ସାଉଥ୍ ସହ ବଲିଉଡ୍ ଇଣ୍ଡଷ୍ଟ୍ରିକୁ ତୁଳନା କଲେ କାଜଲ ଅଗ୍ରୱାଲ, କହିଲେ-‘ହିନ୍ଦୀ ସିନାମାରେ ଡିସିପ୍ଲିନ୍ର ଅଭାବ ରହିଛି’
prabhatkhabar
ନୂଆଦିଲ୍ଲୀ ୦୧/୦୪: ଉଭୟ ହିନ୍ଦୀ ଓ ଦକ୍ଷିଣ ଭାରତୀୟ ଫିଲ୍ମରେ କାମ କରିଥିବା ପ୍ରତ୍ୟେକ କଳାକାରଙ୍କୁ ଗଣମାଧ୍ୟମ ତରଫରୁ ଗୋଟିଏ କଥା ନିଶ୍ଚିତ ପଚରାଯାଏ । ହିନ୍ଦୀ ଓ ସାଉଥ୍ ମଧ୍ୟରେ ସେମାନଙ୍କ ପସନ୍ଦର ସିନେ ଇଣ୍ଡଷ୍ଟ୍ରି କେଉଁଟା? ଅଧିକାଂଶ ସମୟ ପ୍ରାୟ ସବୁ କଳାକାର କୂଟନୈତିକ ଉତ୍ତର ଦେଇଥାନ୍ତି । ‘ସିଂଘମ୍’, ‘ସ୍ପେଶାଲ୍ ୨୬’, ‘ମଗଧୀରା’ ଓ ‘ଥୁପକ୍କି’ ଭଳି ଫିଲ୍ମ କରିଥିବା କାଜଲ ଅଗ୍ରୱାଲ କିନ୍ତୁ ବଲିଉଡ୍ ନୁହେଁ, ଦକ୍ଷିଣ ଇଣ୍ଡଷ୍ଟ୍ରିରେ କାମ କରିବାକୁ ପସନ୍ଦ କରନ୍ତି । ଏ କଥା ସେ ନିଜେ କହିଛନ୍ତି । ଦକ୍ଷିଣ ସିନେ ଇଣ୍ଡଷ୍ଟ୍ରିକୁ ସେ ଅତ୍ୟନ୍ତ ବନ୍ଧୁତ୍ୱପୂର୍ଣ୍ଣ ବୋଲି କହିଛନ୍ତି । ଏହା ସମସ୍ତଙ୍କୁ ଗ୍ରହଣ କରିନିଏ ବୋଲି ତାଙ୍କ ମତ ।
କାଜଲ କହିଛନ୍ତି, ହିନ୍ଦୀ ବ୍ୟାପକ ମାନ୍ୟତାପ୍ରାପ୍ତ ଭାଷା ହୋଇଥିବାରୁ ଅନେକ କଳାକାର ହିନ୍ଦୀ ଇଣ୍ଡଷ୍ଟ୍ରିରେ କ୍ୟାରିଅର୍ ଆରମ୍ଭ କରିବାକୁ ଚାହାନ୍ତି । କିନ୍ତୁ ସେ ଅନୁଭବ କରନ୍ତି ଯେ ଦକ୍ଷିଣ ସିନେ ଇଣ୍ଡଷ୍ଟ୍ରି ଅଧିକ ବନ୍ଧୁତ୍ୱପୂର୍ଣ୍ଣ ଏବଂ କଳାକାରଙ୍କୁ ଗ୍ରହଣ କରିଥାଏ । ଏଥିସହିତ ଅନେକ ପ୍ରତିଭାସମ୍ପନ୍ନ ଟେକ୍ନିସିଆନ୍ ଓ ନିର୍ଦ୍ଦେଶକ ୪ ପ୍ରମୁଖ ଦକ୍ଷିଣ ଭାରତୀୟ ଭାଷା ତେଲୁଗୁ, ତାମିଲ, ମାଲାୟାଲମ୍ ଓ କନ୍ନଡ଼ରେ ଦମ୍ଦାର ବିଷୟ ପ୍ରସ୍ତୁତ କରୁଛନ୍ତି ।
ସେ କହିଛନ୍ତି, ହିନ୍ଦୀ ଫିଲ୍ମ ଇଣ୍ଡଷ୍ଟ୍ରି ତାଙ୍କ ପ୍ରତି ଗ୍ରହଣଶୀଳ ଓ ଦୟାଳୁ ହୋଇଥିଲେ ମଧ୍ୟ ସାଉଥ୍ରେ ମିଳିଥିବା ପରିସଂସ୍ଥାନ, ନୀତି, ମୂଲ୍ୟବୋଧ ଓ ଅନୁଶାସନକୁ ସେ ପସନ୍ଦ କରନ୍ତି । ମୁମ୍ବାଇରେ ବଢ଼ିଥିବା ଓ ଅଧ୍ୟୟନ କରିଥିବା କାଜଲ ହାଇଦ୍ରାବାଦ ଓ ଚେନ୍ନାଈକୁ ନିଜର ଘର ବୋଲି କହିଛନ୍ତି ।
