ମୁମ୍ୱାଇ : ବଲିଉଡ୍ ଅଭିନେତ୍ରୀ ଜାହ୍ନବୀ କପୁର ଶୁକ୍ରବାର ନିଜର ଇନଷ୍ଟଗ୍ରାମ୍ରେ ଏକ ପୋଷ୍ଟ ଲେଖିଛନ୍ତି। ଭାରତ ଓ ପାକିସ୍ତାନ ଉତ୍ତେଜନା ମଧ୍ୟରେ ଜାହ୍ନବୀର ଏହି ପୋଷ୍ଟ ଆସିଛି। ସେ ଏହି ପୋଷ୍ଟରେ ଲେଖିଛନ୍ତି ଯେ, କାଲି ରାତିରେ ନ୍ୟୁଜ୍ ଚ୍ୟାନେଲ୍ ଓ ସୋସିଆଲ ମିଡ଼ିଆରେ ଯେଉଁ ଦୃଶ୍ୟ ସାମନାକୁ ଆସିଛି, ତାହା କୌଣସି ଫିଲ୍ମ ପରି ଲାଗୁଥିଲା। ଏମିତି କିଛି ଯାହାର ମୁଁ କେବେ କଳ୍ପନା ମଧ୍ୟ କରି ନଥିଲି ଯେ , ମୁଁ ନିଜ ଜୀବନରେ ଭାରତ ମାଟିରେ ଏମିତି ହେବାର ଦେଖିବି। ଜାହ୍ନବୀ ଏହି ପୋଷ୍ଟରେ ପିଏମ ମୋଦିଙ୍କ କଥା ମଧ୍ୟ କହିଛନ୍ତି। ସେ ପିଏମ୍ ମୋଦିଙ୍କୁ ଧନ୍ୟବାଦ ଦେଇଛନ୍ତି।
ଜାହ୍ନବୀ ନିଜର ପୋଷ୍ଟରେ ଆହୁରି ଲେଖିଛନ୍ତି – କିଛି ଏମିତି ଚିନ୍ତାରେ ଥିଲେ , ଯାହା ମୁଁ ପୂର୍ବରୁ କେବେ ଅନୁଭବ କରି ନାହିଁ ଏବଂ ଏହା ମୋତେ ସେହି ସମୟରେ ଭାବିବାକୁ ବାଧ୍ୟ କରିଛି ,ଯେବେ ଆମେ ବିଦେଶୀ ମାଟିରେ ହେଉଥିବା ବିବାଦକୁ ନେଇ ଦୂରରୁ ଟିପ୍ପଣୀ କରୁଥିଲେ ଏବଂ ଶାନ୍ତିର ଆଶା କରୁଥିଲେ। କିନ୍ତୁ ଏହିଥର ଏହା ଆମର ଡୋର୍ ପାଖରେ ହୋଇଛି।
ଜାହ୍ନବୀ ନିଜର ପୋଷ୍ଟରେ ଏହା ମଧ୍ୟ ଲେଖିଛନ୍ତି – କାଲି ଦୀର୍ଘ ଦଶନ୍ଧି ଧରି କାପୁରୁଷତାପୂର୍ଣ୍ଣ ହମଲାର ସାମ୍ନା କରିବା ପରେ , ଆମେ ଜବାବୀ ହମଲା କରିବାକୁ ନିଷ୍ପତ୍ତି ନେଲୁ। ଆମର ସଶସ୍ତ୍ର ବାହିନୀର ଶକ୍ତି ଓ କ୍ଷମତା କେବେ ବି କାହାକୁ ଅଛପା ରହି ନାହିଁ। କିନ୍ତୁ ଆତଙ୍କ ଓ ଅନିଶ୍ଚିତତା ସତ୍ତ୍ୱେ , ସୁରକ୍ଷାର ଭାବନା ଥିଲା।
ଜାହ୍ନବୀ ଏହି ପୋଷ୍ଟରେ ପିଏମ୍ ମୋଦିଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି। ଜାହ୍ନବୀ ଲେଖିଛନ୍ତି- ଥ୍ୟାଙ୍କୟୁ ଶ୍ରୀ ନରେନ୍ଦ୍ର ମୋଦି । ଆମକୁ ଏହା ଦେଖାଇବା ପାଇଁ ଧନ୍ୟବାଦ ଯେ, କେବେ କେବେ ଜଣେ ଭାରତୀୟ ହେବା ଅର୍ଥ ନିଜ ପାଇଁ ଏକ ପକ୍ଷ ରଖିବା ଓ ଆପଣଙ୍କ ପ୍ରତି ହେବାକୁ ଥିବା ଅନ୍ୟାୟକୁ ରୋକିବା।
