ଭୁବନେଶ୍ୱର ୧/୬: ଅକ୍ସିଜେନ୍ ଅଭାବରୁ କଳ୍ପନାଙ୍କ ମୃତ୍ଯୁ ହୋଇଛି । ପର୍ବତାରୋହୀ କଳ୍ପନା ଦାଶଙ୍କ ପୋଷ୍ଟମର୍ଟମ ରିପୋର୍ଟ ଆସିଛି । ଏଭରେଷ୍ଟରେ ଅକ୍ସିଜେନ୍ ଅଭାବରୁ କଳ୍ପନାଙ୍କ ମୃତ୍ଯୁ ହୋଇଛି । ଗତକାଲି(ଶୁକ୍ରବାର) କାଠମାଣ୍ଡୁରେ କଳ୍ପନାଙ୍କ ମୃତଦେହର ବ୍ଯବଛେଦ କରାଯାଇଥିଲା । ତେବେ ଆସନ୍ତାକାଲି ଭୁବନେଶ୍ୱରରେ ପହଞ୍ଚିବ କଳ୍ପନାଙ୍କ ମରଶରୀର ।

ଆଜି ରାତିରେ କଳ୍ପନାଙ୍କ ମରଶରୀର ଭୁବନେଶ୍ୱରରେ ପହଞ୍ଚିବ ବୋଲି ଖବର ଆସୁଥିଲା । ତେବେ ଆସନ୍ତାକାଲି ଆସିବ ମରଶରୀର । କାଠମାଣ୍ଡୁରୁ ଦିଲ୍ଲୀ ଓ ପରେ ଭୁବନେଶ୍ୱର ଅଣାଯିବ । ଅନ୍ଯପଟେ କଳ୍ପନା ଦାଶଙ୍କ ଶେଷ ଦର୍ଶନ ପାଇଁ କ୍ରୀଡ଼ା ବିଭାଗ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । କଳିଙ୍ଗ ଷ୍ଟାଡିୟମ ସ୍ପୋର୍ଟ୍ସ କମ୍ପ୍ଲେକ୍ସରେ ଶେଷ ଦର୍ଶନ ପାଇଁ ରଖାଯିବ ମରଶରୀର । ଗତ ମେ’ ୨୩ ତାରିଖରେ ଏଭରେଷ୍ଟ ଆରୋହଣ କରି ଫେରିବା ବେଳେ ଅଧା ରାସ୍ତାରେ କଳ୍ପନାଙ୍କ ମୃତ୍ୟୁ ହୋଇଥିଲା ।