ବେଙ୍ଗାଲୁର,୨୯।୭: କର୍ଣ୍ଣାଟକରେ ଗତ ଏକ ମାସ ଧରି ଜାରି ରହିଥିବା ରାଜନୈତିକ ସଙ୍କଟ ଆଜି ଶେଷ ହୋଇଛି। କର୍ଣ୍ଣାଟକ ବିଧାନସଭାରେ ୟେଦ୍ୟୁରପ୍ପା ସରକାର ଆସ୍ଥାଭୋଟରେ ନିଜର ସଂଖ୍ୟା ଗରିଷ୍ଠତା ପ୍ରମାଣ କରିବାରେ ସଫଳ ହୋଇଛନ୍ତି। ଏହା ସହିତ କର୍ଣ୍ଣାଟକ ବିଧାନସଭାର ଅଧ୍ୟକ୍ଷ କେଆର ରମେଶ କୁମାର ନିଜର ପଦରୁ ଇସ୍ତଫା ଦେଇଛନ୍ତି। ଏହି ସମୟରେ ବାଚସ୍ପତି କେଆର ରମେଶ କହିଥିଲେ, ମୁଁ ଏହି କାର୍ଯ୍ୟାଳୟରୁ ନିଜକୁ ମୁକ୍ତ କରିବାର ନିଷ୍ପତ୍ତି ନେଇଛି। ମୁଁ ଇସ୍ତଫା ଦେବାର ନିଷ୍ପତ୍ତି ନେଇଛି ବୋଲି କହିବା ସହ ଉପ-ବାଚସ୍ପତି କୃଷ୍ଣା ରେଡ୍ଡୀଙ୍କୁ ନିଜର ଇସ୍ତଫା ପତ୍ର ପ୍ରଦାନ କରିଥିଲେ।
wp:gallery {"ids":[30662]}
ଉଲ୍ଲେଖନୀୟ ଯେ, ବାଚସ୍ପତି କେଆର କୁମାର ୧୪ ମାସ ଧରି କର୍ଣ୍ଣାଟକ ବିଧାନସଭାର ଅଧ୍ୟକ୍ଷତା କରିଥିଲେ। ଆଜି ନିଜ ପଦବୀରୁ ଇସ୍ତଫା ଦେବା ସହ ସେ କହିଥିଲେ, ମୁଁ ନିଜର ବିବେକ ଏବଂ ସମ୍ବିଧାନ ଅନୁସାରେ କାମ କରିଛି। ମୁଁ ନିଜର ପଦର ଗାରିମାକୁ ନିଜର ସମ୍ପୂର୍ଣ୍ଣ କ୍ଷମତା ସହିତ ରଖିବାର ଚେଷ୍ଟା କରିଛି।’
wp:gallery {"ids":[30663]}
ଉଲ୍ଲେଖନୀୟ ଯେ, ଆଜି ୟେଦ୍ୟୁରପ୍ପା ସରକାର ବିଧାନସଭାରେ ଆସ୍ଥାଭୋଟରେ ସଂଖ୍ୟା ଗରିଷ୍ଠତା ପ୍ରମାଣ କରିବା ସମୟରେ ବିରୋଧୀଙ୍କ ପକ୍ଷରୁ ମତ ବିଭାଜନ ଦାବି କରାଯାଇନଥିଲା। ୟେଦ୍ୟୁରପ୍ପା ସରକାର ଏହି ବହୁମତ ଧ୍ବନିମତରେ ଜିତିସାରିଛନ୍ତି। ୨୦୭ ବିଧାୟକ ଥିବା କର୍ଣ୍ଣାଟକ ବିଧାନସଭାରେ ସଂଖ୍ୟା ଗରିଷ୍ଠତା ପ୍ରମାଣ ପାଇଁ ୧୦୪ ସଂଖ୍ୟାକୁ ପାର କରିବାର ଥିଲା, ଯାହାକୁ ବିଜେପି ସରକାର ପାର କରିଦେଇଛନ୍ତି।
