ନୂଆଦିଲ୍ଲୀ : ସୁପରପାୱାର ଆମେରିକା ...ଏଫ୍ - ୩୫ ଫାଇଟର ଜେଟ୍ସ, ଘାତକ ଡ୍ରୋନ୍, ସମୁଦ୍ରର ଛାତିକୁ ଚିରି ଦେଉଥିବା ପରମାଣୁ ବୁଡ଼ା ଜାହାଜ ଓ ବିଶ୍ୱର ସବୁଠୁ ଶକ୍ତିଶାଳୀ ସେନାର ଅଂହଙ୍କାର। କିନ୍ତୁ ଟିକେଏ ଭାବନ୍ତୁ ତ , ଯେବେ ଶତ୍ରୁର ସେନା ଆପଣଙ୍କ ରାଡାର ଉପରକୁ ଆସୁ ନାହିଁ, ଆକାଶରୁ ବୋମା ମାଡ଼ ନକରି ଆପଣଙ୍କ କମ୍ପ୍ୟୁଟର ସ୍କ୍ରିନ୍ ପଛରେ ବସି ଆପଣଙ୍କ ଦେଶକୁ ଠପ୍ କରୁଛି, ତ ଏହି ବିଲିୟନ ବିଲିୟନ ଡଲାରର ଅସ୍ତ୍ରଶସ୍ତ୍ର କେଉଁ କାମକୁ ଅଛି ?
ଏହା ସତ ଯେ, ଗତ ୧୫ ବର୍ଷ ହେବ ଆମେରିକା ଏକ ଏମିତି ଭୂତ ସହ ଲଢୁଛି , ଯିଏ ଦେଖା ଯାଉ ନାହିଁ , କିନ୍ତୁ ଆଘାତ ଏତେ ଗଭୀର ଦେଉଛି ଯେ, ୱାଶିଂଟନରେ ବସିଥିବା ରଣନୀତିଜ୍ଞଙ୍କ ଝାଳ ବୋହି ଯାଉଛି। ବିନା କୌଣସି ମିସାଇଲ ମାଡ଼ , ବିନା କୌଣସି ବିସ୍ଫୋରଣରେ ଇରାନ ଆମେରିକା ବିରୁଦ୍ଧରେ ଏକ ଏମିତି ଅଦୃଶ୍ୟ ଯୁଦ୍ଧ ଜାରି ରଖିଛି, ଯାହାକି ଆମେରିକାର ଅଜେୟ ହେବାର ଲକ୍ଷ୍ୟକୁ ଚୁରମାର କରି ଦେଇଛି।
ଆମେରିକା ଗୁଇନ୍ଦା ଏଜେନ୍ସି ସିଆଇଏର ପୂର୍ବତନ ଡାଇରେକ୍ଟର ଜନ୍ ବ୍ରେନନ ଥରେ ଏହାକୁ ଖୋଲାଖୋଲି ଭାବେ ସ୍ୱୀକାର କରିଥିଲେ ଯେ, ଇରାନର ସାଇବର ଦକ୍ଷତା ଖୁବ୍ ଆଧୁନିକ ଏବଂ ସେ ବ୍ୟାପକ ସ୍ତରରେ ଧ୍ୱଂସ କିମ୍ୱା ବ୍ୟବଧାନ ସୃଷ୍ଟି କରିବାରେ ସଂପୂର୍ଣ୍ଣ ସକ୍ଷମ। ବ୍ରେନନଙ୍କର ଏହି ଚେତାବନୀ କୌଣସି ପୁସ୍ତକର ଥିଓରୀ କିମ୍ୱା ବାହାସ୍ଫୋଟ କଥା ନୁହେଁ। ଏହା ସେହି ନିରାଟ ସତ , ଯାହାକୁ ଆମେରିକା ପ୍ରତିଦିନ ଭୋଗୁଛି।
ଗତ ଏକ ଦଶକରୁ ମଧ୍ୟ ଅଧିକ ସମୟ ଆମେରିକା ଇରାନୀ ସାଇବର ଅପରେସନ୍ସର ଏକ ଲଗାତାର ଚାଲୁଥିବା ପ୍ରକ୍ରିୟାର ସାମ୍ନା କରୁଛି। ଇରାନର ଟାର୍ଗେଟ୍ରେ କୌଣସି ସାମରିକ ଶିବିର ନୁହେଁ, ତାଙ୍କ ଟାର୍ଗେଟ୍ରେ ଆମେରିକାର ବ୍ୟାଙ୍କ୍ , ଏହାର ଏନର୍ଜୀ କମ୍ପାନୀ ଓ ସେହି କ୍ରିଟିକାଲ ଇନଫ୍ରାଷ୍ଟ୍ରକଚର ଯାହା ଉପରେ ଆମେରିକୀୟ ଲୋକଙ୍କର ନିଶ୍ୱାସ ଚାଲୁଛି। ବଡ଼ ନିରବତା ଅନ୍ଦାଜରେ ଏହା ଆମେରିକା-ଇରାନ ମଧ୍ୟରେ ଚାଲୁଥିବା ଶୀତଳ ଯୁଦ୍ଧ ସବୁଠୁ ଜିଦି ଓ ବିପଜ୍ଜନକ ମୋର୍ଚ୍ଚା ହୋଇ ଯାଇଛି।
ଇରାନର ସାଇବର ଶକ୍ତି ରାତାରାତି ହୋଇ ଯାଇ ନାହିଁ। ଆମେରିକାକୁ ଏହାର ପ୍ରଥମ ଅସଲି ବିସ୍ଫୋରଣ ୨୦୧୧ ରୁ ୨୦୧୩ ମଧ୍ୟରେ ଶୁଣାଯାଇଛି, ଯେବେ ଇରାନ ଅପରେସନ ଅବାବିଲ ଲଞ୍ଚ କରିଥିଲା। ଇରାନ ସହ ଜଡ଼ିତ ହାକର୍ସ ଆମେରିକୀୟ ଆର୍ଥିକ ସଂସ୍ଥା ଉପରେ ସୁନିୟୋଜିତ DDoS ଆକ୍ରମଣର ପତାକା ଲଗାଇ ଦେଇଛନ୍ତି। DDoS ଆକ୍ରମଣର ଅର୍ଥ – କୌଣସି ୱେବସାଇଟ୍ କିମ୍ୱା ସିଷ୍ଟମକୁ ଏକା ସାଥିରେ ଏତେ ଫେକ୍ ଟ୍ରାଫିକ୍ ପଠାଇବା , ଯାହାକି ସେ ତାହା ବିଗିଡ଼ି ଯିବ। ଠିକ୍ ସେମିତି ହିଁ ଯେମିତି କୌଣସି ବ୍ୟାଙ୍କର ଡୋରରେ ହଜାର ହଜାର ଲୋକଙ୍କ ଫେକ୍ ଭିଡ଼ି ଲଗାଇ ଦେଲା ଏବଂ ପ୍ରକୃତ ଗ୍ରାହକ ଭିତରକୁ ଯାଇ ପାରିବେ ନାହିଁ।
