ନୂଆଦିଲ୍ଲୀ: ଭାରତ ଏବଂ ପାକିସ୍ତାନ ମଧ୍ୟରେ ତକ୍ତ ସଂପର୍କ ଲାଗି ରହିଥିବା ବେଳେ ଏକ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି । ବୈଦେଶିକ ମନ୍ତ୍ରଣାଳୟ ଦ୍ୱାରା ଦିଆଯାଇଥିବା ସୂଚନାରୁ ଜଣାପଡିଛି ଯେ, ପାକିସ୍ତାନ ଜେଲରେ ୨୪୬ ଜଣ ଭାରତୀୟ ନାଗରିକ ବନ୍ଦୀ ଅଛନ୍ତି । ସେମାନଙ୍କ ମଧ୍ୟରୁ ୫୩ ଜଣ ସାଧାରଣ ନାଗରିକ ଏବଂ ୧୯୩ ଜଣ ଭାରତୀୟ ମତ୍ସ୍ୟଜୀବୀ ।  ସେମାନେ ଭାରତୀୟ କିମ୍ବା ଭାରତୀୟ ବୋଲି ଦାବି କରାଯାଉଛି । ଭାରତ ଏବଂ ପାକିସ୍ତାନ ମଧ୍ୟରେ ପ୍ରତିବର୍ଷ ଦୁଇଥର ହେଉଥିବା କଏଦୀଙ୍କ ତାଲିକା ଆଦାନପ୍ରଦାନ ସମୟରେ ଏହି ସୂଚନା ସାମ୍ନାକୁ ଆସିଛି ।

 ବୈଦେଶିକ ମନ୍ତ୍ରଣାଳୟ (MEA) ଏକ ସରକାରୀ ବିବୃତ୍ତିରେ ଏନେଇ ଜଣାପଡ଼ିଛି  । ୨୦୦୮ ରେ ଭାରତ ଏବଂ ପାକିସ୍ତାନ ମଧ୍ୟରେ ଏକ କୂଟନୀତି ସ୍ତରୀୟ ଚୁକ୍ତିନାମା ସ୍ୱାକ୍ଷରିତ ହୋଇଥିଲା । ଏହା ଅଧୀନରେ, ପ୍ରତିବର୍ଷ ଜାନୁଆରୀ ୧ ଏବଂ ଜୁଲାଇ ୧ ରେ  ଜେଲରେ ବନ୍ଦୀ ଥିବା ଉଭୟ ଦେଶର କଏଦୀଙ୍କ ତାଲିକା ଆଦାନପ୍ରଦାନ ହୋଇଥାଏ । ଉଭୟ ଦେଶ ମଙ୍ଗଳବାର ପରସ୍ପରକୁ କଏଦୀଙ୍କ ସଦ୍ୟତମ ତାଲିକା ହସ୍ତାନ୍ତର କରିଛନ୍ତି। ପାକିସ୍ତାନ ଭାରତକୁ ଦେଇଥିବା ତାଲିକା ଅନୁସାରେ, ବର୍ତ୍ତମାନ ସେଠାକର ଜେଲରେ ୫୩ ଜଣ ସାଧାରଣ ଭାରତୀୟ ନାଗରିକ ଏବଂ ୧୯୩ ଜଣ ମତ୍ସ୍ୟଜୀବୀ ବନ୍ଦୀ ଅଛନ୍ତି । ସେମାନେ ସମସ୍ତେ ଭାରତୀୟ କିମ୍ବା ଭାରତୀୟ ବୋଲି ଦାବି କରିଛନ୍ତି । 

 ସେପଟେ ୩୮୨ ଜଣ ପାକିସ୍ତାନୀ ନାଗରିକ ଏବଂ ୮୧ ପାକିସ୍ତାନୀ ମତ୍ସ୍ୟଜୀବୀ ଭାରତୀୟ ଜେଲରେ ବନ୍ଦୀ ଅଛନ୍ତି । ଭାରତ ସରକାରଙ୍କ ଅନୁଯାୟୀ, ୨୦୧୪ ମସିହାରୁ ଏପର୍ଯ୍ୟନ୍ତ ମୋଟ ୨,୬୬୧ ଜଣ ଭାରତୀୟ ମତ୍ସ୍ୟଜୀବୀ ଏବଂ ୭୧ ଜଣ ଭାରତୀୟ ନାଗରିକଙ୍କୁ ପାକିସ୍ତାନରୁ ମୁକ୍ତ କରାଯାଇଛି । ୨୦୨୩ ରୁ ଏପର୍ଯ୍ୟନ୍ତ ୫୦୦ ମତ୍ସ୍ୟଜୀବୀ ଏବଂ ୧୩ ଜଣ ସାଧାରଣ ଭାରତୀୟ ନାଗରିକ ପାକିସ୍ତାନରୁ ଭାରତ ଫେରିଛନ୍ତି । ତେବେ ଏହି ସମସ୍ୟାର ପ୍ରାଥମିକତା ଭିତ୍ତିରେ ସମାଧାନ କରିବାକୁ ଚାହୁଁଛନ୍ତି ଭାରତ ସରକାର । ଫଳରେ ନିର୍ଦ୍ଦୋଷ ଲୋକମାନେ ବର୍ଷ ବର୍ଷ ଧରି ଜେଲରେ ନରହି ସ୍ବଦେଶ ଫେରିପାରିବେ ।