PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ଆରୋନ୍‌ ଫିଞ୍ଚ, ଏବେ ବି ତାଙ୍କ ବିଶ୍ବ ରେକର୍ଡ ରହିଛି ଅତୁଟ
  • ||
  • ବିବାହ ବନ୍ଧନରେ ବାନ୍ଧିହେଲେ ସିଦ୍ଧାର୍ଥ ଓ କିଆରା, ସୂର୍ଯ୍ୟଗଡ ପ୍ୟାଲେସ୍‌ରେ ହେଲା ବାହାଘର
  • ||
  • କ୍ରିକେଟର ସମସ୍ତ ଫର୍ମାଟରୁ ଅବସର ଘୋଷଣା କଲେ କାମରାନ ଆକମଲ, ୨୦୧୭ ପରଠୁ ମିଳୁନଥିଲା ସୁଯୋଗ
  • ||
  • ତୁର୍କୀରେ ଜରୁରୀ ପରିସ୍ଥିତି ଘୋଷଣା କଲେ ରାଷ୍ଟ୍ରପତି, ଭୂମିକମ୍ପରେ ମୃତ୍ୟୁସଂଖ୍ୟା ୫ ହଜାର ପାର୍
  • ||
  • କଟକ: କଟକରେ ଜିଏସ୍‌ଟି ରେଡ୍, ଲିଙ୍ଗରୋଡ୍‌ରେ ଥିବା ପଞ୍ଚମୁଖୀ ସାନିଟାରି ଦୋକାନରେ ଜିଏସ୍‌ଟି ଚଢ଼ଉ ଜାରି
  • ||
  • ଭୁବନେଶ୍ୱର: ପ୍ରକାଶ ପାଇଲା JEE(ମେନ୍) ରେଜଲ୍ଟ, ଆଫିସିଆଲ ୱେବସାଇଟ୍‌ରେ ଜାଣିପାରିବେ ଫଳ
  • ||
  • ପୁରୀ : ବୁଧବାର ମହାପ୍ରଭୁଙ୍କ ବନକ ଲାଗି, ଦର୍ଶନ କଟକଣା
  • ||
  • ଭୁବନେଶ୍ୱର: ଦେଖୁଦେଖୁ ଜଳିଗଲା ଏଟିଏମ୍, କାରଣ ଅସ୍ପଷ୍ଟ
  • ||
  • ଜଗତସିଂହପୁର : ତିର୍ତ୍ତୋଲ୍‌ ବିଧାୟକଙ୍କ ପ୍ରେମ-ପ୍ରତାରଣା ମାମଲା: ୭ ଘଣ୍ଟା ଧରି ସୋମାଲିକାଙ୍କ ବୟାନ ରେକର୍ଡ, ବିଜୟ ଶଙ୍କର ନିରବ…
  • ||
  • ଭୁବନେଶ୍ୱର : ଅଧିକ ଚିକିତ୍ସା ଲାଗି ଆଜି ଦିଲ୍ଲୀ ଯିବେ ଅଭିନେତା ପିଣ୍ଟୁ ନନ୍ଦ, କରାଯିବ ଲିଭର ଟ୍ରାନ୍ସପ୍ଲାଣ୍ଟ
  • ||
  • ଭୁବନେଶ୍ୱର : ଆରମ୍ଭ ହେଲା ଭାଲେଣ୍ଟାଇନ୍‌ ସପ୍ତାହ, ଗୋଲାପ ମହକରୁ ଆରମ୍ଭ ହେବ ପ୍ରେମ
  • ||
  • ଭୁବନେଶ୍ୱର : ରାଜ୍ୟରେ କଲବଲ କରିବ ଖରା, ରାତି ତାପମାତ୍ରା ଆହୁରି ବଢ଼ିବ: ଉପକୂଳରେ ୩ଡିଗ୍ରୀ ବଢ଼ିବ
  • ||

