PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୋବେଲ ଶାନ୍ତି ପୁରସ୍କାର ଘୋଷଣା: ମାନବାଧିକାର ପ୍ରବକ୍ତା ଆଲେସ୍ ବାଲିଆସ୍କି ସହ ଦୁଇଟି ସଂଗଠନକୁ ମିଳିବ ପୁରସ୍କାର
  • ||
  • ଭୁବନେଶ୍ଵର : ଓଡ଼ିଶା ଲଳିତ କଳା ଏକାଡେମୀ ଉପସଭାପତି ତଥା ବିଶିଷ୍ଟ ଶିଳ୍ପୀ ଶ୍ରୀନିବାସ ପଢ଼ିଆରୀଙ୍କ ପରଲୋକ
  • ||
  • ମୁରିବାହାଲ : ଭିଜିଲାନ୍ସ ଜାଲରେ ମୁରିବାହାଲ ବ୍ଲକ APO ସୁଶାନ୍ତ କୁମାର ଦାସ, ୪୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡ଼ିଲେ
  • ||
  • ବାଙ୍ଗିରିପୋଷି : ଶୌଚ ହେବାକୁ ଯାଇଥିବା ବେଳେ ଆକ୍ରମଣ କଲା ଦନ୍ତା, ଯୁବକ ମୃତ
  • ||
  • ଭୁବନେଶ୍ୱର : ପୁଣି ଘୂର୍ଣ୍ଣିବଳୟ ସମ୍ଭାବନା, ୨୫ ପୂର୍ବରୁ ଓଡ଼ିଶା ଛାଡ଼ିବନି ମୌସୁମୀ
  • ||
  • ଭଦ୍ରକ : ନଭେମ୍ୱର ୩ରେ ଧାମନଗର ଉପନିର୍ବାଚନ, ଆଜିଠୁ ନାମାଙ୍କନ ପତ୍ର ଦାଖଲ
  • ||
  • ତେଲକୋଇ : ଶୁଝି ପାରିଲେନି କିସ୍ତି, ଆତ୍ମହତ୍ୟା କଲେ ଅସହାୟ ଟ୍ରକ ମାଲିକ
  • ||
  • ମୋହନା : ଜଙ୍ଗଲରୁ ବିପୁଳ ପରିମାଣର କାଠ ଗଣ୍ଡି ଜବତ
  • ||
  • ଭୁବନେଶ୍ଵର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୬୩ ପଜିଟିଭ୍ ଚିହ୍ନଟ
  • ||

ଝାରସୁଗୁଡ଼ାରୁ ପୁଣି ବିମାନସେବା ଆରମ୍ଭ, ଦିଲ୍ଲୀ, କୋଲକାତା ଓ ହାଇଦ୍ରାବାଦକୁ ଉଡ଼ାଣ

ଝାରସୁଗୁଡ଼ା,୩୧ା୩(ଆପ୍ର): ଝାରସୁଗୁଡ଼ାରୁ ଆଜି ବହୁ ପ୍ରତୀକ୍ଷିତ ବିମାନସେବା ଆରମ୍ଭ ହୋଇଛି । ଦେଶର ତିନି ପ୍ରମୁଖ ସହର ଦିଲ୍ଲୀ, କୋଲକାତା ଏବଂ ହାଇଦ୍ରାବାଦ ସହ ଝାରସୁଗୁଡ଼ା ଯୋଡ଼ି ହୋଇଛି । ସ୍ପାଇସ୍‌ଜେଟ୍‌ ଏୟାରୱେଜ ପକ୍ଷରୁ ଆର୍‌ସିଏସ୍‌ ଉଡ଼ାନ-୩ ଯୋଜନାରେ ଏହି ବିମାନସେବା ଆରମ୍ଭ ସହ ପଶ୍ଚିମ ଓଡ଼ିଶାରେ ବିକାଶକୁ ଏକ ନୂଆ ରାହା ଦେଖାଇଛି ବୋଲି ଉପସ୍ଥିତ ବୁଦ୍ଧିଜୀବୀ, ଯାତ୍ରୀ ମତ ବ୍ୟକ୍ତ କରିଥିଲେ । ହେଲେ ଏଭଳି ଏକ ଐତହିାସକି ଘଟଣାର ସାକ୍ଷୀ ହେବା ପାଇଁ ସେଠାରେ ଜମା ହୋଇଥିବା ଶହ ଶହ ଲୋକଙ୍କୁ ବିମାନ ଅବତରଣ ଏବଂ ଉଡ଼ାଣ ଦେଖିବା ସୁଯୋଗରୁ ବଞ୍ଚିତ କରାଯବିାରୁ ଲୋକେ ତୀବ୍ର ପ୍ରତକ୍ରିୟିା ପ୍ରକାଶ କରିଥିଲେ । ଏଥିସହ ବିମାନବନ୍ଦରରେ ସୁରକ୍ଷା ବ୍ୟବସ୍ଥା ଏବଂ ନିମନ୍ତ୍ରିତ ଗଣମାଧ୍ୟମ ଓ ନେତୃ ସ୍ଥାନୀୟ ଲୋକଙ୍କୁ ମଧ୍ୟ ବିମାନବନ୍ଦର କର୍ତ୍ତୃପକ୍ଷ ଉପଯୁକ୍ତ ବ୍ୟବହାର ପ୍ରଦର୍ଶନ ନ କରିବାରେ ଅସନ୍ତୋଷ ଦେଖାଦେଇଛି ।

