ମୁମ୍ବାଇ ୨୮/୧୧: ଗୋଆରେ ଚାଲିଥିବା ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲ୍ ଅଫ୍ ଇଣ୍ଡିଆ (IFFI) ରେ ଇରାନର ଫିଲ୍ମ ନିର୍ମାତା ରେଜା ଡର୍ମିଶିଆନ୍ ଏବେ ଭାଗ ନେବେ ନାହିଁ। ଖବର ଅନୁଯାୟୀ, ଇରାନ ଫିଲ୍ମ ନିର୍ମାତାଙ୍କ ଭାରତ ଗସ୍ତକୁ ତେହେରାନ ବନ୍ଦ କରି ଦେଇଛି। ସରକାରୀ ବିରୋଧୀ ମତ ପ୍ରକାଶ କରିବା ପାଇଁ ରେଜାଙ୍କୁ ଏହି ଫିଲ୍ମ ମହୋତ୍ସବକୁ ଯିବାକୁ ବାରଣ କରାଯାଇଛି।

ଗୋଆରେ ଚାଲିଥିବା IFI କୁ ରେଜାଙ୍କୁ ନିମନ୍ତ୍ରଣ କରାଯାଇଥିଲା।ସେ ଦାରିୟୁଶ ମେହେରଜୁଇଙ୍କ ନିର୍ଦ୍ଦେଶିତ ଏକ ଫିଲ୍ମରେ ତାଙ୍କୁ ସମର୍ଥନ କରିଥିଲେ। ଏହି ଫିଲ୍ମ ଗତ ସପ୍ତାହରେ ମୁକ୍ତିଲାଭ କରିଥିଲା। ବର୍ତ୍ତମାନ ତାଙ୍କୁ ଇରାନ କର୍ତ୍ତୃପକ୍ଷ ଦେଶ ଛାଡିବାକୁ ଅନୁମତି ଦେଇନାହାଁନ୍ତି। ଇରାନର ଫିଲ୍ମ ନିର୍ମାତା 'ଏ ମାଇନର' ଫିଲ୍ମ ନିର୍ମାଣ କରିଥିଲେ। ଏହା ଏପରି ଜଣେ ମହିଳାଙ୍କ ଉପରେ କେନ୍ଦ୍ରିତ ଯିଏକି ନିଜ ଝିଅ ଏବଂ ସ୍ୱାମୀଙ୍କ ମଧ୍ୟରେ ଫସି ରହିଛନ୍ତି। ତାଙ୍କ ଝିଅ ଖୋଲା ମନୋଭାବର ଏବଂ ସଙ୍ଗୀତ ଶିକ୍ଷା ଗ୍ରହଣ କରିବାକୁ ଚାହାଁନ୍ତି। ଯେତେବେଳେ କି, ତାଙ୍କ ସ୍ୱାମୀ ଜଣେ ରୂଢିବାଦୀ।

ସୂଚନା ଅନୁଯାୟୀ, ଯେତେବେଳେ ରେଜା ଭାରତ ଆସିବାକୁ ବିମାନବନ୍ଦରରେ ପହଞ୍ଚିଥିଲେ ସେତେବେଳେ ତାଙ୍କ ପାସପୋର୍ଟ ଜବତ କରାଯାଇଥିଲା। ରିପୋର୍ଟ ଅନୁଯାୟୀ, ରେଜାଙ୍କୁ ମଧ୍ୟ ଏହି ମାମଲାରେ କୋର୍ଟକୁ ପଠାଯାଇଥିଲା। ତେବେ ତାଙ୍କୁ ଗିରଫ କରାଯାଇଛି କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। କୁହାଯାଉଛି ଯେ ରେଜା ସୋସିଆଲ ମିଡିଆରେ କିଛି ସମୟ ହେବ ଇରାନ ସରକାରଙ୍କ ବିରୋଧରେ ଯେଉଁଭାବରେ ନିଜର ମତ ପ୍ରକାଶ କରୁଥିଲେ, ଏହି ଘଟଣାରେ ଏପରି ପଦକ୍ଷେପ ନିଆଯାଇଛି।

ଗତ କିଛି ଦିନ ତଳେ, ଇରାନରେ ଚାଲିଥିବା ଦେଶବ୍ୟାପୀ ବିରୋଧକୁ ସମର୍ଥନ କରି ରେଜା ନିଜ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ ସେୟାର କରିଥିଲେ। ୨୨ ବର୍ଷୀୟା କୁର୍ଦ୍ଦ ମହିଳା ମହସା ଆମିନୀଙ୍କର ସେପ୍ଟେମ୍ବରରେ ପୋଲିସ ହେପାଜତରେ ମୃତ୍ୟୁ ହୋଇଥିଲା। ସେବେଠାରୁ ଇରାନରେ ଅଶାନ୍ତି ଦେଖାଦେଇଛି।