ନୂଆଦିଲ୍ଲୀ : ଆମେରିକାରୁ ଏମିତି ଖବର ସାମ୍ନାକୁ ଆସିଛି, ଯାହାକି ପାଖାପାଖି ୩ ଲକ୍ଷ ଭାରତୀୟ ଛାତ୍ରଛାତ୍ରୀଙ୍କୁ ଚିନ୍ତାରେ ପକାଇ ଦେଇଛି। ଉଲ୍ଲେଖନୀୟ ୟେ, ୟୁଏସରେ ଏକ ନୂଆ ବିଲ୍‌ ଆଗତ କରାଯାଇଛି , ଯେଉଁଥିରେ ଅନ୍ତରାଷ୍ଟ୍ରୀୟ ଛାତ୍ରଛାତ୍ରୀଙ୍କ ପାଇଁ ଅପସନାଲ ପ୍ରାକ୍ଟିକାଲ ଟ୍ରେନିଂ (ଓପିଟି) ଅପସନକୁ ବନ୍ଦ କରିବାର ପ୍ରସ୍ତାବ ଅଛି। ଏହି ସୁବିଧା ବର୍ତ୍ତମାନରେ STEM ( ସାଇନ୍ସ, ଟେକ୍ନୋଲଜି , ଇଂଜନିୟରିଂ ଓ ମ୍ୟାଥମେଟିକ୍ସ)ର ଛାତ୍ରଛାତ୍ରୀଙ୍କୁ ମିଳିଥାଏ , ଯେଉଁଥିରେ ସେ ନିଜର ପାଠପଢା ପୂରା ହେବା ପରେ ଆମେରିକାରେ ୩ ବର୍ଷ ଯାଏ ରହି କାମ କରି ପାରିବେ। ଯଦି ଏହି ବିଧେୟକ ପାସ୍‌ ହୋଇଯାଏ ତ, ଛାତ୍ରଛାତ୍ରୀଙ୍କୁ ପାଠପଢା ଶେଷ କରିବାର ତୁରନ୍ତ ପରେ ଦେଶ ଛାଡ଼ିବାକୁ ହେବ, ଯେପର୍ଯ୍ୟନ୍ତ ସେମାନେ ଏଚ୍‌-୧ବି ଭିସା ହାସଲ କରି ନାହାନ୍ତି। ଏହି ନିଷ୍ପତ୍ତି ଏମିତି ସମୟରେ ନିଆ ଯାଉଛି , ଯେବେ ଟ୍ରମ୍ପ ସରକାରଙ୍କର ଟାରିଫ୍‌ ନୀତି ଗୁଡ଼ିକ ଯୋଗୁଁ ଅନେକ ଦେଶକୁ କଡ଼ା ଝଟକା ଲାଗିଛି। 

ଇଣ୍ଡିଆନ୍‌ ଷ୍ଟୁଡେଣ୍ଟସ ଆମେରିକାରେ ଅନ୍ତରାଷ୍ଟ୍ରୀୟ ଛାତ୍ରଛାତ୍ରୀଙ୍କର ସବୁଠୁ ଅଧିକ ଜନସଂଖ୍ୟାର ଅଂଶ ବିଶେଷ। ଓପେନ ଡୋର୍ସ ରିପୋର୍ଟ ଅନୁସାରେ ,୨୦୨୩-୨୪ ରେ ୟୁଏସ୍‌ରେ ୧୧ ଲକ୍ଷ ଅନ୍ତରାଷ୍ଟ୍ରୀୟ ଛାତ୍ରଛାତ୍ରୀଙ୍କ ମଧ୍ୟରୁ ୩.