ଆମ୍ବ ଗ୍ରୀଷ୍ମ ଦିନିଆ ଫଳ ହୋଇଥିବାରୁ ଛୋଟ ପିଲାଙ୍କଠୁ ବୟସ୍କ ସମସ୍ତେ ଖାଇବାକୁ ପସନ୍ଦ କରନ୍ତି । ଏଥିରେ ପ୍ରଚୁର ପରିମାଣର ଶର୍କରା ରହିଥାଏ। ହେଲେ ମଧୁମେହ ରୋଗୀମାନଙ୍କୁ ସାଧାରଣତଃ ମିଠା ଖାଦ୍ୟ ପରିହାର କରିବାକୁ ପରାମର୍ଶ ଦିଆଯାଏ, କାରଣ ଏହା ରକ୍ତରେ ଶର୍କରା ସ୍ତରକୁ ହଠାତ୍ ବୃଦ୍ଧି କରିପାରେ ଏବଂ ଅନେକ ଗମ୍ଭୀର ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ । ତେବେ ଆସନ୍ତୁ ଜାଣିବା ମଧୁମେହ ରୋଗୀମାନେ ଆମ୍ବ ଖାଇପାରିବେ କି ନାହିଁ ?
ବିଶେଷଜ୍ଞମାନଙ୍କ ମତରେ, ମଧୁମେହ ରୋଗୀମାନେ ଆମ୍ବ ଖାଇପାରିବେ । ହେଲେ ଆମ୍ବ ଖାଇବା ସମୟରେସତର୍କ ରହିବା ଉଚିତ । ସୀମିତ ପରିମାଣରେ ଏବଂ ଅଳ୍ପ ପରିମାଣରେ ଆମ୍ବ ଖାଇବା ଉଚିତ୍ । ମଧୁମେହ ରୋଗୀମାନେ ପ୍ରାୟ ୧୦୦ ଗ୍ରାମ ଆମ୍ବ ଖାଇବା ଉଚିତ । ଏହାର ଅର୍ଥ ହେଉଛି ମଧୁମେହ ରୋଗୀମାନେ ପ୍ରତିଦିନ ଗୋଟିଏ ମଧ୍ୟମ ଆମ୍ବ ଖାଇପାରିବେ । ଏହା ସହିତ, ADA ଆମ୍ବ ଖାଇବା ସମୟରେ କ୍ଷୀର କିମ୍ବା ଷ୍ଟାର୍ଚଯୁକ୍ତ ଖାଦ୍ୟ ପରିହାର କରିବାକୁ ଏବଂ ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣରେ ରଖିବା ପାଇଁ ପରାମର୍ଶ ଦିଏ । ଏହା ବ୍ୟତୀତ ରୋଗୀମାନେ କେତେ ପରିମାଣର ଆମ୍ବ ଖାଇବା ଉଚିତ ତାହା ନିର୍ଣ୍ଣୟ କରିବା ପାଇଁ ସେମାନଙ୍କର ବ୍ୟକ୍ତିଗତ ଡାକ୍ତରଙ୍କ ସହିତ ପରାମର୍ଶ କରିବା ଭଲ ।
ଆମ୍ବରେ ଭିଟାମିନ୍, ଫାଇବର ଏବଂ ଆଣ୍ଟିଅକ୍ସିଡାଣ୍ଟ ଭରପୂର ରହିଥିବା ବେଳେ ପ୍ରାକୃତିକ ଚିନି ମଧ୍ୟ ଯଥେଷ୍ଟ ପରିମାଣରେ ଥାଏ । ଆମ୍ବ ଅତ୍ୟଧିକ ସେବନ ଅନେକ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ । ଅତ୍ୟଧିକ ଆମ୍ବ ଖାଇବା ଦ୍ୱାରା ରକ୍ତରେ ଶର୍କରା ସ୍ତର ହଠାତ୍ ବୃଦ୍ଧି ପାଇପାରେ । ବିଶେଷକରି, ଏକା ସାଙ୍ଗରେ ବହୁତ ପାଚିଲା କିମ୍ବା ବହୁତ ମିଠା ଆମ୍ବ ଖାଇବାଠାରୁ ଦୂରେଇ ରହିବା ଉଚିତ । ଆମ୍ବ ଜୁସ୍, ପ୍ୟାକେଜ୍ ହୋଇଥିବା ଆମ୍ବ ଜୁସ୍ ଏବଂ ଆମ୍ବରୁ ତିଆରି ହୋଇଥିବା ମିଠା ଯାହାକୁ ମଧୁମେହ ରୋଗୀମାନେ ସମ୍ପୂର୍ଣ୍ଣ ଭାବରେ ଏଡ଼ାଇବା ଉଚିତ ।
ଆମ୍ବ କେବଳ ଦିନବେଳା ଖାଇବା ଉଚିତ, ଏବଂ ତାହା ମଧ୍ୟ ସୀମିତ ପରିମାଣରେ ।ଏହା ରକ୍ତରେ ଶର୍କରା ସ୍ତର ବୃଦ୍ଧି କରିପାରେ । ବ୍ୟକ୍ତିବିଶେଷଙ୍କ ଶରୀର ଭିନ୍ନ ଭିନ୍ନ ପ୍ରତିକ୍ରିୟା ଦିଏ । ତେଣୁ, ଆମ୍ବ ଖାଇବା ପରେ ଆପଣଙ୍କ ରକ୍ତରେ ଶର୍କରା ସ୍ତର ଯାଞ୍ଚ କରିବା ଦ୍ୱାରା ଏହି ଫଳ ଆପଣଙ୍କ ଶରୀରକୁ କିପରି ପ୍ରଭାବିତ କରେ ତାହା ନିର୍ଣ୍ଣୟ କରିବାରେ ସାହାଯ୍ୟ ମିଳିପାରିବ । ଯେଉଁମାନେ ନିୟମିତ ବ୍ୟାୟାମ କରନ୍ତି, ମଧୁମେହ ଔଷଧ ଖାଆନ୍ତି ଏବଂ ସୁସ୍ଥ ଖାଦ୍ୟ ପାଳନ କରନ୍ତି, ସେମାନେ ସେମାନଙ୍କ ଡାକ୍ତରଙ୍କ ପରାମର୍ଶ ଅନୁଯାୟୀ ଆମ୍ବକୁ ସୀମିତ ପରିମାଣରେ ଖାଇପାରିବେ । ସାମଗ୍ରିକ ଭାବରେ, ମଧୁମେହ ରୋଗୀମାନଙ୍କୁ ଆମ୍ବକୁ ସମ୍ପୂର୍ଣ୍ଣ ଭାବରେ ତ୍ୟାଗ କରିବାକୁ ପଡ଼ିବ ନାହିଁ ।
