ନୂଆଦିଲ୍ଲୀ – ପୂର୍ବତନ ବରିଷ୍ଠ ପୁଲିସ ଅଧିକାରୀ କିରଣ ବେଦୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ , ଦିଲ୍ଲୀରେ ବାୟୁ ପ୍ରଦୂଷଣର ଖରାପ ସ୍ଥିତିକୁ ଦେଖି ହସ୍ତକ୍ଷେପ କରିବାକୁ ଅପିଲ କରିଛନ୍ତି। ସେ ପ୍ରଧାନମନ୍ତ୍ରୀଙ୍କୁ ନିଜର ‘ମନ୍ କି ବାତ୍’ ସମ୍ୱୋଧନ ବେଳେ ଏହି ପ୍ରସଙ୍ଗରେ ସମ୍ୱୋଧିତ କରିବାକୁ ଅନୁରୋଧ କରିଛନ୍ତି। ଏହାସହ ସେ ପିଏମ୍ଙ୍କୁ କ୍ଷମା ମଧ୍ୟ ମାଗିଛନ୍ତି। କିରଣ ବେଦୀଙ୍କର ଏହି ବାର୍ତ୍ତା ଏମିତି ସମୟରେ ଆସିଛି ,ଯେତେବେଳେ ଦେଶର ରାଜଧାନୀର ଅନେକ ଅଞ୍ଚଳରେ ମୋଟ ବାୟୁର ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ୩୬୯ ରେକର୍ଡ କରାଯାଇଛି,ଯାହାକି ଖୁବ୍ ଖରାପ ଶ୍ରେଣୀରେ ରହିଛି।
କିରଣ ବେଦୀ ପୁଡୁଚେରୀର ଉପରାଜ୍ୟପାଳ ଭାବେ ନିଜର କାର୍ଯ୍ୟକାଳ ବେଳେ ଅଧିକାରୀଙ୍କ ସହ ପିଏମ୍ ମୋଦିଙ୍କ ଜୁମ୍ରେ ହୋଇଥିବା ପ୍ରଭାବୀ ସେସନକୁ ମଧ୍ୟ ଉଲ୍ଲେଖ କରିଥିଲେ।
ବେଦୀ ଏକ୍ସ(ଟ୍ୱିଟ୍)ରେ ଲେଖିଛନ୍ତି , ସାର୍ , ଦୟାକରି ମୋତେ ପୁନର୍ବାର ଅନୁରୋଧ କରିବା ନେଇ କ୍ଷମା କରନ୍ତୁ। କିନ୍ତୁ ମୁଁ ପୁଡୁଚେରୀରେ ନିଜର କାର୍ଯ୍ୟକାଳ ବେଳେ ଆପଣଙ୍କର ଖୁବ୍ ପ୍ରଭାବୀ ଜୁମ୍ ସେସନ ଦେଖିଛି। ଆପଣ କେମିତି ସମସ୍ତଙ୍କୁ ଅନେକ ଜାତୀୟ ଚ୍ୟାଲେଞ୍ଜ ଗୁଡ଼ିକରେ ସମୟବଦ୍ଧ ଉପାୟରେ କାମ କରିବାକୁ ପ୍ରେରିତ କରିଥିଲେ। କେମିତି ସମସ୍ତଙ୍କୁ ସମୟ ସୀମା ଓ ଲକ୍ଷ୍ୟକୁ ପୂରଣ କରିବା ପାଇଁ ପ୍ରେରିତ କରିଥିଲେ।
କିରଣ ବେଦୀ ପ୍ରଧାନମନ୍ତ୍ରୀ ମୋଦିଙ୍କୁ ଅନୁରୋଧ କରିଥିଲେ ଯେ, ସେ ଦିଲ୍ଲୀର ପଡ଼ୋଶୀ ରାଜ୍ୟ ଗୁଡ଼ିକର ମୁଖ୍ୟମନ୍ତ୍ରୀ ଓ ମୁଖ୍ୟ ସଚିବଙ୍କ ସହ ପ୍ରତି ମାସରେ ଭର୍ଚୁଆଲ ମିଟିଂ କରନ୍ତୁ , ଯାହାକି ପ୍ରଦୂଷଣରୁ ବର୍ତ୍ତିବାରେ ହୋଇଥିବା ପ୍ରଗତି ବିଷୟର ଜାଣିହେବ। ସେ ଲେଖିଛନ୍ତି ଯେ, ଏଥିରେ ଆମକୁ ଆଶା ଜାଗିବ, କାରଣ ଆମେ ଜାଣିପାରିବା ଯେ, ସବୁକିଛି ଆପଣଙ୍କର ନୀରିକ୍ଷଣରେ ଅଛି। ଲୋକେ ଆଶ୍ୱସ୍ତିର ନିଃଶ୍ୱାସ ନେଇ ପାରିବେ।
ଉଲ୍ଲେଖନୀୟ ଯେ, ଦିଲ୍ଲୀରେ ପ୍ରଦୂଷଣର ଚିନ୍ତା ବୃଦ୍ଧି ମଧ୍ୟରେ କିରଣ ବେଦୀ ନିଜର ଏକ୍ସ ଆକାଉଣ୍ଟର ବ୍ୟବହାର ବାୟୁ ଗୁଣବତ୍ତା ସମ୍ୱନ୍ଧୀୟ ଚିନ୍ତା ଉପରେ ବାର୍ତ୍ତାକୁ ଜୋରଦାର ବିସ୍ତାରିତ କରୁଛନ୍ତି। ସେ ରାଜ୍ୟ ଓ ଅଧିକାରୀଙ୍କ ମଧ୍ୟରେ ସହଯୋଗାତ୍ମକ ବ୍ୟବହାରର ଆହ୍ୱାନ କରିଛନ୍ତି ଏବଂ କହିଛନ୍ତି ଯେ, ପ୍ରଦୂଷଣ କୌଣସି ଆକସ୍ମିକ ଘଟଣା ନୁହେଁ , ବରଂ ଶାସନରେ ପ୍ରକୃତ ସମନ୍ୱୟର ଅଭାବ ଦଶନ୍ଧୀର ପରିଣାମ ।
