PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ଜେଟ୍‌ ପାଇଲଟ୍‌ଙ୍କ ଆର୍ଥିକ ସ୍ଥିତି ଶୋଚନୀୟ, ଘର ଚଳାଇବାକୁ ବନ୍ଧା ରଖୁଛନ୍ତି ଗହଣା

source:www.punjabkesari.in

ନୂଆଦିଲ୍ଲୀ,୨୩ା୩(ଏଜେନ୍ସି):ଆର୍ଥିକ ସଙ୍କଟ ମଧ୍ୟରେ ଗତି କରୁଥିବା ଜେଟ୍‌ ଏୟାର୍‌ୱେଜ୍‌ ଏହାର ପାଇଲଟ୍‌ ଏବଂ ଅନ୍ୟାନ୍ୟ କର୍ମଚାରୀମାନଙ୍କୁ ଦରମା ଦେଇପାରୁନାହିଁ । ଏଭଳି ସ୍ଥିତିରେ ଅତ୍ୟନ୍ତ ସଙ୍କଟଜନକ ପରିସ୍ଥିତିରେ ଗତି କରୁଛନ୍ତି ଜେଟ୍‌ କର୍ମଚାରୀ । ଏପରିକି ଘର ଚଳାଇବାକୁ ଗହଣା ବନ୍ଧା ପକାଇବାକୁ ବାଧ୍ୟ ହେଉଛନ୍ତି ଏମାନେ । ପାଇଲଟ୍‌ମାନଙ୍କ କହିବାନୁଯାୟୀ ଗତ ୩ ମାସ ହେଲା ଏମାନେ ଦରମା ପାଇନାହାନ୍ତି । ଘର ଚଳାଇବା ଏମାନଙ୍କ ପାଇଁ କଷ୍ଟକର ହେଉଛି । ଗହଣା ବନ୍ଧା ପକାଇ ଏମାନେ ଋଣ କରିବାକୁ ବାଧ୍ୟ ହେଉଛନ୍ତି । ବର୍ତ୍ତମାନ ପରିସ୍ଥିତିରେ କାର ଏବଂ ଘର ଋଣ ଇଏମ୍‌ଆଇ ଶୁଝିବା କଷ୍ଟକର ପାଲଟିଛି । ଜେଟ୍‌ ଏୟାର୍‌ୱେଜ୍‌ର ଇଞ୍ଜିନିୟର ଏବଂ ଅନ୍ୟ କର୍ମଚାରୀମାନଙ୍କୁ ଜାନୁଆରୀରୁ ଦରମା ମିଳି ନ ଥିବା ଏମାନେ ପ୍ରକାଶ କରିଛନ୍ତି ।

ପାଇଲଟ୍‌ମାନେ ଅସନ୍ତୋଷ ପ୍ରକାଶ କରି କହିଛନ୍ତି ଯେ, ଆମ୍ଭମାନଙ୍କ ନିଜ ନିଜର ଆର୍ଥିକ ଦାୟିତ୍ୱମାନ ରହିଛି । ଜେଟ୍‌ ଏୟାର୍‌ୱେଜ୍‌ ଅଚାନକ ଠପ ହୋଇଯିବା ନେଇ ଆମେ ଆଶଙ୍କା କରୁଛୁ । ମାର୍ଚ୍ଚ ୩୧ ସୁଦ୍ଧା ଦରମା ନ ମିଳିଲେ ବିମାନ ଉଡାଣ ବନ୍ଦ କରିଦେବୁ ବୋଲି ଏମାନେ ଚେତାବନୀ ଦେଇଛନ୍ତି । ସହ-କମାଣ୍ଡର ର‌୍ୟାଙ୍କର ଜଣେ ପାଇଲଟ୍‌ଙ୍କ କହିବାନୁଯାୟୀ, ଏପ୍ରିଲରେ ତାଙ୍କୁ ପିଲାର ସ୍କୁଲ ଫି’ ଦାଖଲ କରିବାକୁ ପଡିବ । ଏଭଳି କ୍ଷେତ୍ରରେ ଗହଣା ଏବଂ ଗାଡ଼ି ବନ୍ଧା ନ ରଖିଲେ ପିଲାର ସ୍କୁଲ ଫି’ ଦାଖଲ କରିବା ସମ୍ଭବ ହୋଇପାରିବ ନାହିଁ ବୋଲି ସେ କହିଛନ୍ତି । ପାଇଲଟ୍‌ଜଣକ ଆହୁରି ମଧ୍ୟ କହିଛନ୍ତି ଯେ, ଅନ୍ୟ କମ୍ପାନିରେ ସେ ଆବେଦନ କରିଛନ୍ତି । କିନ୍ତୁ ଶିଳ୍ପର ଅବସ୍ଥାକୁ ଦେଖିଲେ ସୁରକ୍ଷିତ ଚାକିରିଟିଏ ପାଇବାକୁ ସମୟ ଲାଗିପାରେ । ଏଭଳି କ୍ଷେତ୍ରରେ କ’ଣ କରିବେ ବୁଦ୍ଧି ବାଟ ଦେଖାଯାଉନାହିଁ ବୋଲି ସେ କହିଛନ୍ତି ।

ଏହି ମାମଲାରେ ନିଜେ ପ୍ରଧାନମନ୍ତ୍ରୀ ଏବଂ ବେସାମରିକ ବିମାନ ଚଳାଚଳ ମନ୍ତ୍ରୀ ସୁରେଶ ପ୍ରଭୁ ହସ୍ତକ୍ଷେପ କରନ୍ତୁ ବୋଲି ପାଇଲଟ୍‌ ସଂଘ ନ୍ୟାସ୍‌ନାଲ ଆଭିଏଟର୍ସ ଗିଲ୍‌ଡ ପକ୍ଷରୁ କୁହାଯାଇଛି । ପୂର୍ବରୁ ପାଇଲଟ୍‌ମାନେ ଶ୍ରମ ମନ୍ତ୍ରାଳୟ ନିକଟକୁ ଏ ନେଇ ଚିଠି ପଠାଇସାରିଛନ୍ତି । ସୂଚନାଯୋଗ୍ୟ, ଜେଟ୍‌ ଏୟାର୍‌ୱେଜ୍‌ରେ ବର୍ତ୍ତମାନ ୧୯୦୦ ପାଇଲଟ୍‌ କାର୍ଯ୍ୟ କରୁଛନ୍ତି । ଏକ ବିଶେଷ ସୂତ୍ରରୁ ଜଣାଯାଇଛି ଯେ, ଜେଟ୍‌ର ୨୬୦ ଜଣ ପାଇଲଟ୍‌ ସ୍ପାଇସ୍‌ଜେଟ୍‌ରେ ଆବେଦନ କରିଛନ୍ତି । ଏଥିମଧ୍ୟରୁ ୧୫୦ ଜଣ ହେଉଛନ୍ତି ବରିଷ୍ଠ କମାଣ୍ଡର ।

ସମ୍ବନ୍ଧିତ ଖବର