ପ୍ରମୁଖ ଖବର
  • ୧୦୦ ଆସନରେ ବିଜେପି ପ୍ରାର୍ଥୀ ଚୂଡାନ୍ତ ! କଟିପାରେ ୭୦ ସାଂସଦଙ୍କ ଟିକେଟ, ନୂଆ ମୁହଁ ଓ ମହିଳାଙ୍କୁ ମିଳିପାରେ ସୁଯୋଗ
  • ||
  • ନିଳାଦ୍ରୀ ବିହାର ଏଟିଏମ୍‌ ଛକରେ ବୋମାମାଡ, ବିଳମ୍ବିତ ରାତି କାର୍‌କୁ ବୋମା ଫିଙ୍ଗି ଚମ୍ପଟ୍ ମାରିଲେ ୨ ଦୁର୍ବୃତ୍ତ
  • ||
  • ଏ ବର୍ଷ ଗ୍ରୀଷ୍ମ ଲହରୀ ଲମ୍ବିବ: ମାର୍ଚ୍ଚରୁ କଲବଲ କରିବ ଖରା, ଆକାଶରୁ ନିଆଁ ବର୍ଷିବ
  • ||

ନୂଆଦିଲ୍ଲୀରେ ଭାରତ ଅନ୍ତର୍ଜାତୀୟ ବାଣିଜ୍ୟ ମେଳାରେ ମନମୋହୁଛି କୋରାପୁଟ କଫି

ଭୁବନେଶ୍ବର : ନୂଆଦିଲ୍ଲୀସ୍ଥିତ ପ୍ରଗତି ମୈଦାନରେ ଆୟୋଜିତ ଭାରତ ଅନ୍ତର୍ଜାତୀୟ ବାଣିଜ୍ୟ ମେଳାର ଆଜି ପଞ୍ଚମ ଦିବସ । ଦେଶବିଦେଶର ବାଣିଜ୍ୟିକ ସଂସ୍ଥାମାନଙ୍କ ଅନ୍ୟତମ ଆକର୍ଷଣର କେନ୍ଦ୍ରବିନ୍ଦୁ ହୋଇଛି । ଓଡ଼ିଶା ପାଭିଲିୟନର ୨୪ ନମ୍ବର ଷ୍ଟଲରେ ଅଂଶଗ୍ରହଣ କରିଛି ରାଜ୍ୟର ଜନଜାତି ଉନ୍ନୟନ ସମବାୟ ନିଗମ ଲିମିଟେଡ । ଏଠାରେ ମିଳିପାରୁଛି ନୂଆକରି ଅନ୍ତର୍ଜାତୀୟ ବଜାରରେ ପ୍ରବେଶ କରିଥିବା ଓଡ଼ିଶାର କୋରାପୁଟ କଫି । ଜନଜାତି ଉନ୍ନୟନ ସମବାୟ ନିଗମ ଲିମିଟେଡର ଷ୍ଟଲରେ କୋରାପୁଟ କଫି ସହିତ ମିଳୁଛି ରାଜ୍ୟର ଜନଜାତି ସମ୍ପ୍ରଦାୟଙ୍କ ଦ୍ୱାରା ସଂଗୃହୀତ କୋଟପାଡ଼ ଶାଢି, ମୟୂରଭଞ୍ଜ ଜିଲ୍ଲାରେ ଉତ୍ପାଦିତ ବାଦାମୀରଙ୍ଗ ଚାଉଳ, କେଉଁଝର ଜିଲ୍ଲାର ମହୁ, କୋରାପୁଟର କାଜୁ, ଗୋଲମରିଚ, ଡାଲଚିନିଓ ଲେମନ ଗ୍ରାସ ତେଲ ଏବଂ କନ୍ଧମାଳର ହଳଦୀ । ଏହି ମେଳା ପାଇଁ ଜନଜାତି ଉନ୍ନୟନ ସମବାୟ ନିଗମ ଲିମିଟେଡ ସର୍ବମୋଟ ୩ ଲକ୍ଷ ଟଙ୍କାର ସାମଗ୍ରୀ ଆଣିଥିବା ବେଳେ ଆଜି ସୁଦ୍ଧା ୯ ହଜାର ୬୫୦ ଟଙ୍କାର ସାମଗ୍ରୀ ବିକ୍ରି ହୋଇସାରିଛି ଏବଂ ୨୭ ତାରିଖ ସୁଦ୍ଧା ସମସ୍ତ ସାମଗ୍ରୀ ବିକ୍ରି ହୋଇଯିବ ବୋଲି ଷ୍ଟଲ ପରିଚାଳକ ପ୍ରକାଶ କରିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.