଆସିବାର ସମ୍ଭାବନା ରହିଛି । ଦୁଇ ଦେଶ ଏକ ମିଳିତ ବୟାନ ଜାରି କରିଛନ୍ତି । ସଂଯୁକ୍ତ ଦେଶ ଆମେରିକା ଏବଂ ଭାରତ ଏହି ଫ୍ରେମ୍‌ୱାର୍କରେ ଶୀଘ୍ର ଲାଗୁ ହେବ । ମଧ୍ୟବର୍ତ୍ତୀକାଳୀନ ବୁଝାମଣାକୁ ଅନ୍ତିମ ରୂପ ଦେବେ ।

​​​​​​​ଭାରତ ଏବଂ ଆମେରିକା ଏକ ଐତିହାସିକ ବାଣିଜ୍ୟ ଚୁକ୍ତି ଆଡକୁ ଆଉ ଏକ ପଦକ୍ଷେପ ନେଇଛନ୍ତି । ଦ୍ୱିପାକ୍ଷିକ ବାଣିଜ୍ୟକୁ ଉନ୍ନତ କରିବା ଦିଗରେ ଏହାକୁ ଏକ ପ୍ରମୁଖ ପଦକ୍ଷେପ ବୋଲି ବିବେଚନା କରାଯାଉଛି । ବାଣିଜ୍ୟକୁ ବୃଦ୍ଧି କରିବା ପାଇଁ ଦୁଇ ଦେଶ ଏକ ମଧ୍ୟବର୍ତ୍ତୀକାଳୀନ ବାଣିଜ୍ୟ ଚୁକ୍ତିର ଢାଞ୍ଚାରେ ସହମତ ହୋଇଛନ୍ତି । ଏହା ଦୁଇ ଦେଶ ମଧ୍ୟରେ ଭବିଷ୍ୟତରେ ଏକ ଦ୍ୱିପାକ୍ଷିକ ବାଣିଜ୍ୟ ଚୁକ୍ତି ପାଇଁ ମୂଳଦୁଆ ସ୍ଥାପନ କରିବ । ଏହା ଭାରତରେ ଅନେକ ଆମେରିକୀୟ ଉତ୍ପାଦ ଶସ୍ତା କରିବ, ଯେତେବେଳେ ଅନେକ ଭାରତୀୟ ଉତ୍ପାଦକୁ ଆମେରିକାରେ ଆଶ୍ୱସ୍ତି ମିଳିବ । 

​​​​​​​ଦୁଇ ପକ୍ଷରୁ ବଜାର ପ୍ରବେଶ- ଟାରିଫ୍ ପାଇଁ  ଦୁଇ ଦେଶ ମଧ୍ୟରେ ଆସିଥିବା ତିକ୍ତତା ମିଠା ହେବାକୁ ଯାଉଛି । ଉଭୟ ଦେଶ ମଧ୍ୟରେ ବ୍ୟବସାୟ ବଟା ଫିଟିଛି । ଦୁଇ ଦେଶ ପାରସ୍ପରିକ ଲାଭଦାୟକ  ବଜାରରେ ପ୍ରବେଶ ସୁନିଶ୍ଚିତ କରିବାକୁ ସହମତି ହୋଇଛନ୍ତି ।


ଶୁଳ୍କ ବ୍ୟତୀତ ଅନ୍ୟାନ ପ୍ରତିବନ୍ଧକ ଦୂର ହେବ- ଭାରତ ଏବଂ ଆମେରିକା ମଧ୍ୟ ସହମତ ହୋଇଛନ୍ତି କି, ଅନେକ କ୍ଷେତ୍ରରେ ଶୁଳ୍କ ବ୍ୟତୀତ ଅନ୍ୟ କିଛି କାରଣ ଅଛି ଯାହା ବାଣିଜ୍ୟକୁ ପ୍ରଭାବିତ କରେ । ଏହି ପ୍ରତିବନ୍ଧକଗୁଡିକୁ ଦୂର କରାୟିବ ଏବଂ ଆଇସିଟି ଲାଇସେନ୍ସିଂ ଏବଂ ଆମେରିକୀୟ ଉତ୍ପାଦଗୁଡିକର ମାନଦଣ୍ଡକୁ ଉନ୍ନତ କରାଯିବ ।


ଭବିଷ୍ୟତରେ ଶୁଳ୍କ ପରିବର୍ତ୍ତନ ସମ୍ପର୍କରେ ନମନୀୟତା- ଉଭୟ ଦେଶ ସହମତ ହୋଇଛନ୍ତି ଯେ ଯଦି ସେମାନଙ୍କ ମଧ୍ୟରୁ ଜଣେ ଶୁଳ୍କ ପରିବର୍ତ୍ତନ କରେ, ତେବେ ଅନ୍ୟ ଜଣେ ମଧ୍ୟ ସେହି ଅନୁସାରେ ତାର ଶୁଳ୍କ ପରିବର୍ତ୍ତନ କରିବାର ଅଧିକାର ପାଇବ ।


ଅର୍ଥନୈତିକ ସୁରକ୍ଷା ଏବଂ ବୈଷୟିକ ସହଯୋଗ- ଭାରତ ଏବଁ ଯୁକ୍ତରାଷ୍ଟ୍ର ଯୋଗାଣ-ଶୃଙ୍ଖଳା ସ୍ଥିରତା, ନିବେଶ ଯାଞ୍ଚ, ରପ୍ତାନି ନିୟନ୍ତ୍ରଣ ଏବଂ ଅନ୍ୟ ଦେଶର ବାଣିଜ୍ୟ ନୀତିର ମୁକାବିଲା ପାଇଁ ଏକାଠି କାମ କରିବେ । ଦେଇ ଦେଶ ଜିପିୟୁ ଏବଂ ଡାଟା ସେଣ୍ଟର ହାର୍ଡୱେର ସମେତ ନୂଆ ପ୍ରଯୁକ୍ତିବିଦ୍ୟା ବାଣିଜ୍ୟ ଏବଂ ସହଯୋଗକୁ ମଧ୍ୟ ବିସ୍ତାର କରିବେ ।