PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : କେନ୍ଦୁଝର ଜିଲ୍ଲା ପାଟଣା ଥାନା ଗଣ୍ଡବେଡ଼ା ଗାଁରେ ଶ୍ୱଶୁର ଘର ପଛପଟୁ ଜ୍ୱାଇଁର ଝୁଲନ୍ତା ମୃତଦେହ ଉଦ୍ଧାର
  • ||
  • ବସ୍ତା : ବାଲେଶ୍ଵର ଜିଲ୍ଲା ବସ୍ତା-ଅମର୍ଦା ରୋଡ ରେଳ ଷ୍ଟେସନ ମଧ୍ୟବର୍ତ୍ତୀ ବ୍ରାହ୍ମଣଦା ଗ୍ରାମ ନିକଟ ରେଳ ଧାରଣା ପାର୍ଶ୍ଵରୁ ଅଜଣା ଯୁବକଙ୍କ ମୃତଦେହ ଉଦ୍ଧାର
  • ||
  • ଆଠମଲ୍ଲିକ : ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ହଣ୍ଡପା ଥାନା ଅନ୍ତର୍ଗତ ରଘୁନାଥପୁର ଗାଁ ପଡ଼ିଆରେ କ୍ରିକେଟ ଖେଳିବା ବେଳେ ପଡ଼ିଲା ଚଡ଼କ, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ଢେଙ୍କାନାଳ : ଢେଙ୍କାନାଳ ସଦର ଥାନା ଭାପୁର ଫାଣ୍ଡି ଗଙ୍ଗାଧର ପ୍ରସାଦ ଗାଁ ପଶ୍ଚିମେଶ୍ୱର ମନ୍ଦିର ନିକଟରେ ପିକଅପ୍ ଭ୍ୟାନ ଓ ଟ୍ରକ୍ ମୁହାଁମୁହିଁ ଧକ୍କା, ଡ୍ରାଇଭର୍ ଗୁରୁତର
  • ||
  • ଭୁବନେଶ୍ଵର : ଦୁଇ ଆଇଏଏସ୍‌ଙ୍କୁ ହକି ବିଶ୍ୱକପ୍‌ ପରିଚାଳନା ଦାୟିତ୍ୱ, ରାଉରକେଲା ପାଇଁ ଭୂପେନ୍ଦ୍ର ସିଂ ପୁନିଆ, ଭୁବନେଶ୍ଵରରେ ରଘୁ ଜି
  • ||
  • ବଲାଙ୍ଗୀର : ଧୁମ୍‌ଧାମ୍‌ରେ ପାଳିତ ହେଲା ବଲାଙ୍ଗୀରର ବଏଲ ଯାତ୍ରା, ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କଲେ ଶ୍ରଦ୍ଧାଳୁ
  • ||
  • ମୁନିଗୁଡ଼ା : ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାମାରି ଗାଁ ନିକଟ ଜଙ୍ଗଲରୁ ଝୁଲନ୍ତା ଅବସ୍ଥାରେ ନିଖୋଜ ମହିଳାଙ୍କ ଗଳିତ ମୃତଦେହ ଉଦ୍ଧାର
  • ||
  • ଭୁବନେଶ୍ୱର : ଉପକୂଳରେ ନବମୀ ଓ ଦଶମୀରେ ବର୍ଷିବ ବୋଲି ଆକଳନ କରିଛନ୍ତି ପାଣିପାଗ ବିଶେଷଜ୍ଞ
  • ||
  • ଭୁବନେଶ୍ଵର : ଆଜି ପୀଠରେ ଦଶମୀ ; ମଣ୍ଡପରେ ମହାନବମୀ, ଚଣ୍ଡୀପାଠରେ କମ୍ପୁଛି ପୂଜା ମଣ୍ଡପ
  • ||
  • କୋଣାର୍କ : ଲଘୁଚାପ ପ୍ରଭାବରେ ସୋମବାର ରାତିରୁ କୋଣାର୍କରେ ପ୍ରବଳ ବର୍ଷା ହୋଇ ସୂର୍ଯ୍ୟମନ୍ଦିରରେ ଜମିଲା ପାଣି, ପର୍ଯ୍ୟଟକ ନିରାଶ
  • ||

