ନୂଆଦିଲ୍ଲୀ,୦୮/୦୭: ଅନ୍ତର୍ଜାତୀୟ ବଜାରରେ ତୈଳ ଦରରେ ଅସ୍ଥିରତା ମଧ୍ୟରେ ଭାରତରେ ଲିଟର ପିଛା ପେଟ୍ରୋଲ ୧୦୧ ଟଙ୍କାରେ ବିକ୍ରି ହେଉଛି । ତେବେ ଅଧିକାଂଶ ରାଷ୍ଟ୍ର ଅତି କମ୍ ଦରରେ ଏହାକୁ ବିକ୍ରି କରୁଥିବା ଏକ ରିପୋର୍ଟରୁ ଜଣାପଡ଼ିଛି । ଭାରତରେ ପେଟ୍ରୋଲ ଦର ଆମେରିକା ଏବଂ ପାକିସ୍ତାନ ତୁଳନାରେ ୨୧ ଟଙ୍କା ଅଧିକ ବୋଲି ଏଥିରେ ଉଲ୍ଲେଖ କରାଯାଇଛି ।
ରିପୋର୍ଟ ଅନୁସାରେ, ଭାରତରେ ଲିଟର ପିଛା ପେଟ୍ରୋଲ ଦାମ ରହିଛି ହାରାହାରି ୧୦୧ ଟଙ୍କା । ଆମେରିକାରେ ଏହା ୭୯.୪ ଟଙ୍କା ଓ ପାକିସ୍ତାନରେ ୮୦.୪ ଟଙ୍କାରେ ବିକ୍ରି ହେଉଛି । ତେବେ ଚୀନ୍ରେ ଲିଟର ପିଛା ୯୪.୫ ଟଙ୍କା ଏବଂ ବାଂଲାଦେଶରେ ୮୫ ଟଙ୍କାରେ ଏହା ବିକ୍ରି ହେଉଛି । ଭୁଟାନ୍ରେ ଏହା ୫୮.୮ ଟଙ୍କା ଥିବାବେଳେ ଲିବ୍ୟା ଏବଂ ଇରାନ୍ରେ ଏହା ୨.୫ ଟଙ୍କାରୁ କମ୍ରେ ବିକ୍ରି ହେଉଥିବା ଜଣାପଡ଼ିଛି । ଭାରତରେ ତେଲ ଉପରେ ମୋଟା ଟିକସ ଲାଗୁଥିବାରୁ ଦର ଅଧିକ ରହିଛି ।
