PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲମତାପୁଟ : ୮ଲକ୍ଷ ଟଙ୍କାର ଗଞ୍ଜେଇ ଵୋଝେଇ କାର ଜବତ, ମାଫିଆ ଫେରାର
  • ||
  • ଧର୍ମଗଡ଼ : ୩ କୁଇଣ୍ଟାଲ ୨୦ କେ.ଜିର ଜବତ, ଜଣେ ଗିରଫ
  • ||
  • ବାଲିଗୁଡ଼ା : ଆବାସିକ ବିଦ୍ୟାଳୟରେ ସପ୍ତମ ଶ୍ରେଣୀ ଛାତ୍ରୀ ଗର୍ଭବତୀ, ସନ୍ଦିଗ୍ଧ ଛାତ୍ର ଅଟକ
  • ||
  • କଣ୍ଟାବାଞ୍ଜି : ତ୍ରିନାଥ ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଓ ରୂପାର ଝୁମର ଚୋରି କରିନେଲେ ଦୁର୍ବୃତ୍ତ
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା କାଙ୍କଡ଼ପାଳ ଗ୍ରାମରେ ବଚସାକୁ ନେଇ ଫାଙ୍କା ଗୁଳିଚାଳନା, ଭୟରେ ଖସିପଡ଼ି ଜଣେ ଆହତ, ଘଟଣା ସ୍ଥଳରୁ ୩ ଖୋକା ଜବତ
  • ||

ପାକିସ୍ତାନ କବଜାରେ ଥିବା ବାୟୁସେନା ପାଇଲଟଙ୍କ ନାଁ ଅଭିନନ୍ଦନ

source:www.thenewsminute.com

ନୁଆଦିଲ୍ଲୀ ୨୭/୨: ସୀମାରେ ତିକ୍ତତା ଲାଗିରହିଛି । ଏହା ମଧ୍ୟରେ ପାକିସ୍ତାନୀ ସେନା କହିଛି ଯେ ପାକିସ୍ତାନ, ଏୟାର ସ୍ପେଶରେ ପଶିଥିବା ୨ ଭାରତୀୟ ଲଢୁଆ ବିମାନକୁ ମାରି ଖସାଇ ଦେଇଛି ଏବଂ ଜଣେ ପାଇଲଟକୁ ଗିରଫ କରିଛି । ପୂର୍ବରୁ ଭାରତୀୟ ବାୟୁସେନା ପାକିସ୍ତାନର ଏହି ବୟାନକୁ ଖଣ୍ଡନ କରି ଆମର କେହି ପାଇଲଟ୍ ନିଖୋଜ ହୋଇନାହାନ୍ତି ବୋଲି କହିଥିଲା । କିନ୍ତୁ ଏବେ ଏହାକୁ ସ୍ୱୀକାର କରିଛି ଭାରତ ।

ଭାରତୀୟ ବାୟୁସେନାର ଜଣେ ପାଇଲଟ୍ ନିଖୋଜ ଅଛନ୍ତି । ପାଇଲଟଙ୍କୁ ଗିରଫ କରିଥିବା ଦାବି କରୁଛି ପାକିସ୍ତାନ । ଭାରତର ମିଗ୍-୨୧ ଯୁଦ୍ଧ ବିମାନ କ୍ରାଶରେ ନଷ୍ଟ ହୋଇଯାଇଥିଲା । ଅନ୍ଯପଟେ ପାକିସ୍ତାନୀ ସେନା ଏହା ଦାବି କରୁଛି ଯେ ଭାରତର ୨ ବିମାନକୁ ମାରି ଖସାଇ ଦେଇଛି । ସେ ଏହା ମଧ୍ଯ କହୁଛି ଯେ ସେମାନଙ୍କ ମଧ୍ଯରୁ ଜଣେ ପାଇଲଟ୍ ଜୀବୀତ ଅଛନ୍ତି । ଏହା ମଧ୍ଯରେ ବୈଦେଶିକ ମନ୍ତ୍ରାଳୟ ପ୍ରେସ୍ କନଫରେନ୍ସ କରି ଏହି ମାମଲାର ସୂଚନା ଦେଇଛନ୍ତି । ବୈଦେଶିକ ମନ୍ତ୍ରାଳୟ ସୂଚନା ଅନୁସାରେ ଜଣେ ପାଇଲଟ୍ ପ୍ରକୃତରେ ନିଖୋଜ ଅଛନ୍ତି । ନିଖୋଜ ହୋଇଥିବା ଏହି ପାଇଲଟଙ୍କ ନାଁ ଅଭିନନ୍ଦନ ବର୍ଦ୍ଧମାନ ବୋଲି ଜଣା ପଡିଛି । ଅନ୍ୟପଟେ ଜଣେ ପାକିସ୍ତାନୀ ସାମ୍ବାଦିକ ମଧ୍ଯ କମାଣ୍ଡର ଅଭିନନ୍ଦନଙ୍କ ଫଟୋ ଟ୍ୱିଟ୍ କରି ଏହା କହିଛନ୍ତି ।

ପାକିସ୍ତାନ କହୁଛି ଯେ ଭାରତୀୟ ଏୟାରଫୋର୍ସ କମାଣ୍ଡର ଅଭିନନ୍ଦନ ବର୍ତ୍ତମାନ ପାକିସ୍ତାନ କବଜାରେ ଅଛନ୍ତି । ପାକିସ୍ତାନ କହିବାନୁସାରେ ତା କବଜାରେ ସମୁଦାୟ ୨ ଭାରତୀୟ ପାଇଲଟ୍ ଅଛନ୍ତି । ମାତ୍ର ବୈଦେଶିକ ମନ୍ତ୍ରାଳୟ ପ୍ରବକ୍ତା ରବିଶ କୁମାର କହିଛନ୍ତି ପାକିସ୍ତାନୀ ବିମାନ ଆମ ସୀମାରେ ପଶିଆସିଥିଲା । ସେହି ସମୟରେ ଜବାବ ଦେବା ସମୟରେ ଏକ ମିଗ୍-୨୧ ଲଢୁଆ ବିମାନ କ୍ରାଶ୍ ହୋଇଯାଇଥିଲା ଏବଂ ଆମର ଜଣେ ପାଇଲଟ୍ ନିଖୋଜ ଅଛନ୍ତି । ଅନ୍ଯପଟେ ଭାରତ ଓ ପାକିସ୍ତାନ ମଧ୍ଯରେ ବଢୁଥିବା ତିକ୍ତତା ଯୋଗୁଁ ବାୟୁ ସେନାକୁ ହାଇ ଆଲର୍ଟରେ ରଖାଯାଇଛି । ଲଢୁଆ ବିମାନକୁ ୨ ମିନିଟ୍ ମଧ୍ୟରେ ପ୍ରସ୍ତୁତ ହେବା ପାଇଁ ନିର୍ଦ୍ଦେଶ ଦିଆଯାଇଛି ।

ଅଧିକ ପଢନ୍ତୁ ୱିଙ୍ଗ କମାଣ୍ଡରଙ୍କୁ ଶୁକ୍ରବାର ଛଡାଯିବ ବୋଲି ପାକିସ୍ତାନ ସଂସଦରେ କହିଲେ ଇମ୍ରାନ୍

ସମ୍ବନ୍ଧିତ ଖବର