୩୧ ଲକ୍ଷ ଭାରତୀୟ ଥିଲେ। ଏହି ଛାତ୍ରଛାତ୍ରୀ ମୁଖ୍ୟ ରୂପେ STEM କୋର୍ସେସ୍‌ରେ ପାଠ ପଢିଥାନ୍ତି ଏବଂ ଓପିଟି ମାଧ୍ୟମରେ  ପ୍ରଫେସନାଲ ଅନୁଭବ ହାସଲ କରିଥାନ୍ତି। ଏଥିରେ ଏଚ୍-୧ ବି ଭିସା ପାଇବା ପାଇଁ ତାଙ୍କର ଯୋଗ୍ୟତା ଦୃଢ ହୋଇ ଯାଏ । ଏବେ ନୂଆ ପରିବର୍ତ୍ତନରେ ତାଙ୍କର କ୍ୟାରିୟର ପ୍ଲାନ୍‌ ଉପରେ ଗଭୀର ପ୍ରଭାବ ପଡ଼ିପାରେ। କୁହାଯାଉଛି କି , ଏହି ପଦକ୍ଷେପ ଡୋନାଲ୍ଡ ଟ୍ରମ୍ପ ପ୍ରଶାସନକ କଡ଼ା ଇମିଗ୍ରେସନ ପଲିସିର ଅଂଶ । ସେ ନିର୍ବାଚନ ଅଭିଯାନରେ ମାସ୍‌ ଡିପୋର୍ଟେସନ ଓ ଭିସା ନିୟମକୁ କଡ଼ା କରିବାର ଦାବି କରିଥିଲା। 

ନୂଆ ପ୍ରସ୍ତାବରେ କେବଳ ଭାରତୀୟ ଛାତ୍ରଛାତ୍ରୀ ନୁହେଁ , ବରଂ ଅନ୍ୟ ଦେଶର ଛାତ୍ରଛାତ୍ରୀଙ୍କ ଉପରେ ମଧ୍ୟ ପ୍ରଭାବ ପଡ଼ିବ। ସୂଚନାକାରୀଙ୍କ କହିବାନୁସାରେ , ଏଥିରେ ଅନେକ ଛାତ୍ରଛାତ୍ରୀ ଏବେ କାନାଡା ଓ ୟୁରୋପ ଭଳି ବୈକଳ୍ପିକ ଦେଶ ଆଡ଼କୁ ମୁହାଁଇ ପାରନ୍ତି,ଯେଉଁଠି ୨୦୨୫-୨୬ ପାଇଁ ଭାରତୀୟ ଆବେଦନ ଗୁଡ଼ିକରେ ୨୦ ପ୍ରତିଶତର ବୃଦ୍ଧି ଦେଖିବାକୁ ମିଳୁଛି। ଏହି ଖବରରେ ଛାତ୍ରଛାତ୍ରୀଙ୍କ ମଧ୍ୟରେ ଚିନ୍ତା ଖେଳି ଯାଇଛି। ଅନେକ ଛାତ୍ରଛାତ୍ରୀ ଏବେ ଖୁବ୍‌ ଶୀଘ୍ର ଏଚ-୧ ବି ଭିସା ପାଇଁ ଆବେଦନ କରିବାକୁ ଚେଷ୍ଟା କରୁଛନ୍ତି , କିନ୍ତୁ ତାଙ୍କର ଲଟେରୀ ପ୍ରକ୍ରିୟା ଓ ସୀମିତ କୋଟା ଏହାକୁ ମୁସ୍କିଲ କରିଥାଏ। ଯଦି ଓପିଟି ବନ୍ଦ ହୋଇ ଯାଏ ତ , ଭାରତୀୟ ଛାତ୍ରଛାତ୍ରୀଙ୍କ ପାଇଁ ଆମେରିକାରେ ପାଠପଢା ଓ କ୍ୟାରିୟରର ସ୍ୱପ୍ନ ଅଧୁରା ରହିପାରେ। ଏହିସ୍ଥିତି ଭାରତ-ଆମେରିକାର ଏଜୁକେସନାଲ ଓ ଇକୋନୋମିକ ରିଲେସନ ଉପରେ ମଧ୍ୟ ପ୍ରଶ୍ନ ଉଠାଇ ପାରେ।