୩୬୯ କୋଟି ଟଙ୍କାରେ ବିକ୍ରି ହେଲା ଭାରତର ସବୁଠୁ ମହଙ୍ଗା ଆପାର୍ଟମେଣ୍ଟ , ଜାଣନ୍ତୁ କିଏ ହେଲେ ଏହାର ମାଲିକ
ମୁମ୍ୱାଇ – ଭାରତରେ ବର୍ତ୍ତମାନ ସୁଦ୍ଧା ସବୁଠୁ ମହଙ୍ଗା ଥିବା ଆପାର୍ଟମେଣ୍ଟ ୩୬୯ କୋଟି ଟଙ୍କାରୁ ଅଧିକ ଦାମ୍ରେ ବିକ୍ରି କରାଯାଇଛି। ଏହି ଆପାର୍ଟମେଣ୍ଟ ଦକ୍ଷିଣ ମୁମ୍ୱାଇର ମାଲାବାର ହିଲ୍ରେ ରହିଛି। ବିଳାସପୂର୍ଣ୍ଣ ଟ୍ରିପଲକ୍ସ ଆପାର୍ଟମେଣ୍ଟ କିଣିଥିବା ଡିଲ୍କୁ ଭାରତର ସବୁଠୁ ମହଙ୍ଗା ଡିଲ୍ ଭାବେ କୁହାଯାଇଛି। ଉଦ୍ୟୋଗପତି ତଥା ଫାମୀ କେୟାରର ପ୍ରତିଷ୍ଠାତା ଜେପି ତାପରିଆଙ୍କ ପରିବାରର ସଦସ୍ୟମାନେ ୩୬୯ କୋଟି ଟଙ୍କାରେ ଏହି ଆପାର୍ଟମେଣ୍ଟ କିଣିଛନ୍ତି। ଦ ଇକୋନୋମିକ ଟାଇମ୍ସ ସୂତ୍ରାନୁସାରେ କହିଛି କି , ସାମୁଦ୍ରିକ ଦୃଶ୍ୟ ଯୁକ୍ତ ଏହି ଆପାର୍ଟମେଣ୍ଟ ଦେଶର ସବୁଠୁ ମହଙ୍ଗା ଅଟେ।
ଫାମୀ କେୟାର କଣ୍ଟ୍ରାସେପ୍ଟିଭ୍ ତିଆରି କରୁଥିବା ଏକ କମ୍ପାନୀ । ଏହାର ପ୍ରତିଷ୍ଠାତା ଜେପି ତାପରିଆଙ୍କର ପରିବାର ରିଆଲିଟି ଡେଭଲପର ଲୋଢା ଗ୍ରୁପ ଠାରୁ ବିଳାସପୂର୍ଣ୍ଣ ଟ୍ରିପଲେକ୍ସ ଆପାର୍ଟମେଣ୍ଟ କିଣିଛି। ଏହା ଠିକ୍ ଗଭର୍ଣ୍ଣର୍ସ ଇଷ୍ଟେଟର ସାମନା ସ୍ଥିତ ଏକ ସି-ଭ୍ୟୁ ଆପାର୍ଟମେଣ୍ଟ । ଏହି ଟାୱାରରୁ ଆରବ ସାଗରର ଦୃଶ୍ୟ ଉପଭୋଗ କରିହୁଏ । ଏଥିରେ ଏକ ହ୍ୟାଙ୍ଗିଗ୍ ଗାର୍ଡେନ ବି ରହିଛି। ରିପୋର୍ଟ ମୁତାବିକ , ତାପରିଆ ପରିବାର ଯେଉଁ ଆପାର୍ଟମେଣ୍ଟ ନେଇଛନ୍ତି , ତାହା ୨୬ତମ, ୨୭ ତମ ଓ ୨୮ ତମ ଫ୍ଲୋରରେ ରହିଛି।
ରିପୋର୍ଟରେ କୁହାଯାଇଛି, ଏହା ୧.୦୮ ଏକର କ୍ଷେତ୍ରରେ ବ୍ୟାପିଛି। ଟ୍ରିପଲେକ୍ସର ମୋଟ ଏରିଆ ୨୭ ହଜାର ୧୬୦ ବର୍ଗଫୁଟ । ପାଖାପାଖି ୧ଲକ୍ଷ ୩୬ ହଜାର ପ୍ରତି ବର୍ଗଫୁଟ ହିସାବରେ ଡିଲ୍ ହୋଇଛି। ଏହା ଦେଶର ସବୁଠୁ ମହଙ୍ଗା ଡିଲ୍।
