ନୂଆଦିଲ୍ଲୀ, ୩୦/୪ : ପହଲଗାମ ଆତଙ୍କୀ ଆକ୍ରମଣ ଉପରେ କଟୁ ମନ୍ତବ୍ୟ ଦେବା ଶାହିଦ ଆଫ୍ରିଦଙ୍କୁ ପଡ଼ିଲା ମହଙ୍ଗା । ଶାହିଦଙ୍କ ୟୁଟ୍ୟୁବ ଚ୍ୟାନେଲ ଭାରତରେ ବ୍ୟାନ୍ କରାଯାଇଛି । ଏବେ ଭାରତରେ ପାକିସ୍ତାନର ପୂର୍ବତନ ଅଧିନାୟକ ଶାହିଦ ଆଫ୍ରିଦଙ୍କ ୟୁଟ୍ୟୁବ ଚ୍ୟାନେଲ ଦେଖିପାରିବେ ନାହିଁ । ଏହା ପୂର୍ବରୁ ଭାରତ ସରକାର ଅନ୍ୟ ପାକିସ୍ତାନ କ୍ରିକେର୍ଟ୍ସଙ୍କ ବିପକ୍ଷରେ ବି ଆକ୍ସନ ନେଇ ସାରିଛନ୍ତି ।
ସୂଚନା ଅନୁସାରେ ଶାହିଦ ଆଫ୍ରିଦଙ୍କ ପୂର୍ବରୁ ଶୋଏବ ଅଖତର, ରଶିଦ ଲତିଫ ଏବଂ ତନବୀର ଅହମଦଙ୍କ ଭଳି ଭେଟରାନ କ୍ରିକେଟରଙ୍କ ୟ୍ୟୁଟ୍ୟୁବ ଚ୍ୟାନେଲ ଭାରତରେ ବ୍ୟାନ କରାଯାଇସାରିଛି । ଭରତ ସରକାର ଏହି ଆକ୍ସନ ପହଲଗାମ ଆତଙ୍କୀ ଆକ୍ରମଣ ପରେ ନେଇଛନ୍ତି ।
ଜମ୍ମୁ କଶ୍ମୀରର ପହଲଗାମରେ ହୋଇଥିବା ଆତଙ୍କୀ ଆକ୍ରମଣକୁ ନେଇ ଶାହିଦ ଆଫ୍ରିଦ କଟୁ ମନ୍ତବ୍ୟ ଦେଇଥିଲେ । ଆଫ୍ରିଦ କହିଥିଲେ କି ମୁଁ ଏହି କଥାରେ ବିଶ୍ବାସ କରୁଛି କି ଏହି ମୁଦ୍ଦା ଉପରେ ରାଜନୀତି ହେବା ଆବଶ୍ୟକ ନୁହେଁ । ଯେଭଳି ଭାରତରେ ଆକ୍ରମଣ ହେଲା ସିଧା ସଳଖ ପାକିସ୍ତାନର ନାଁ ନିଆଗଲା । ଯାହାକି ଭାରତକୁ ସଠିକ୍ ତଥ୍ୟ ସହ ସାମ୍ନାକୁ ଆସିବା ଆବଶ୍ୟକ ଏବଂ ସେତେବେଳେ ବିଶ୍ବକୁ କହିବା ଆବଶ୍ୟକ । କୌଣସି ଧର୍ମ ଆତଙ୍କବାଦକୁ ସମର୍ଥନ କରେ ନାହିଁ ।
ସେ ଆଗକୁ ମଧ୍ୟ କହିଥିଲେ କି ଭାରତରେ ଯାହା ହେଲା ତାହା ବହୁତ ଅଫସୋସର କଥା । ପାକିସ୍ତାନରେ ବି ଯାହା ହେଉଛି ତାହା ବି ଅଫସୋସର କଥା, ଏଭଳି ନ ହେବା ଆବଶ୍ୟକ । ମୁଁ ବୁଝୁଛି କି ପଡ଼ୋଶୀ ଦେଶକୁ ପରସ୍ପର ଭଲ ଭାବେ ରହିବା ଆବଶ୍ୟକ ଏବଂ ଲଢେଇ – ଝଗଡ଼ାରୁ ବର୍ତ୍ତି ରହିବା ଆବଶ୍ୟକ ଅଟେ ।
