ଟ୍ରେଲର ଧକ୍କାରେ ବାଇକ ଆରୋହୀ ମୃତ

ନାରଦପୁର,୨୯।୧ ଚମ୍ପୁଆ ଥାନା ଅନ୍ତର୍ଗତ ୫୨୦ ନଂ ଜାତୀୟ ରାଜପଥ ରଘୁଆଳ ସାହି ଛକ ବୁଲାଣି ନିକଟରେ ଏକ ଟ୍ରେଲର ଧକ୍କା ରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ଜଣା ପଡ଼ିଛି l ରବିବାର ଅପରାହ୍ନ ସମୟରେ ଏକ ଟ୍ରେଲର ( ନଂ ଏନଏଲ୦୭ଏ୨୬୫୦) ରିମୁଳି ଆଡୁ ଯୋଡ଼ା ଆଡକୁ ଯାଉଥିଲା । ରଘୁଆଳ ସାହି ଛକ ବୁଲାଣି ନିକଟରେ ଗାଡିଟି ଭାରସାମ୍ୟ ହରାଇ ରାସ୍ତାର ଡାହାଣ ପାର୍ଶ୍ୱ କୁ ମାଡି ଯାଇ ଥିଲା । ଫଳରେ ବିଳେଇପଦା ରୂ ନିଜ କାମ ସାରି ବାଇକ ଯୋଗେ ଫେରୁଥିବା ବେଳେ ତାଙ୍କ ଉପରକୁ ଟ୍ରକ ଟି ମାଡି ଯାଇଥିଲା । ଫଳରେ ଘଟଣା ସ୍ଥଳରେ ବାଇକ ଆରୋହୀଙ୍କ ମୃତ୍ୟୁ ହୋଇଥିଲା l ମୃତକ ଜଣକ ହେଲେ ମିତ୍ର ଭାନୁ ମହାନ୍ତ ତାଙ୍କ ର ଘର ଚମ୍ପୁଆ ଥାନା ଅନ୍ତର୍ଗତ ଅlମଲାଣି ଗୋଡ ଗ୍ରାମରେ। ଖବର ପାଇ ରିମୁଳି ଫାଣ୍ଡି ପୋଲିସ ଘଟଣା ସ୍ଥଳରେ ପହଂଚି ଶବକୁ ଜବତ କରି ଚମ୍ପୁଆ ଡାକ୍ତରଖାନା କୁ ପଠାଇ ଘଟଣାର ତଦନ୍ତ ଜାରି ରଖିଛିl