PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର: ମାୟାବିନୀ ଅର୍ଚ୍ଚନା ନାଗ ମାମଲା: ପୁଣି ହାଜର ହେଲେ ଠିକାଦାର, ପଦାକୁ ଆସିଲା ରଣଜୀ ଖେଳାଳିଙ୍କ ଲିଙ୍କ୍‌
  • ||
  • ଭୁବନେଶ୍ୱର: ଆଜିଠୁ ରାଜ୍ୟ ପୁସ୍ତକ ମହୋତ୍ସବ ‘ଅକ୍ଷର’, ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ
  • ||
  • ଭୁବନେଶ୍ୱର: ଶୀତ ସାମାନ୍ୟ କମିବ, ଦକ୍ଷିଣ ଓଡ଼ିଶାରେ କାଁ ଭାଁ ହାଲୁକା ବର୍ଷା ସମ୍ଭାବନା: ୮ଟି ସ୍ଥାନରେ ରାତି ତାପମାତ୍ରା ୧୧ ଡିଗ୍ରୀ ତଳେ
  • ||

ଝଲକର ମଞ୍ଚରେ ପ୍ରେମ ନିବେଦନ କଲେ ଦୁତୀ ଚାନ୍ଦ, କ’ଣ ରହିଲା ଗର୍ଲଫ୍ରେଣ୍ଡଙ୍କ ରିଆକ୍ସନ ଜାଣନ୍ତୁ…

ନୂଆଦିଲ୍ଲୀ, ୨୪/୯ : ରନିଂ ଟ୍ରାକ୍ ନୁହେଁ ନୃତ୍ୟ ମଞ୍ଚରେ ନଜର ଆସିବେ ଆଥଲେଟ୍ ଦୁତୀ ଚାନ୍ଦ । କଥା ଟା ଆଶ୍ଚର୍ଯ୍ୟ ଲାଗୁଥିଲେ ବି ସତ  । ଟିଭିର ଡ୍ୟାନ୍ସ ରିୟଲିଟି ଶୋ ‘ଝଲକ ଦିଖଲା ଜା ସିଜନ ୧୦’ରେ ଇଣ୍ଡିଆନ ଆଥଲେଟ୍ସ  ଦୁତୀ ଚାନ୍ଦଙ୍କ ଝଲକ ଦେଖିବାକୁ ମିଳିବ । କଲର୍ସର ଇନଷ୍ଟାଗ୍ରାମ ପେଜରେ ଜାରି ହୋଇଥିବା ପ୍ରମୋରେ ଦୁତୀଙ୍କ ଧମାକାଦାର୍ ଡ୍ୟାନ୍ସ ପରଫର୍ମାନ୍ସ ଦେଖିବାକୁ ମିଳୁଛି । ଦୂତୀଙ୍କ ନାଚ ଦେଖି ଦର୍ଶକଙ୍କ ସମେତ ବସିଥିବା ଜଜ୍‌ମାନେ ବି ଆଶ୍ଚର୍ଯ୍ୟ ହୋଇଯାଇଛନ୍ତି । ଝଲକର ଏହି ପ୍ରମୋ ଭିଡ଼ିଓ ବହୁ ମଜାଦାର ରହିଛି । ଦୁତୀ ନାଚ ବ୍ୟତୀତ ଏହି ମଞ୍ଚରେ ନିଜ ଯୁବତୀ ବନ୍ଧୁଙ୍କୁ ପ୍ରେମ ନିବେଦନ କରୁଥିବା ନଜର ଆସିବେ ।

ଝଲକ ଦିଖଲା ଜା ସିଜନ ୧୦ରେ ଜଜ୍ ଥିବା ମାଧୁରୀ ଦିକ୍ଷୀତ, କରଣ ଜୋହର ଏବଂ ନୋରା ଫତେହୀ ଦୁତୀଙ୍କ ଡ୍ୟାନ୍ସ ଦେଖି ବହୁ ପ୍ରଶଂସା କରିଛନ୍ତି । ଜାରି ହୋଇଥିବା ପ୍ରମୋରେ ଦୁତୀ ମଞ୍ଚ ଉପରେ ଆସି ନିଜ କୋରିଓଗ୍ରାଫରଙ୍କ ସହ ଅମୀର ଖାନଙ୍କ ଗୀତରେ ପରର୍ଫମାନ୍ସ କରୁଛନ୍ତି । ଏହି ଶୋରେ ଦୁତୀ ଜଜ୍ ନୋରାଙ୍କ ସହ ନୃତ୍ୟ କରିବାକୁ  ମଧ୍ୟ ଇଚ୍ଛା ପ୍ରକାଶ କରିଛନ୍ତି । ଏହାପରେ ସେ ମଧ୍ୟ ତାଙ୍କ ସହ ନାଚୁଥିବା ନଜର ଆସୁଛନ୍ତି ।  

ଏହାପରେ ସେ ନିଜ ପ୍ରେମକୁ ନିବେଦନ କରିଥିଲେ । ଆଉ ତାହା ବହୁ ଆକର୍ଷଣୀୟ ଥିଲା । ଷ୍ଟେଜରେ ଲାଗିଥିବା ସ୍କ୍ରିନରେ ଦୂତୀଙ୍କ ଯୁବତୀବନ୍ଧୁଙ୍କୁ ଦେଖାଯିବା ପରେ ସେ ସଙ୍ଗେ ସଙ୍ଗେ ପ୍ରେମ ନିବେଦନ କରିଥିଲେ। ଆଉ ପରେ ତାଙ୍କ ଗର୍ଲଫ୍ରେଣ୍ଡ ଲାଜେଇବାର ଦୃଶ୍ୟ ବେଶ୍ ମନୋରମ ଥିଲା ।