ଫାଇନାଲ୍ ପାଇଁ ଘାତକ ଅସ୍ତ୍ର ପ୍ରସ୍ତୁତ କରିଛି ଚେନ୍ନାଇ; ଅନେକ ବଡ଼ ମ୍ୟାଚ୍ରେ ଦେଖାଇଛି ଦମ୍
Image Courtesy: KreedOn
- ଫାଇନାଲ ପାଇଁ ଚେନ୍ନାଇର ଘାତକ ବୋଲର୍
- କ୍ୟାପ୍ଟେନ୍ ଧୋନୀଙ୍କ ସେ ବିଶ୍ବାସୀ ବୋଲର୍
- ଅନେକ ବଡ଼ ବଡ଼ ମ୍ୟାଚ୍ରେ ସେ ଦେଖାଇଛନ୍ତି ତାଙ୍କ ଘାତକ ବୋଲିଂର କମାଲ୍
ନୂଆଦିଲ୍ଲୀ,୨୫/୦୫: ଆଇପିଏଲ ୨୦୨୩ରେ ଚେନ୍ନାଇ ସୁପର କିଙ୍ଗ୍ସ ଆକର୍ଷଣୀୟ ପ୍ରଦର୍ଶନ କରି ଆଇପିଏଲ ୨୦୨୩ର ଫାଇନାଲରେ ସ୍ଥାନ ଅଧିକାର କରିସାରିଛି। ଚେନ୍ନାଇ ପ୍ରଥମ କ୍ବାଲିଫାୟରରେ ଗୁଜରାଟ ଟାଇଟନ୍ସକୁ ୧୫ ରନ୍ରେ ହରାଇଥିଲା। ଏବେ ଦ୍ବିତୀୟ କ୍ବାଲିଫାୟର ଜିତିବା ଟିମ୍ ଚେନ୍ନାଇ ବିପକ୍ଷରେ ମୈଦାନରେ ରହିବ। ଚେନ୍ନାଇ ଫାଇନାଲରେ ସ୍ଥାନ ପକ୍କା କରିସାରିଛି। ଏବେ ଟିମ୍ ପାଖରେ ଏମିତି ବୋଲର ଅଛନ୍ତି, ଯେ କି ପାଖାପାଖି ସବୁ ବଡ଼ ମ୍ୟାଚ୍ରେ ଘାତକ ବୋଲିଂ କରିଆସୁଛନ୍ତି। ଆମେ କହୁଛୁ ଦୀପକ ଚହରଙ୍କ କଥା। ଚହରଙ୍କ ଠାରୁ ପୁଣି ଥରେ ଏକ ଧମାକାଦାର ପ୍ରଦର୍ଶନର ଆଶା ରହିବ।
ଚେନ୍ନାଇର ଦ୍ରୂତ ବୋଲର ଦୀପକ ଚହର ଅନେକ କ୍ଷେତ୍ରରେ ଆକର୍ଷଣୀୟ ପ୍ରଦର୍ଶନ କରିସାରିଛନ୍ତି। ବଡ଼ବଡ଼ ମ୍ୟାଚ୍ରେ ମଧ୍ୟ ସେ ଭଲ ପ୍ରଦର୍ଶନ କରିଆସିଛନ୍ତି। ଏମିତିକି ତାଙ୍କର ପ୍ଳେ ଅଫ୍ରେ ମଧ୍ୟ ଭଲ ପ୍ରଦର୍ଶନ ରହିଆସିଛି। ଚହର ଚଳିତ ସିଜିନ୍ର ୯ଟି ମ୍ୟାଚ୍ରେ ୧୨ ଟି ଓ୍ବିକେଟ ନେଇଛନ୍ତି। ତେବେ ଯଦି ପ୍ଳେ-ଅଫ୍ କଥା କହିବା ତେବେ ସେ ଅଧିକ ପ୍ରଭବୀ ସାବ୍ୟସ୍ତ ହୋଇଛନ୍ତି। ଏହି ସିଜିନର ପ୍ରଥମ କ୍ବାଲିଫାୟରରେ ଚହର ୪ ଓଭରରେ ୨୯ ରନ୍ ଦେଇ ୨ଟି ୱିକେଟ୍ ନେଇଥିଲେ। ଏହାପୂର୍ବରୁ, ୨୦୨୧ର ଫାଇନାଲ ମ୍ୟାଚରେ ସେ ୪ ଓଭରରେ ୩୨ ରନ୍ ଦେଇ ଗୋଟିଏ ୱିକେଟ୍ ନେଇଥିଲେ।
ଦୀପକ ଚହର ୨୦୧୯ ପ୍ଲେ ଅଫ୍ ମ୍ୟାଚ୍ରେ ଘାୂତକ ବୋଲିଂ କରିଥିଲେ। ସେ ପ୍ରଥମ କ୍ବାଲିଫାୟରରେ ଗୋଟିଏ ୱିକେଟ୍ ଏବଂ ଦ୍ୱିତୀୟ କ୍ବାଲିଫାୟରରେ ୨ଟି ୱିକେଟ୍ ନେଇଥିଲେ। ଏହାପୂର୍ବରୁ ସେ ୨୦୧୮ ପ୍ଲେ ଅଫ୍ ମ୍ୟାଚ୍ରେ ଚମତ୍କାର ବୋଲିଂ ମଧ୍ୟ କରିଥିଲେ। ଚହର ଆଇପିଏଲ୍ ୨୦୨୩ର ଅନ୍ତିମ ମ୍ୟାଚ୍ରେ ବିପକ୍ଷ ଦଳ ପାଇଁ ଘାତକ ସାଜିପାରନ୍ତି ବୋଲି ଅନୁମାନ କରାଯାଉଛି। ଗୁରୁତ୍ୱପୂର୍ଣ୍ଣ କଥା ହେଉଛି ଅଧିନାୟକ ମହେନ୍ଦ୍ର ସିଂ ଧୋନି ତାଙ୍କୁ ବହୁତ ବିଶ୍ୱାସ କରନ୍ତି। ଯେତେବେଳେ ଜଣେ ଖେଳାଳି ଅଧିନାୟକଙ୍କ ଫେଥ୍ଲିଷ୍ଟରେ ଥାଏ, ସେତେବେଳେ ସମ୍ପୃାକ୍ତ ଖେଳାଳୀଙ୍କର ଆତ୍ମବିଶ୍ୱାସ ଆହୁରି ବଢ଼ିଯାଏ। ତେଣୁ ଏହା ସମ୍ଭବ ଯେ ଫାଇନାଲରେ ଚହର ଭଲ ପ୍ରଦର୍ଶନ କରିବେ। ଚଳିତ ସିଜିନର ଦ୍ୱିତୀୟ କ୍ବାଲିଫାୟର ମ୍ୟାଚ୍ ଗୁଜୁରାଟ ଏବଂ ମୁମ୍ବାଇ ମଧ୍ୟରେ ଖେଳାଯିବ। ଏଥିରେ ଯେଉଁ ମ୍ୟାଚ୍ ଜିତିବ ସେ ଦଳ ଫାଇନାଲରେ ପହଞ୍ଚିବ।
ଏହି ଖବର ଉପରେ ନଜର ପକାନ୍ତୁ: ଚେନ୍ନାଇ ପାଇଁ ରାମବାଣ ସାବ୍ୟସ୍ତ ହୋଇଛନ୍ତି ଏହି ୫ ବୋଲର, କ୍ୟାପଟେନ୍ ଧୋନିଙ୍କୁ କରିନାହାନ୍ତି ନିରାଶ
