ପ୍ରମୂଖ ଖବର
  • ଶ୍ରୀମନ୍ଦିରରେ ପୂଜା ହେଲା ଆଇପିଏଲ୍‌ ଟ୍ରଫି, ବିଜୟୀ ହେବାକୁ 'କୋଲକତା ନାଇଟ୍ ରାଇଡର୍ସ'ର ପ୍ରାର୍ଥନା
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କର ବଡ଼ ମହାସ୍ନାନ, ବେହେରଣ ଦ୍ୱାର ନିକଟରେ ପଡିଥିଲା ରକ୍ତ ଛିଟା
  • ||
  • ବାଲେଶ୍ୱର : ଘରେ ପଶି ଅଙ୍ଗନବାଡ଼ି କର୍ମୀଙ୍କୁ ହାଣିଲେ ଦୁର୍ବୃତ୍ତ, ପୋଲିସର ତଦନ୍ତ ଆରମ୍ଭ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣାର ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଅଶ୍ୱିନୀ
  • ||
  • ନୂଆଦିଲ୍ଲୀ ରେଳଷ୍ଟେସନ ଦଳାଚକଟା ଘଟଣା, ମୃତ୍ୟୁ ସଂଖ୍ୟା ୧୮କୁ ବୃଦ୍ଧି, ଶୋକବ୍ୟକ୍ତ କଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ
  • ||
  • ଓଡ଼ିଶା ଅର୍ଥନୈତିକ ସର୍ଭେ ରିପୋର୍ଟ: ଚଳିତ ବର୍ଷ ଅଭିବୃଦ୍ଧି ୭.୨%କୁ ହ୍ରାସ, ଆଗାମୀ ବର୍ଷ ୮.୫% ହାରରେ ବଢ଼ିବ
  • ||
  • କଟକ : ଷ୍ଟ୍ରିଟ୍‌ ଲାଇଟ୍‌ ଖୁଣ୍ଟରୁ ଯୁବକଙ୍କୁ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ଗରମରୁ ମିଳିବ ସାମାନ୍ୟ ଆଶ୍ୱସ୍ତି: ଆସନ୍ତା ୧୯ରୁ ୨୧ ଯାଏ ବର୍ଷା ସମ୍ଭାବନା, ବିଭିନ୍ନ ଜିଲ୍ଲାକୁ ଆଲର୍ଟ ଜାରି
  • ||

ଜେମିମାଙ୍କ ଦମଦାର ଶତକ, ଆୟର୍ଲାଣ୍ଡକୁ ୩୭୧ରନ୍ ଟାର୍ଗେଟ ଦେଲା ଭାରତ

Published By : Ankita S | January 12, 2025 3:03 PM

ନୂଆଦିଲ୍ଲୀ,୧୨/୦୧: ମହିଳା ଭାରତ ଓ ଆୟର୍ଲାଣ୍ଡ ମଧ୍ୟରେ ଆଜି ଦ୍ବିତୀୟ ଦିନିକିଆ ଖେଳାଯାଇଛି । ପ୍ରଥମେ ବ୍ୟାଟିଂ କରି ରନର ପାହାଡ ଛିଡା କରିଛି ସ୍ମୃତି ମାନ୍ଧାନାଙ୍କ ନେତୃତ୍ବଧୀନ ଭାରତୀୟ ଦଳ । ପ୍ରଥମେ ବ୍ୟାଟିଂ କରି ୫ ୱିକେଟ ହରାଇ ୩୭୦ ରନ କରିଛି ଭାରତ । ଦିନିକିଆରେ ଏହା ଭାରତର ସର୍ବବୃହତ ଦଳଗତ ସ୍କୋର । ଆୟର୍ଲାଣ୍ଡକୁ ୩୭୧ରନ ବିଜୟ ଲକ୍ଷ୍ୟ ଦେଇଛି ଟିମ୍ ଇଣ୍ଡିଆ । ଜେମିମା ରୋଡ୍ରିଗ୍ସ ୧୦୨ରନର ଦମଦାର ଶତକୀୟ ପାଳି ଖେଳିଛନ୍ତି । ଏହା ତାଙ୍କର ପ୍ରଥମ ଦିନିକିଆ ଶତକ । ଆୟର୍ଲାଣ୍ଡ ପକ୍ଷରୁ ଓର୍ଲା ପ୍ରିଣ୍ଡେଗାଷ୍ଟ ୨ଟି ୱିକେଟ ନେଇଛନ୍ତି । ପ୍ରଥମ ଦିନିକିଆ ଜିତିଥିଲା ଭାରତ । ବର୍ତ୍ତମାନ ସିରିଜ୧-୦ ସ୍ଥିତିରେ ରହିଛି ।

