ନୂଆଦିଲ୍ଲୀ,୦୮/୦୩; ନବମ ଦିନରେ ମଧ୍ୟପ୍ରାଚ୍ୟ ମହାଯୁଦ୍ଧ । ଆକ୍ରମଣ-ପ୍ରତିଆକ୍ରମଣ ଜାରି ରହିଛି । କେହି କାହାକୁ ଛାଡିବାକୁ ନାରାଜ । ନରୱେ ରାଜଧାନୀ ଓସଲୋରେ ଥିଲା ଆମେରିକା ଦୂତାବାସ ପାଖରେ ଭୟଙ୍କର ବିସ୍ଫୋରଣ ହୋଇଛି । ବିସ୍ଫୋରଣ ଶବ୍ଦରେ ଥରିଉଠିଥିଲା ସହର । ପୁଲିସ୍ ଏବଂ ସୁରକ୍ଷା ଏଜେନ୍ସିଂ ଏହି ରହସ୍ୟମୟ ବ୍ଲାଷ୍ଟର ତଦନ୍ତ କରୁଛନ୍ତି । ଏପର୍ଯ୍ୟନ୍ତ କୌଣସି କ୍ଷୟକ୍ଷତିର ରିପୋର୍ଟ ସାମ୍ନାକୁ ଆସିନାହିଁ । ସେପଟେ ଉପସାଗରୀୟ ଆରବ ଦେଶଗୁଡ଼ିକ ଉପରେ ମିସାଇଲ ଏବଂ ଡ୍ରୋନ ମାଡ଼ ଜାରି ରଖିଛି ଇରାନ । ପୁଣି ଥରେ ଦୁବାଇ ଉପରେ ଆକ୍ରମଣ କରିଛି । ମାରିନାରେ ଏକ ଟାୱାର ଅଂଶ ଭଶୁଡି ପଡିଛି ।ଯେଉଁଥିରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ଖବର ଆସୁଛି । ଅନ୍ୟପଟେ ଇସ୍ରାଏଲ ଆକ୍ରମଣ ପରେ ଇରାନ ତୈଳ କେନ୍ଦ୍ରରେ ନିଆଁ ଲାଗିଛି । ବେରୁଟରେ ଇସ୍ରାଏଲ ଆକ୍ରମଣରେ ୪ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।
ସ୍ଥାନୀୟ ଗଣମାଧ୍ୟମ ଏବଂ ପ୍ରତ୍ୟକ୍ଷଦର୍ଶୀଙ୍କ ଅନୁସାରେ, ନରୱେ ରାଜଧାନୀ ଓସଲୋରେ ଥିଲା ଆମେରିକା ଦୂତାବାସ ପାଖରେ ହୋଇଥିବା ବିସ୍ଫୋରଣ ଏତେ ଶକ୍ତିଶାଳୀ ଥିଲା ଯେ, ନିକଟବର୍ତ୍ତୀ ଘର ଥରି ଉଠିଥିଲା । ହୁସେବି ଅଞ୍ଚଳରେ ଥିବା ଦୂତାବାସ ନିକଟରେ ବିସ୍ଫୋରଣ ପରେ ଧୂଆଁ ଉଠିଥିଲା, ଘର ଥରି ଉଠିଥିବା ଜଣେ ସ୍ଥାନୀୟ ବାସିନ୍ଦା କହିଛନ୍ତି । ଘଟଣାସ୍ଥଳରେ ୫ରୁ ୧୦ ପୁଲିସ୍ ଗାଡ଼ି ପହଞ୍ଚି ଅଞ୍ଚଳକୁ ଘେରାବନ୍ଦୀ କରିଛନ୍ତି । ଓସଲୋ ପୁଲିସ୍ ବିଭାଗ ଏକ ବିବୃତ୍ତିରେ କହିଛି ଯେ ସେମାନେ ଦୂତାବାସ ଅଧିକାରୀଙ୍କ ସହ ଯୋଗଯୋଗରେ ଅଛନ୍ତି । ବିସ୍ଫୋରଣର କାରଣ ଏହଂ ଏହା ପଛରେ କିଏ ଅଛି ତାହା ସ୍ପଷ୍ଟ ହୋଇନାହିଁ । କିନ୍ତୁ ଇରାନ ଏହି ବ୍ଲାଷ୍ଟ ଘଟାଇଥିବା କୁହାଯାଉଛି ।
ଏହା ବି ପଢନ୍ତୁ....ବିଶ୍ୱର ସର୍ବବୃହତ ହିମଖଣ୍ଡ ଆଉ ଅଳ୍ପ ଦିନର ଅତିଥି, ଖାଇଚାଲିଛି ଉତ୍ତପ୍ତ ଜଳ
ଇରାନ୍ର ରାଷ୍ଟ୍ରପତି ମସୁଦ୍ ପେଜେଶକିୟାନ୍ ପଡ଼ୋଶୀ ଦେଶଗୁଡ଼ିକ ଉପରେ ଆକ୍ରମଣ ପାଇଁ କ୍ଷମା ପ୍ରାର୍ଥନା କରିଛନ୍ତି, କିନ୍ତୁ ଇରାନ ଉପସାଗରୀୟ ଆରବ ଦେଶଗୁଡ଼ିକ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ ମାଡ଼ ଜାରି ରଖିଛି । ଇରାନ ପୁଣି ଥରେ ଦୁବାଇ ଉପରେ ଆକ୍ରମଣ କରିଛି, ଯେଉଁଥିରେ ଜଣେ ବ୍ୟକ୍ତି ପ୍ରାଣ ହରାଇଛନ୍ତି । ଦୁବାଇ ସରକାର ଏହି ଘଟଣାକୁ ନିଶ୍ଚିତ କରି କହିଛନ୍ତି ଯେ ଏହାର ବାୟୁ ପ୍ରତିରକ୍ଷା ବ୍ୟବସ୍ଥା ଆସୁଥିବା ପ୍ରକ୍ଷେପଣକୁ ସଫଳତାର ସହ ଅବରୋଧ କରିଛି, କିନ୍ତୁ ଭଗ୍ନାବଶେଷ ପଡ଼ି ମାରିନାରେ ଏକ ଟାୱାରର ବାହାର ଅଂଶକୁ କ୍ଷତି ପହଞ୍ଚାଇଛି । ସଂଯୁକ୍ତ ଆରବ ଏମିରେଟ୍ସର ଦୁବାଇ ଗଣମାଧ୍ୟମ ରିପୋର୍ଟ କରିଛି ଯେ, ଏକ ଇରାନୀ ପ୍ରକ୍ଷେପଣ ବାଧାପ୍ରାପ୍ତ ହେବା ଫଳରେ ଦୁବାଇ ମାରିନାର ଏକ ଟାୱାରର ସମ୍ମୁଖ ଭାଗକୁ ସାମାନ୍ୟ କ୍ଷତି ପହଞ୍ଚିଛି, ଯାହା ଫଳରେ ଭଗ୍ନାବଶେଷ ସେହି ଅଞ୍ଚଳରେ ପଡ଼ିଛି, ଯେଉଁଠାରେ ଅନେକ ବିଳାସପୂର୍ଣ୍ଣ ଉଚ୍ଚ କୋଠା ରହିଛି ।
