ଭୁବନେଶ୍ୱର,୨୪ା୧(ବ୍ୟୁରୋ): ଓଡ଼ିଶା ମଡର୍ଣ୍ଣ ଆର୍ଟ ଗ୍ୟାଲେରୀରେ ଅନ୍ତର୍ଜାତୀୟ ଫଟୋଗ୍ରାଫି ପ୍ରଦର୍ଶନୀ ଆଜି ଉଦ୍‌ଘାଟିତ ହୋଇଯାଇଛି । ଏହା ସହ ଗୁଜରାଟ ଓଡ଼ିଶା ଲଳିତ କଳା ଏକାଡେମୀ ପକ୍ଷରୁ ଆସିଥିବା ତୃପ୍ତି ରଭର ଓ ଅଲିୟ ମିସ୍ତ୍ରୀଙ୍କ ଏକକ ଚିତ୍ରକଳାର ମଧ୍ୟ ପ୍ରଦର୍ଶନୀ ହୋଇଛି । ପଦ୍ମଶ୍ରୀ ସୁଦର୍ଶନ ସାହୁ ଓ ବରିଷ୍ଠ ଫଟୋଗ୍ରାଫର ପ୍ରଫୁଲ୍ଲ ଚନ୍ଦ୍ର ଧୀର ଅତିଥି ଭାବେ ଯୋଗ ଦେଇ ପ୍ରଦର୍ଶନୀକୁ ଉଦ୍‌ଘାଟନ କରିଥିଲେ । ଏହି ପ୍ରଦର୍ଶନୀରେ ୧୫ ଜଣ ଫଟୋଗ୍ରାଫର ଅଂଶଗ୍ରହଣ କରିଛନ୍ତି । ଏଥିରେ ୩୬ଟି ଫଟୋଗ୍ରାଫ, ୫୦ଟି ଛବି ଓ ସ୍କ୍ରାପ ମେଟାଲ୍‌କୁ ନେଇ ୬ଟି ଭାସ୍କର୍ଯ୍ୟ ପ୍ରଦର୍ଶନ କରାଯାଇଛି । ପ୍ରଦର୍ଶନୀ ୨୮ ତାରିଖ ପର୍ଯ୍ୟନ୍ତ ଚାଲିବ । କାର୍ଯ୍ୟକ୍ରମରେ ଗ୍ୟାଲେରୀର ପ୍ରତିଷ୍ଠାତା ତାରାକାନ୍ତ ପରିଡ଼ା, ଡ. ଫାଲ୍‌ଗୁନି ରାଏ ପ୍ରମୁଖ ଉପସ୍ଥିତ ଥିଲେ ।