ନୂଆଦିଲ୍ଲୀ: ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ଯୋଗୁଁ ବିସିସିଆଇ ମେ’ ୯ ରେ ଆଇପିଏଲକୁ ୧ ସପ୍ତାହ ପାଇଁ ସ୍ଥଗିତ ରଖିଥିଲା।  ମେ’ ୮ ରେ ପଞ୍ଜାବ କିଙ୍ଗସ୍ ଏବଂ ଦିଲ୍ଲୀ କ୍ୟାପିଟାଲ୍ସ  ମ୍ୟାଚ୍ ମଝିରୁ ବନ୍ଦ ହୋଇଥିଲା । ଏବେ ଦୁଇ ଦେଶ ମଧ୍ୟରେ ଯୁଦ୍ଧବିରତି ସହମତି ପରେ ବିସିସିଆଇ ବାକି ମ୍ୟାଚ୍ ପାଇଁ ଏକ ନୂତନ କାର୍ଯ୍ୟସୂଚୀ ଘୋଷଣା କରିଛି । ନୂତନ କାର୍ଯ୍ୟସୂଚୀ ଅନୁଯାୟୀ, ଏହି ଲିଗ୍ ମେ’ ୧୭ ରୁ ପୁଣି ଆରମ୍ଭ ହେବ । ମୋଟ ୧୭ ମ୍ୟାଚ୍ ୬ଟି ସ୍ଥାନରେ ଖେଳାଯିବ । ଏହା ବ୍ୟତୀତ ଜୁନ୍ ୩ ରେ ଫାଇନାଲ ମ୍ୟାଚ୍ ଅନୁଷ୍ଠିତ ହେବ ।

ବିସିସିଆଇ ବାକି ମ୍ୟାଚ୍ ଗୁଡ଼ିକୁ 6ଟି ସ୍ଥାନରେ ଆୟୋଜନ କରିବାକୁ ନିଷ୍ପତ୍ତି ନେଇଛି । ବେଙ୍ଗାଲୁରୁ, ଦିଲ୍ଲୀ, ଲକ୍ଷ୍ନୌ, ମୁମ୍ବାଇ, ଅହମ୍ମଦାବାଦ ଏବଂ ଜୟପୁରରେ ବାକି ମ୍ୟାଚ୍‌ ହେବ । ବାକି ଲିଗ୍‌ ମ୍ୟାଚ୍ ମେ ୧୭ରୁ ମେ’ ୨୫ ପର୍ଯ୍ୟନ୍ତ ଖେଳାଯିବ । ଏଥିମଧ୍ୟରୁ ୨ଟି  ଡବଲ୍ ହେଡର ମ୍ୟାଚ୍‌ ଅନୁଷ୍ଠିତ ହେବ । ଏହା ବ୍ୟତୀତ ପ୍ଲେଅଫ୍ ମ୍ୟାଚ୍ ମେ’ ୨୯ ରୁ ଆରମ୍ଭ ହେବ ଏବଂ ଫାଇନାଲ୍ ମ୍ୟାଚ୍  ଜୁନ୍ ୩ରେ ଖେଳାଯିବ । କିନ୍ତୁ ବିସିସିଆଇ ଏପର୍ଯ୍ୟନ୍ତ ପ୍ଲେଅଫ୍ ମ୍ୟାଚ୍ ପାଇଁ ସ୍ଥାନ ସ୍ଥିର କରିନାହିଁ । ଏହା ପରେ ଘୋଷଣା କରାଯିବ ।

ମେ ୨୭ ତାରିଖ ସିଜିନର ଶେଷ ଲିଗ୍ ମ୍ୟାଚ୍ ଲକ୍ଷ୍ନୌ ସୁପର ଜାଏଣ୍ଟସ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ। ଏହା ପରେ କ୍ଵାଲିଫାୟର ୧ ମେ ୨୯ ତାରିଖ ଖେଳାଯିବ। ଏଲିମିନେଟର ମ୍ୟାଚ୍ ମେ ୩୦ ତାରିଖ ଓ ଦ୍ଵିତୀୟ କ୍ଵାଲିଫାୟର ଜୁନ ୧ ତାରିଖ ଖେଳାଯିବ। ଜୁନ ୩ ତାରିଖ ଫାଇନାଲ୍ ମ୍ୟାଚ୍ ଖେଳାଯିବ।