ଜୁଏଲର୍ସ ମାଲିକଙ୍କୁ ଲୁଟ୍‌: ୩୦ ଲକ୍ଷର ସୁନା ଗହଣା ନେଇଗଲେ…

ଭୁବନେଶ୍ୱର,୨୮ା୩(ବ୍ୟୁରୋ): ଜୁଏଲର୍ସରେ ତାଲା ପକାଇ ଘରକୁ ବାହାରିଥିଲେ । ସୁନା ଅଳଙ୍କାର ଭର୍ତ୍ତି ବ୍ୟାଗ୍‌ ଦୋକାନ ବାରଣ୍ଡାରେ ଥୋଇଥିଲେ । ଆଉ ସାମାନ୍ୟ ଅସାବଧାନତାରୁ ୩୦ ଲକ୍ଷର ସୁନା ଗହଣା ଲୁଟେରା ନେଇଗଲେ । ଏମିତି ଘଟଣା ଘଟିଛି ନୂଆପଲ୍ଲୀର ଇନ୍ଦ୍ରଧନୁ (ଆଇଡି) ମାର୍କେଟରେ ଥିବା ଏକ ଜୁଏଲର୍ସ ଦୋକାନ ସାମ୍ନାରେ । ଲୁଟ୍‌ର ଶିକାର ହୋଇଛନ୍ତି ପୁରୁଣା ଭୁବନେଶ୍ୱରର ଲକ୍ଷ୍ମୀଧର ସୁବୁଦ୍ଧି । ଏନେଇ ସେ ନୂଆପଲ୍ଲୀ ଥାନାରେ ଅଭିଯୋଗ କରିଛନ୍ତି । ଲକ୍ଷ୍ମୀଧରଙ୍କ ଅଭିଯୋଗ ମୁତାବକ, ତାଙ୍କର ଆଇଡି ମାର୍କେଟରେ ରହିଛି ମା’ ଗୌରୀ ଜୁଏଲର୍ସ ନାଁରେ ଏକ ସୁନା ଦୋକାନ । ଗୁରୁବାର ରାତି ସାଢ଼େ ୧୦ଟା ବେଳେ ସେ ଦୋକାନ ତାଲା ପକାଉଥିଲେ । ପାଖରେ ତାଙ୍କର ପତ୍ନୀ ମଧ୍ୟ ଥିଲେ । ସେ ଦୋକାନରୁ ଘରକୁ ନେବା ପାଇଁ ଗହଣାକୁ ଏକ ବ୍ୟାଗରେ ଭର୍ତ୍ତି କରିଥିଲେ । ଉକ୍ତ ବ୍ୟାଗ୍‌କୁ ଦୋକାନ ବାରଣ୍ଡାରେ ରଖିଥିଲେ । ସ୍ୱାମୀ-ସ୍ତ୍ରୀ ଉଭୟ ଦୋକାନର ସଟର ପକାଉଥିଲେ ।

କିଛି ଦୂରରେ ଥିବା ଲୁଟେରା ସେମାନଙ୍କ ଉପରେ ଲକ୍ଷ୍ୟ ରଖିଥିଲେ । ଲୁଟେରାଙ୍କ ମଧ୍ୟରୁ ଜଣେ ବାଇକ୍‌କୁ ଷ୍ଟାର୍ଟରେ ରଖି ଆଇଡି ମାର୍କେଟ ମୁଖ୍ୟ ରାସ୍ତାରେ ଠିଆ ହୋଇଥିଲା । ଅନ୍ୟ ଜଣକ ଧୀରେ ଧୀରେ ଆସି ଦୋକାନ ପାଖରେ ପହଞ୍ଚିଥିଲା । ଲକ୍ଷ୍ମୀଧରଙ୍କ ଅସାବଧାନତାର ସୁଯୋଗ ନେଇ ଲୁଟେରା ଜଣକ ଗହଣା ଭର୍ତ୍ତି ବ୍ୟାଗଟିକୁ ନେଇ ପଳାଇଥିଲା । ରାସ୍ତାରେ ଅପେକ୍ଷା କରିଥିବା ଲୁଟେରା ପଛରେ ବସି ଉଭୟ ପଳାଇଥେିଲ । ଲୁଟ୍‌ ହେବାର ୨ ମନିଟି ପର୍ଯ୍ୟନ୍ତ ଲକ୍ଷ୍ମୀଧର ଓ ତାଙ୍କ ପତ୍ନୀ କିଛି ଜାଣି ପାରିନଥିଲେ । ସଟର ପକାଇବା ପରେ ଉଭୟ ବ୍ୟାଗ୍‌ ଖୋଜି ଥିଲେ । କିନ୍ତୁ ସେମାନେ ବ୍ୟାଗ ପାଇନଥେିଲ । ଲକ୍ଷ୍ମୀଧର ଆଖପାଖ ଲୋକଙ୍କୁ ଡାକି ଘଟଣା ସମ୍ପର୍କରେ ପଚାରିଥିଲେ ।

ପରେ ସମସ୍ତେ ମିଶି ଦୋକାନର ସିସିଟିଭି ଯାଞ୍ଚ କରିବାରୁ ଜଣେ ଯୁବକ ଉକ୍ତ ବ୍ୟାଗ ନେଇ ପଳାଉଥିବା ଦେଖାଯାଇଥିଲା । ତାଙ୍କର ସୁନା ଥିବା ବ୍ୟାଗ ଲୁଟ୍‌ ହୋଇଥିବା ଜାଣି ଲକ୍ଷ୍ମୀଧର ନୂଆପଲ୍ଲୀ ଥାନାକୁ ଖବର ଦେଇଥିଲେ । ପୁଲିସ ପହଞ୍ଚି ସିସିଟିଭି ଯାଞ୍ଚ କରିଥିଲା । ଲୁଟ୍‌ର ସମ୍ପୂର୍ଣ୍ଣ ଦୃଶ୍ୟ ଦୋକାନ ସାମନାରେ ଲାଗିଥିବା ସିସିଟିଭିିରେ କଏଦ୍‌ ହୋଇଥିଲା । ଲକ୍ଷ୍ମୀଧରଙ୍କ ଅଭିଯୋଗ ମୁତାବକ ବ୍ୟାଗ୍‌ରେ ପାଖାପାଖି ୩୦ ଲକ୍ଷ ଟଙ୍କାର ସୁନା ଓ ରୁପା ଅଳଙ୍କାର ଥିଲା । ସୂଚନାଯୋଗ୍ୟ ଗତ ମାସେ ମଧ୍ୟରେ ଲୁଟେରାମାନେ ରାଜଧାନୀରେ ଆତଙ୍କରାଜ ଚଳାଇଆସୁଛନ୍ତି । ପ୍ରାତଃଭ୍ରମଣକାରୀଙ୍କ ଠାରୁ ଆରମ୍ଭ କରି ଘରେ ପଶି ମଧ୍ୟ ଲୁଟ୍‌ପାଟ କରିଚାଲିଛନ୍ତି । ପୁଲିସ ଏପର୍ଯ୍ୟନ୍ତ ଅନେକ ଲୁଟେରାଙ୍କ ଟେର୍‌ ପାଇପାରିନାହିଁ ।