ନୂଆଦିଲ୍ଲୀ, ୨୦।୩: ଗାଜା ଉପରେ ଘନ ଘନ ଆକ୍ରମଣ କରୁଛି ଇସ୍ରାଏଲ । ବୋମାମାଡ଼ରେ ପୁଣି ୭୧ ପାଲେଷ୍ଟିନୀୟଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ମୃତକଙ୍କୁ ମଧ୍ୟରେ ଅଧିକାଂଶ ମହିଳା ଓ ଶିଶୁ ରହିଛନ୍ତି । ଗାଜାର ସ୍ୱାସ୍ଥ୍ୟ ମନ୍ତ୍ରୀଙ୍କ ସୂଚନାନୁସାରେ, ମୃତ୍ୟୁ ସଂଖ୍ୟା ୪୩୬କୁ ବୃଦ୍ଧି ପାଇଲାଣି । ଏଥିମଧ୍ୟରୁ ୧୮୩ ଜଣ ଶିଶୁ ଥିବା ଜଣାପଡ଼ିଛି ।
ଅଲ୍ ଜାଜିରାର ରିପୋର୍ଟ ଅନୁଯାୟୀ, ଉତ୍ତର ଏବଂ ଦକ୍ଷିଣରେ ଇସ୍ରାଏଲ ଦ୍ୱାରା ଗୁରୁବାର ସକାଳେ ହୋଇଥିବା ଆକ୍ରମଣରେ ମହିଳା ଏବଂ ଶିଶୁଙ୍କ ସମେତ ଅତି କମ୍ରେ ୭୧ ଜଣ ପାଲେଷ୍ଟାଇନୀଙ୍କ ମୃତ୍ୟୁ ହୋଇଛି । ମଙ୍ଗଳବାର ଇସ୍ରାଏଲ ଅସ୍ତ୍ରବିରତି ଭଙ୍ଗ କରିବା ପରଠୁ ନିହତ ପ୍ରାୟ ୪୩୬ ପାଲେଷ୍ଟାଇନୀଙ୍କ ମୃତ୍ୟୁ ସଂଖ୍ୟାରେ ଏହି ସଦ୍ୟତମ ହତ୍ୟାକାଣ୍ଡ ସାମିଲ କରାଯାଇଥିବା ଗାଜା ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି । ମୃତକଙ୍କ ମଧ୍ୟରେ ୧୮୩ ଜଣ ଶିଶୁ ମଧ୍ୟ ସାମିଲ ଅଛନ୍ତି ।
ଇସ୍ରାଏଲୀ ସ୍ଥଳସେନା ଗାଜା ଉପରେ ଆକ୍ରମଣରେ କରିବା ସମୟରେ, ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏକ ବଡ଼ ଚେତାବନୀ ଦେଇଛନ୍ତି । ସେ କହିଛନ୍ତି, "ଗାଜା ଷ୍ଟ୍ରିପରେ ହମାସ ବିରୁଦ୍ଧରେ ଭୟଙ୍କର ଯୁଦ୍ଧ" ସହିତ ଏକ "ବୃହତ୍ ଏବଂ ଶକ୍ତିଶାଳୀ ମୋର୍ଚ୍ଚା" ହେବ । ଗାଜାର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ, ଇସ୍ରାଏଲର ଗାଜା ଯୁଦ୍ଧରେ ଅତି କମ୍ରେ ୪୯ ହଜାର ୫୪୭ ପାଲେଷ୍ଟାଇନୀଙ୍କ ମୃତ୍ୟୁ ନିଶ୍ଚିତ ହୋଇଛି ଏବଂ ୧୧୨ ହଜାର ୭୧୯ ଆହତ ହୋଇଛନ୍ତି । ଗାଜାର ସରକାରୀ ମିଡିଆ କାର୍ଯ୍ୟାଳୟ ଏହାର ମୃତ୍ୟୁ ସଂଖ୍ୟା ୬୧ ହଜାର ୭୦୦ରୁ ଅଧିକ ବୋଲି ସୂଚନା ଦେଇଛି । ଏବେ ବି ଭଗ୍ନାବଶେଷ ତଳେ ନିଖୋଜ ହଜାର ହଜାର ପାଲେଷ୍ଟାଇନୀଙ୍କୁ ମୃତଦେହ ଚାପି ହୋଇ ରହିଥିବା ବୋଲି ଅନୁମାନ କରାଯାଉଛି । ୭ ଅକ୍ଟୋବର, ୨୦୨୩ ରେ ହମାସ ନେତୃତ୍ୱାଧୀନ ଆକ୍ରମଣ ସମୟରେ ଇସ୍ରାଏଲରେ ଅତି କମ୍ରେ ୧ ହଜାର ୧୩୯ ଜଣ ଲୋକ ପ୍ରାଣ ହରାଇଥିଲେ ଏବଂ ୨୦୦ରୁ ଅଧିକ ଲୋକଙ୍କୁ ବନ୍ଦୀ କରାଯାଇଥିଲା ।