ଖଣ୍ଡଗିରି କୁମ୍ଭ ମେଳାକୁ ଆଉ ୫ ଦିନ, ଜବରଦଖଲ ହଟାଇଲା ବିଏମ୍‌ସି

ଭୁବନେଶ୍ୱର,୭ା୨(ବ୍ୟୁରୋ): ଖଣ୍ଡଗିରି କୁମ୍ଭ ମେଳା ପାଇଁ ଆଉ ୫ ଦିନ ରହିଲା । ଏଥିପାଇଁ ବିଏମ୍‌ସି ପକ୍ଷରୁ ଜୋରଦାର ପ୍ରସ୍ତୁତି ଚାଲିଛି । ମେଳାକୁ ଆସୁଥିବା ଅପେରା ପାର୍ଟିଗୁଡିକ ନିଜ ଯାତ୍ରା ପରିସରରେ ସିସି ଟିଭି ଓ ମୋବାଇଲ୍‌ ଟଏଲେଟ୍‌ ରଖିବା ବାଧ୍ୟତାମୂଳକ ବୋଲି ବିଏମସି ପକ୍ଷରୁ ନିର୍ଦ୍ଦେଶ ଦିଆଯାଇଛି ।
ଆଗରୁ ମେଳା ପାଇଁ ପିଣ୍ଡି ଆବଣ୍ଟନ ଓ ପାର୍କିଂ ନିଲାମୀ ନେଇ ତାରିଖ ଧାର୍ଯ୍ୟ ହୋଇଥିଲା । ଆସନ୍ତାକାଲି ପିଣ୍ଡି ପାଇଁ ଦରଖାସ୍ତ ଆବେଦନ ଗ୍ରହଣର ଶେଷ ଦିନ । ଆଜିଠାରୁ ଏଥିପାଇଁ ନକ୍ସା ପ୍ରସ୍ତୁତି ଆରମ୍ଭ ହୋଇଯାଇଛି । ୯ ତାରିଖ ସୁଦ୍ଧା ପିଣ୍ଡି ପାଇଁ ଆସିଥିବା ଆବେଦନକୁ ଚୂଡାନ୍ତ କରି ୧୦ ତାରିଖରେ ତାଲିକା ପ୍ରକାଶ କରାଯିବ । ସେହି ୧୦ ତାରିଖ ଦିନ ମେଳାରେ ପାର୍କିଂ ସ୍ଥାନ ପାଇଁ ନିଲାମୀ ଦିଆଯିବ । ୧୨ ତାରିଖରୁ ମେଳା ସରିବା ଯାଏ ଦୈନିକ ପିଣ୍ଡିଗୁଡିକଠାରୁ ଲାଇସେନ୍ସ ଫି ଆଦାୟ କରାଯିବ ବୋଲି ବିଏମ୍‌ସି ପକ୍ଷରୁ ସୂଚନା ଦିଆଯାଇଛି ।

୨୯ ଦୋକାନ ଭାଙ୍ଗିଲା, କାଲି ଆହୁରି ଭାଙ୍ଗିବ
ମେଳା ପାଇଁ ବିଏମ୍‌ସି ପକ୍ଷରୁ ଆଦି ଜବରଦଖଲ ଉଚ୍ଛେଦ କରାଯାଇଛି । ଆଜି ଗୋଟିଏ ଦିନରେ ୨୯ଟି ଉଠାଦୋକାନକୁ ଏନ୍‌ଫୋର୍ସମେଣ୍ଟ ଟିମ୍‌ ଭାଙ୍ଗିଛି । ଖଣ୍ଡଗିରି ପାଦଦେଶ ସହ ଏୟାରପୋର୍ଟ ଓ ଶିରିପୁର ଅଞ୍ଚଳରେ ଉଠାଦୋକାନକୁ ଭଙ୍ଗାଯାଇଛି । ଆସନ୍ତାକାଲି ଜାଗମରା ଅଞ୍ଚଳରେ ଉଚ୍ଛେଦ ହେବ ବୋଲି ବିଏମ୍‌ସି ପକ୍ଷରୁ କୁହାଯାଇଛି ।

ପିଣ୍ଡି ୬ ହଜାର, ଉଠାଦୋକାନ ଦିନକୁ ୫୦ଟଙ୍କା
ଚଳିତ କୁମ୍ଭମେଳା ପାଇଁ ବିଏମ୍‌ସି ପିଣ୍ଡି ଦର ଧାର୍ଯ୍ୟ କରିଛି । ଦୋକାନ ଉଦ୍ଦେଶ୍ୟରେ ପିଣ୍ଡି ନେଲେ ୧୨ଦିନକୁ ୬ହଜାର ଟଙ୍କା ଧାର୍ଯ୍ୟ ହୋଇଛି । ଉଠାଦୋକାନ ପାଇଁ ଦୈନିକ ୫୦ଟଙ୍କା ଦେବାକୁ ହେବ । ସରକାରୀ ଜମିରେ ଅପେରା ପାଇଁ ୬ହଜାର ଓ ଘରୋଇ ଜମିରେ ଅପେରା ପାଇଁ ୫ ହଜାର ଟଙ୍କା ଦେବାକୁ ପଡିବ ବୋଲି ବିଏମ୍‌ସି ପକ୍ଷରୁ କୁହାଯାଇଛି ।

ସବୁ ଷ୍ଟଲ୍‌ରେ ଡଷ୍ଟବିନ୍‌ ବାଧ୍ୟତାମୂଳକ
ମେଳାରେ ଥିବା ସବୁ ଷ୍ଟଲ୍‌ଗୁଡିକରେ ପରିମଳ ଓ ସଫେଇକୁ ବିଏମ୍‌ସି ସ୍ୱତନ୍ତ୍ର ଧ୍ୟାନ ଦେଇଛି । ସବୁ ଷ୍ଟଲ୍‌ରେ ଡଷ୍ଟବିନ୍‌ ରଖିବା ବାଧ୍ୟତାମୂଳକ । ଡଷ୍ଟବିନ୍‌ ନ ରଖିଲେ ଲାଇସେନ୍ସ ବାତିଲ କରାଯିବ ବୋଲି ବିଏମସି କମିଶନର ଶୁଭମ ସାକ୍‌ସେନା କହିଛନ୍ତି ।