ମାଲକାନଗିରି, ୨୭।୨ : ମଙ୍ଗଳବିଭାଗ ହାଇସ୍କୁଲରେ ପଠା ପଢାଇଲେ ଆଇଟିଡିଏ ପ୍ରକଳ୍ପ ପ୍ରଶାସକ । ଛାତ୍ରଛାତ୍ରୀଙ୍କୁ ମାଟ୍ରିକ ପରୀକ୍ଷାର ଟିପ୍ସ ଦେଇଛନ୍ତି । ପାଣ୍ଡ୍ରିପାଣି ଅଞ୍ଚଳର ଜାତି ଜନଜାତି ହଷ୍ଟେଲ ବିଦ୍ୟାଳୟ ପରିଦର୍ଶନ କରି ପିଲାମାନଙ୍କୁ ପାଠ ପଢାଇଥିଲେ।
ମାଲକାନଗିରି ଜିଲ୍ଲା ସମନ୍ବିତ ଆଦିବାସୀ ଉନ୍ନୟନ ସଂସ୍ଥାର ନୂତନ ପ୍ରକଳ୍ପ ନିର୍ଦ୍ଦେଶକ ଭାବେ ହଳଧର ଶବର କାର୍ଯ୍ୟରେ ଯୋଗଦାନ କରିଛନ୍ତି। ଆଇଟିଡିଏ ସଂସ୍ଥା ଅଧୀନରେ ଚାଲୁଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟ ତଦାରଖ କରିବା ପାଇଁ ସେ ଗୁରୁବାର ଯାଇଥିଲେ। ପ୍ରଥମେ ପାଣ୍ଡ୍ରିପାଣି ଅଞ୍ଚଳ ଗସ୍ତ କରି ବିଭିନ୍ନ କାର୍ଯ୍ୟ ପରିଦର୍ଶନ କରିବା ସହିତ ଜାତି ଜନଜାତି ହଷ୍ଟେଲ ବିଦ୍ୟାଳୟ ପରିଦର୍ଶନ କରି ମାଟ୍ରିକ ପରୀକ୍ଷା ର ଟିପ୍ସ ଦେଇଛନ୍ତି। ମାଟ୍ରିକ ପରୀକ୍ଷାକୁ ଦୃଷ୍ଟିରେ ରଖ୍ ପାଣ୍ଡ୍ରିପାଣି ହଷ୍ଟେଲ ଛାତ୍ରଛାତ୍ରୀ ମାନଙ୍କୁ ପାଠ ପଢ଼ାଇବା ସହ ପରୀକ୍ଷା ନିମନ୍ତେ କିଛି ପରାମର୍ଶ ଦେଇଥିଲେ। ଏହାପରେ ସମସ୍ତ ଅନ୍ତେବାସୀ ଏବଂ ଶିକ୍ଷକଙ୍କ ସହିତ ବିଦ୍ୟାଳୟ ସମ୍ପର୍କରେ ଆଲୋଚନା କରିଥିଲେ। ବିଦ୍ୟାଳୟର ପାରିପାର୍ଶିକ ପରିବେଶ ଓ ଶୈକ୍ଷିକ ବାତାବରଣ ପାଇଁ ଶିକ୍ଷକ ମାନଙ୍କୁ ତାଗିଦ୍ କରିଥିଲେ।