ଆଜି ଅପରାହ୍ନ ୨ଟାରେ ଦିଲ୍ଲୀରୁ ପ୍ରଥମ ୧୯୦ ସିଟ୍‌ ବିଶିଷ୍ଟ ବୋଇଂ ବିମାନ ଉଡ଼ାଣ ଆରମ୍ଭ କରି ଅପରାହ୍ନ ୩ଟା ୪୫ ମିନିଟ ସମୟରେ ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନବନ୍ଦରରେ ଅବତରଣ କରିଥିଲା । ଏଥିରେ ୧୪୨ ଜଣ ଯାତ୍ରୀ ଥିଲେ । କିଛି ସମୟ ପରେ ଉକ୍ତ ବିମାନଟି ଝାରସୁଗୁଡ଼ାରୁ ଦିଲ୍ଲୀ ଅଭିମୁଖେ ଯାତ୍ରା କରିଥିଲା । ଯେଉଁଥିରେ ୧୮୩ ଜଣ ଯାତ୍ରୀ ଯାତ୍ରା କରିଥିଲେ । କିଛି ସମୟର ବ୍ୟବଧାନରେ କୋଲକାତାରୁ ଆଉ ଏକ ୮୦ ସିଟି ବିଶିଷ୍ଟ ବିମାନ ଝାରସୁଗୁଡ଼ାରେ ଅବତରଣ କରିଥିଲା । ସେଥିରେ ପ୍ରାୟ ୧୮ ଜଣ ଯାତ୍ରୀ ଥିଲେ । ସେହି ବିମାନ କିଛି ସମୟର ବ୍ୟବଧାନରେ ହାଇଦ୍ରାବାଦ ଯାତ୍ରା କରଥିଲା । ଯେଉଁଥିରେ ୫୮ ଜଣ ଯାତ୍ରୀ ଯାତ୍ରା କରିଥିଲେ । ପ୍ରଥମ ବିମାନ ଅବତରଣ କରିବା କ୍ଷଣି ୱାଟର୍‌ କେନ୍‌ନରେ ସାଲ୍ୟୁଟ ଦିଆଯାଇ
ସ୍ୱାଗତ କରାଯାଇଥିଲା ।

ବିମାନବନ୍ଦର ଭିତରେ ଏହି ଐତିହାସିକ ବିମାନସେବା ଆରମ୍ଭ ଅବସରରେ କେକ୍‌ କଟାଯିବା ସହ ଦୀପ ପ୍ରଜ୍ଜ୍ୱଳନ ଏବଂ ଫିତା କଟା ଯାଇଥିଲା । ଝାରସୁଗୁଡ଼ା ଏସ୍‌ପି ଅଶ୍ୱିନୀ ମହାନ୍ତି, ବେଦାନ୍ତ ସିଇଓ ଅଭିଜିତ ପତି, ବିମାନବନ୍ଦର ନିର୍ଦ୍ଦେଶକ ଏସ୍‌. କେ ଚୌହାନ, ବରିଷ୍ଠ ନାଗରିକ ସଂଘ ସଭାପତି ଅର୍ଜୁନ ମୋର, ବାଳଗୋବିନ୍ଦ ମିଶ୍ର ପ୍ରମୁଖ ଦୀପ ପ୍ରଜ୍ଜ୍ୱଳନ କରିଥିଲେ । ଦିଲ୍ଲୀ ଏବଂ କୋଲକାତାରୁ ଆସିଥିବା ଯାତ୍ରୀମାନେ ଆନନ୍ଦ ବ୍ୟକ୍ତ କରିଥିଲେ । ଝାରସୁଗୁଡ଼ାରୁ ବିମାନସେବା ଆରମ୍ଭ ହେବା ଏବଂ ଦେଶର ପ୍ରମୁଖ ସହର ସହ ଏୟାର କନେକ୍ଟିଭିଟି ହେବା ଏକ ବଡ଼ ଉପଲବ୍ଧି ବୋଲି ଯାତ୍ରୀମାନେ କହିଥିଲେ । ଦୁବାଇରୁ କେତେକ ପ୍ରବାସୀ ଓଡ଼ିଆ ଦିଲ୍ଲୀକୁ ଆସି ପ୍ରଥମ ବିମାନରେ ଯାତ୍ରା କରିଥିଲେ । ଏହି ମୁହତ୍ତୂର୍ର ସାକ୍ଷୀ ହେବା ଲାଗି ସେମାନେ ଆସଛନ୍ତି ବୋଲି ନିଜ ପ୍ରତିକ୍ରିୟାରେ କହିଥିଲେ । ଆଜିର ବିମାନରେ ଦିଲ୍ଲୀ, ହାଇଦ୍ରାବାଦ ଏବଂ କୋଲକାତାକୁ ଯାତ୍ରା କରିବାକୁ ପଶ୍ଚିମ ଓଡ଼ିଶାର ଝାରସୁଗୁଡ଼ା, ସମ୍ବଲପୁର, ରାଉରକେଲା, ସୁନ୍ଦରଗଡ଼ ଆଦି ସ୍ଥାନ ସମେତ ପଡ଼ୋଶୀ ଛତିଶଗଡ଼ର ସୀତାପୁର ସରଗୁଜା ଅଞ୍ଚଳରୁ ଯାତ୍ରୀମାନେ ଆସିଥିବା ଦେଖାଯାଇଥିଲା । ଝାରସୁଗୁଡ଼ାରୁ ବିମାନସେବା ଲୋକଙ୍କ ମଧ୍ୟରେ ଖୁସି ଏବଂ ଉତ୍ସାହ ଭରି ଦେଇଛି ।