PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ମହିଳା କମିଶନରେ ପତ୍ନୀଙ୍କ ଅଭିଯୋଗ, ‘ଆଜି ମୋ ସ୍ୱାମୀଙ୍କ ବାହାଘର’

source:www.youthkiawaaz.com

ଭୁବନେଶ୍ୱର,୨୮ା୨(ବ୍ୟୁରୋ): ‘ଆଜି ମୋ ସ୍ୱାମୀଙ୍କ ବାହାଘର । ତାଙ୍କ ବାହାଘର ରୋକି ଦିଅନ୍ତୁ ଆଜ୍ଞା । ମୋ ୬ ବର୍ଷର ପୁଅଟେ ଅଛି । ମାଆ ପୁଅ ଆମେ ବେସାହାରା ହୋଇଯିବୁ । ମୋ ସ୍ୱାମୀ ଆଉ ଗୋଟେ ଝିଅକୁ ଭଲପାଇ ତାକୁ ଆଜି ବାହା ହେବାକୁ ଯାଉଛନ୍ତି । ତାଙ୍କୁ ଗିରଫ କରନ୍ତୁ । ଏହା କୌଣସି ଯାତ୍ରାର ସଂଳାପ ନୁହେଁ । ରାଜ୍ୟ ମହିଳା ଆୟୋଗରେ ସ୍ୱାମୀଙ୍କ ବିରୋଧରେ ପତ୍ନୀଙ୍କ ଫେରାଦ । ପ୍ରତାରକ ସ୍ୱାମୀ ହେଉଛନ୍ତି ଭାରତୀୟ ରିଜର୍ଭ ବାଟାଲିଅନ୍‌ (ଆଇଆର୍‌ବି)ର ଜଣେ କନଷ୍ଟେବଳ । ତାଙ୍କ ନାଁ ସଞ୍ଜୟ କୁମାର ବଦରା । ଘର ମୟୂରଭଞ୍ଜ ମହୁଲଡିହା ଥାନା ଅଧୀନ ମିଟୁଆଣିରେ । ସେ ପୁରୀ ଜିଲ୍ଲାରେ ଥିବା ଏକ ଥାନାରେ କାର୍ଯ୍ୟରତ ଜଣେ ମହିଳା ପୁଲିସ ସବ୍‌ଇନ୍ସପେକ୍ଟରଙ୍କୁ ଭଲପାଇ ଦ୍ୱିତୀୟ ବିବାହ କରିବାକୁ ଉଦ୍ୟମ କରୁଥିବା ତାଙ୍କ ପତ୍ନୀ ସସ୍ମିତା ଅଭିଯୋଗ କରିଛନ୍ତି । ସସ୍ମିତାଙ୍କ ଅଭିଯୋଗ ମୁତାବକ, ସଞ୍ଜୟଙ୍କ ସହ ତାଙ୍କର ୨୦୧୧ରେ ବିବାହ ହୋଇଥିଲା । ତାଙ୍କର ଉମେଶ ନାମକ ୬ ବର୍ଷର ଏକ ପୁଅ ଅଛି । ବିବାହ ପରେ ସବୁ ଠିକ୍‌ଠାକ୍‌ ଚାଲିଥିଲା । କିଛି ନ ଜଣାଇ ଉମେଶ ବାରମ୍ବାର ପୁରୀ ଯା’ଆସ କରିବାରୁ ସସ୍ମିତାଙ୍କ ସନ୍ଦେହ ହୋଇଥିଲା । ତାଙ୍କ ସାଙ୍ଗଙ୍କୁ ପଚରାଉଚରା ବେଳେ ଜଣା ପଡିଥିଲା, ଦୁଇବର୍ଷ ଧରି ଉମେଶ ଜଣେ ଲେଡି ସବ୍‌ଇନ୍ସପେକ୍ଟରଙ୍କୁ ପ୍ରେମ କରୁଛନ୍ତି । ଫେସ୍‌ବୁକ୍‌ ଜରିଆରେ ତାଙ୍କ ସହ ସମ୍ପର୍କ ସ୍ଥାପନ ହୋଇଥିଲା । ପରିଚୟ ବଢ଼ିବା ପରେ ତାଙ୍କ ସହ ଲୁଚିଛପି ପୁରୀ ବେଳାଭୂମିରେ ମିଳାମିଶା କରୁଛନ୍ତି । ଅନେକଥର ବାହାରେ ବି ରହୁଛନ୍ତି । ସବୁଠୁ ବଡ଼ କଥା ହେଲା, ଉଭୟଙ୍କ ପ୍ରେମ ଏତେ ନିବିଡ଼ ହୋଇ ଯାଇଛି ଯେ ଉଭୟେ ବିବାହ କରିବାକୁ ଯୋଜନା କରିଛନ୍ତି । ଏସବୁ ଘଟଣା ଶୁଣିବା ପରେ ସସ୍ମିତାଙ୍କ ଗୋଡ଼ତଳୁ ମାଟ ିଖସଯିାଇଥଲିା । ଏନେଇ ସ୍ୱାମୀଙ୍କୁ ପଚାରବିାରୁ ସେ ସନ୍ତୋଷଜନକ ଉତ୍ତର ଦେଇ ନଥିଲେ । ଏହାପରେ ସସ୍ମିତାଙ୍କ ସନ୍ଦେହ ଆହୁରି ବଢ଼ିଥିିଲା । ଉଭୟଙ୍କ ମଧ୍ୟରେ ଏହି ଘଟଣା ଯୋଗୁଁ ଝଗଡ଼ା ହୋଇଥିଲା । ପରେ ସଞ୍ଜୟ ଘର ଛାଡି ବାହାରେ ରହିଥିଲେ । ଅଧିକ ଖୋଳତାଡ଼ କରିବା ପରେ ସସ୍ମିତା ଜାଣିବାକୁ ପାଇଥିଲେ, ମାର୍ଚ୍ଚ ୧ ତାରିଖରେ ସମ୍ପୃକ୍ତ ଲେଡି ସବ୍‌ଇନ୍ସପେକ୍ଟରଙ୍କୁ ବାହା ହେବା ପାଇଁ ତାଙ୍କ ସ୍ୱାମୀ ଯୋଜନା କରିଛନ୍ତି । ଏହାଜାଣି ସସ୍ମିତାଙ୍କ ଛାତିରେ ଛନକା ପଶି ଯାଇଛି । ଶିଶୁପୁତ୍ରକୁ ସାଙ୍ଗରେ ଧରି ଧାଇଁ ଆସିଛନ୍ତି ମହିଳା କମିଶନର ଆୟୋଗଙ୍କ ନିକଟକୁ । ସାଙ୍ଗରେ ସବୁ କାଗଜପତ୍ର ବି ଆଣିଛନ୍ତି । କମିଶନରଙ୍କ ନିକଟରେ ଗୁହାରି କରିବା ସହ ନ୍ୟାୟ ଭିକ୍ଷା କରିଛନ୍ତି ।

ସମ୍ବନ୍ଧିତ ଖବର