ଯୁବତୀଙ୍କ ସନ୍ଦେହ ଜନକ ମୃତ୍ୟୁ, ଦୁଇ ପୁରୁଷ ବନ୍ଧୁଙ୍କ ସହ ହୋଇଥିଲେ ଫେରାର
ଯାଜପୁର ୨୧/୧୨: ଯାଜପୁର ଜିଲ୍ଲା ବଡଚଣା ବ୍ଲକ ଅନ୍ତର୍ଗତ ପଲାଇ ଗାଁରେ ଘଟିଛି ଅଭାବନୀୟ ଘଟଣା। ଯୁବତୀଙ୍କ ସନ୍ଦେହଜନକ ମୃତ୍ୟୁ ହୋଇଛି । ଝିଅକୁ ହତ୍ୟା କରାଯାଇଥିବା ପରିବାର ଲୋକଙ୍କ ଅଭିଯୋଗ। । ମୃତ ଦେହକୁ ଜବତ କରି ତଦନ୍ତ କରୁଛି ପୋଲିସ ।
ସୂଚନାଯୋଗ୍ୟ ଯେ, ପଲାଇ ଗାଁ ଚୈତନ୍ୟ ନାୟକଙ୍କ ଝିଅ ଶୁଭଶ୍ରୀ ନାୟକ। ଦୁଇ ଦିନ ତଳେ ନିଜର ଦୁଇ ପୁରୁଷ ବନ୍ଧୁଙ୍କ ସହ କେଉଁଆଡ଼େ ଚାଲିଯାଇଥିଲେ। ଘରୁ ଗଲାବେଳେ ଯୁବତୀ ସାଙ୍ଗରେ ନେଇଯାଇଥିଲେ ଲକ୍ଷାଧିକ ଟଙ୍କା। ଏହାପରେ ପରିବାର ଲୋକେ ଝିଅକୁ ବହୁତ ଖୋଜା ଖୋଜି କରିଥିଲେ ସୁଦ୍ଧା କୌଣସି ପତ୍ତା ମିଳିନଥିଲା ।
ତେବେ ହଠାତ୍ ଘରକୁ ଫୋନ ଆସିଥିଲା ଝିଅ ବିଷ ପିଇ ଦେଇଛି ଏବଂ କଟକ ବଡ଼ ମେଡ଼ିକାଲ ତାର ମୃତ୍ୟୁ ହୋଇଛି। ସାଙ୍ଗରେ ଯାଇଥିବା ଦୁଇ ଯୁବକ ଫେରାର ହୋଇଯାଇଥିବା ଜଣା ପଡ଼ିଛି। ତେବେ ଝିଅକୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ। ମୃତ ଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଛି ପୋଲିସ।