ଟସ୍  ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ ଅଧିନାୟିକା ସ୍ମୃତି ମାନ୍ଧନା । ପ୍ରତୀକା ରାୱଲ ଓ ସ୍ମୃତି ମାନ୍ଧାନା ଓପନିଂ କରିଥିଲେ । ୫ ଓଭରରେ ଦୁଇଜଣଙ୍କ ମଧ୍ୟରେ ୫୦ରନ ଭାଗୀଦାରି ହୋଇଥିଲା । ଆୟର୍ଲାଣ୍ଡ ବୋଲରଙ୍କ ପାଇଁ ଏହି ଯୋଡିକୁ ଭାଙ୍ଗିବା କଷ୍ଟକର ହୋଇଥିଲା । ୧୫ତମ ଓଭରରେ ଅର୍ଦ୍ଧଶତକ ହାସଲ କରିଥିଲେ ପ୍ରତୀକ୍ଷା ରାୱଲ । ଦଳୀୟ ସ୍କୋର ୧୫୬ରେ ସ୍ମୃତି ମାନ୍ଧାନା ୫୪ ବଲରେ ୭୩ରନ କରି ଓର୍ଲାଙ୍କ ବଲରେ ଆଉଟ ହୋଇଥିଲେ । ଏହାପରେ ୬୭ରନ କରି ଜିଓଗିନାଙ୍କ ବଲରେ ପାଭିଲିୟନ ଫେରିଥିଲେ ପ୍ରତୀକା ରାୱଲ । ପରେ ହର୍ଲିନ ଦେଓଲ ଓ ଜେମିମି ବ୍ୟାଟିମ କରିଥିଲେ ।

ଏହି ଯୋଡି ମଧ୍ୟ ଆୟର୍ଲାଣ୍ଡ ବୋଲରଙ୍କୁ ନାକେଦମ କରିଥିଲେ । ଉଭୟଙ୍କ ବ୍ୟାଟିଂ ବଳରେ ଦଳୀୟ ସ୍କୋର ୨୦୦ରେ ପହଞ୍ଚିଥିଲା । ଜେମିମା ଦିନିକିଆରେ ୧୦୦୦ ରନ ପୂରଣ କରିଥିଲେ । ୯୧ ବଲରେ ୧୦୨ରନ ଶତକୀୟ ପାଳି ଖେଳିଥିଲେ ଜେମିମା । ହର୍ଲିନ ଦେଓଲ ମଧ୍ୟ ଅର୍ଦ୍ଧଶତକ ହାସଲ କରିଥିଲେ । ୮୯ ରନ କରି ଅର୍ଲିନ କେଲିଙ୍କ ବଲରେ ଆଉଟ ହୋଇଥିଲେ । ରାଚା ଘୋଷ ୧୦ରନ କରିଥିଲେ । ଭାରତ ୫ ୱିକେଟ ହରାଇ ୩୭୦ ରନ କରିଛି । ଆୟର୍ଲାଣ୍ଡ ଆଗରେ ୩୭୧ରନ ବିଜୟ ଲକ୍ଷ୍ୟ ରହିଛି । ଆୟର୍ଲାଣ୍ଡ ପକ୍ଷକୁ ଓର୍ଲା ସର୍ବାଧିକ ୨ଟି ୱିକେଟ ନେଇଛନ୍ତି ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.