ଚେକ୍ ବାଉନ୍ସ ମାମଲାରେ ଜେଲ ଓ ଜରିମାନା
ଭଦ୍ରକ, ୩୧/୩: ଚେକ୍ ବାଉନ୍ସ ମାମଲାରେ ଅଭିଯୁକ୍ତଙ୍କୁ ଜେଲ ସହ ଜରିମାନା । ଭଦ୍ରକ ଉପଖଣ୍ଡ ବିଚାର ବିଭାଗୀୟ ମାଜିଷ୍ଟ୍ରେଟ ଚିନ୍ମୟ କୁମାର ପାଢ଼ୀ ଅଭିଯୁକ୍ତ ସାବରଙ୍ଗ ଥାନା ଅନ୍ତର୍ଗତ ବାରିକ ଛକ ଗ୍ରାମର ରାଧାକାନ୍ତ ଓଝାଙ୍କ ପୁତ୍ର କାମିନୀକାନ୍ତ ଓଝାଙ୍କୁ ୧୦ ଲକ୍ଷ ଟଙ୍କା ଜରିମାନା ଓ ୬ ମାସ ଜେଲ ଦଣ୍ଡରେ ଦଣ୍ଡିତ କରିଛନ୍ତି ।
ସୂଚନା ଅନୁଯାୟୀ, ବରାଙ୍ଗ ଗ୍ରାମର ଅବସରପ୍ରାପ୍ତ ସେନା କର୍ମଚାରୀ ପ୍ରଶାନ୍ତ କୁମାର ରାଉତଙ୍କ ସହ ବନ୍ଧୁତା ସ୍ଥାପନ କରି ତାଙ୍କ ପାଖରୁ ୬ ବର୍ଷ ପୂର୍ବେ ୫ ଲକ୍ଷ ଟଙ୍କା ମାସେ ଭିତରେ ଫେରେଇ ଦେବେ କହି ଧାର ଆକାରରେ ନେଇଥିଲା । ମାସେ ପରେ ପ୍ରଶାନ୍ତ ଟଙ୍କା ଫେରେଇବାକୁ କହିବାରୁ କାମିନୀକାନ୍ତ ତାଙ୍କୁ ଭଦ୍ରକ ଷ୍ଟେଟ ବ୍ୟାଙ୍କର ଏକ ଚେକ ଦେଇଥିଲେ । ଯାହାକି ପରବର୍ତ୍ତୀ ମୁହୂର୍ତ୍ତରେ ବାଉନ୍ସ ହୋଇଥିବା ଦେଖାଯାଇଥିଲା । ଟଙ୍କା ନ ଫେରେଇବାରୁ ସେ ଭଦ୍ରକ ଉପଖଣ୍ଡ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ ଅଦାଲତରେ ୧.ସି.ସି. କେସ୍ ଆଗତ କରିଥିଲେ । ସେହି ମାମଲାର ବିଚାର କରି କୋର୍ଟ ଉକ୍ତ ରାୟ ଶୁଣାଇଛନ୍ତି I
