ନୂଆଦିଲ୍ଲୀ : ଆମେରିକା ଓ ଇରାନ ମଧ୍ୟରେ ବର୍ତ୍ତମାନ ଯୁଦ୍ଧ ବିରତି ଚାଲିଛି। ଶାନ୍ତିବାର୍ତ୍ତାର ରାସ୍ତା ତଲାସରେ। କିନ୍ତୁ ଏହି ସବୁ ମଧ୍ୟରେ ଇରାନ ଆମେରିକାକୁ ଖୁବ୍ ଆଘାତ ପହଞ୍ଚାଇଛି। ଇରାନ ଉପସାଗରୀୟ ଦେଶ ଗୁଡ଼ିକରେ ଆମେରିକାର ଘାଟୀକୁ ଟାର୍ଗେଟ୍ କରି ଆକ୍ରମଣ କରିଛି। ଏହି ଆକ୍ରମଣରେ ଆମେରିକୀୟ ଘାଟୀକୁ ଖୁବ୍ ବଡ଼ କ୍ଷତି ହୋଇଛି ଏବଂ ଅନେକ ସ୍ଥାନରେ ରାଡାର , ରନୱେ ଓ ଏୟାରକ୍ରାଫ୍ଟ ଶେଷ ହୋଇ ଯାଇଛି। ପ୍ରାରମ୍ଭିକ ରିପୋର୍ଟରେ ମଧ୍ୟ କ୍ଷତି କଥା କୁହାଯାଇ ଥିଲା, କିନ୍ତୁ ତାଜା ରିପୋର୍ଟ ମୁତାବିକ , ଏହି କ୍ଷତି ବହୁତ ଅଧିକ। କୁହାଯାଏ ଯେ, ଯେଉଁ ସ୍ତରରେ କ୍ଷତି ହୋଇଛି, ସାର୍ବଜନିକ ସ୍ତରରେ ସେତେ ସୂଚନା ସାମ୍ନାକୁ ଦିଆଯାଇ ନାହିଁ।
ଆମେରିକୀୟ ଅଧିକାରୀମାନେ ଏହି ବିଷୟରେ ଏନବିସି ନ୍ୟୁଜକୁ କହିଛନ୍ତି। ଏହି ମୁତାବିକ, ଏହି ଘାଟୀକୁ ରିପେୟର କରିବାରେ ଆମେରିକାକୁ ଅନେକ ବିଲିୟନ ଡଲାର ଖର୍ଚ୍ଚ କରିବାକୁ ପଡ଼ିବ। ୨୮ ଫେବ୍ରୁଆରୀରେ ଆମେରିକା ଓ ଇସ୍ରାଏଲ ଇରାନ ଉପରେ ଆକ୍ରମଣ କରି ଥିଲେ। ଏହାର ଜବାବରେ ଇରାନ ମଧ୍ୟ ଉପସାଗରୀୟ ଦେଶ ଗୁଡ଼ିକରେ ସ୍ଥିତ ଅନେକ ଆମେରିକୀୟ ଠିକଣାକୁ ଟାର୍ଗେଟ୍ କରି ଥିଲା। ସୂଚନା ମୁତାବିକ , ପ୍ରାୟ ସାତୋଟି ଦେଶରେ ଆମେରିକାର ସାମରିକ ଠିକଣା ଗୁଡ଼ିକୁ ଟାର୍ଗେଟ୍ କରାଯାଇଛି। ଏଥିରେ ଷ୍ଟୋରେଜ୍ ୱେୟରହାଉସ୍ , କମାଣ୍ଡ ସେଣ୍ଟର୍ସ , ଏୟାରକ୍ରାଫ୍ଟ ହାଙ୍ଗର୍ସ ଓ ସାଟେଲାଇଟ୍ କମ୍ୟୁନିକେସନ ସାମିଲ ଅଛି।
ଇରାନରେ ଇତିହାସର ସବୁଠୁ ବଡ଼ ଡିଜିଟାଲ ଏମର୍ଜେନ୍ସି , ୫୭ ଦିନରୁ ଠପ୍ ଇଣ୍ଟରନେଟ୍
ଏହା ବ୍ୟତୀତ ଏହି ସବୁ ହମଲାରେ ରନୱେ , ରାଡାର ସିଷ୍ଟମ ଓ କିଛି ଏୟାରକ୍ରାଫ୍ଟକୁ କ୍ଷତି କରିଛି। ଏହିସବୁ ଜିନିଷ ମିଲିଟାରୀ ମୁଭମେଣ୍ଟ ଓ ସର୍ଭିଲାନ୍ସ ପାଇଁ ଖୁବ୍ ଜରୁରୀ ଥିଲା। ଏକ ମାମଲା ତ ଏମିତି ଥିଲା, ଯେଉଁଥିରେ ଇରାନର ପୁରୁଣା ଏଫ-୫ ଫାଇଟର ଜେଟ୍ ମଜବୁତ ଆମେରିକୀୟ ଏୟାର ଡିଫେନ୍ସ ସିଷ୍ଟମକୁ ମାତ୍ ଦେବାରେ ସଫଳ ହୋଇଥିଲା। ହେଲେ ଆମେରିକୀୟ ପ୍ରତିରକ୍ଷା ବିଭାଗ କ୍ଷତିର ସଠିକ୍ ତଥ୍ୟ ସେୟାର କରି ନାହିଁ। ଏମିତି କି ୟୁଏସ୍ ସେଣ୍ଟ୍ରାଲ କମାଣ୍ଡ ମଧ୍ୟ ଇରାନର ଆକ୍ରମଣରେ ହୋଇଥିବା କ୍ଷତି ବିଷୟରେ ସୂଚନା ଦେଇ ନାହିଁ।
