ଲା-ଲିଗା: ଆଟଲେଟିକୋକୁ ହରାଇଲା ରିଏଲ ମାଦ୍ରିଦ
ମାଦ୍ରିଦ,୯ା୨(ଏଜେନ୍ସି): ଚଳିତ ସ୍ପାନିଶ ଲା-ଲିଗାର ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ରିଏଲ ମାଦ୍ରିଦ୍ ୩-୧ ଗୋଲ୍ରେ ଆଟ୍ଲେଟିକୋ ମାଦ୍ରିଦକୁ ହରାଇ ଟାଇଟଲ ଦୌଡକୁ ଫେରିଛି । ମ୍ୟାଚ୍ ଆରମ୍ଭରୁ ରିଏଲ ମାଦ୍ରିଦ ଲଢୁଆ ଖେଳ ପ୍ରଦର୍ଶନ କରିଥିଲା । ଦଳ ପକ୍ଷରୁ କ୍ୟାସେମିରୋ ପ୍ରଥମ ଗୋଲ୍ କରିଥିଲେ । ଏହାପରେ ଆଟଲେଟିକୋ ପକ୍ଷରୁ ଆଣ୍ଟୋନି ଗ୍ରିଜମ୍ୟାନ୍ ଗୋଲ୍ ପରିଶୋଧ କରିଦେଇଥିଲେ ।
ବାକି ସମୟ ମଧ୍ୟରେ ରିଏଲ ମାଦ୍ରିଦ ଆଉ ୨ଟି ଗୋଲ୍ କରି ବିଜୟ ହାସଲ କରିଥିଲା । ଦଳ ପକ୍ଷରୁ ସର୍ଜିଓ ରାମୋସ ଓ ଗ୍ୟାରେଥ ବେଲ୍ ଶେଷ ୨ଟି ଗୋଲ୍ କରିଥିଲେ । ଏହି ବିଜୟ ପରେ ରିଏଲ ମାଦ୍ରିଦ୍ ପଏଣ୍ଟ ତାଲିକାର ଦ୍ୱିତୀୟ ସ୍ଥାନକୁ ଫେରିଛି । ବାର୍ସେଲୋନା ପଏଣ୍ଟ ତାଲିକାର ଶୀର୍ଷରେ ରହିଛି ।
