PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଫଗାନିସ୍ତାନର ଧାର୍ମିକ ବିଦ୍ୟାଳୟରେ ଭୟଙ୍କର ବିସ୍ଫୋରଣ, ୧୫ ମୃତ, ୨୦ରୁ ଅଧିକ ଗୁରୁତର…
  • ||
  • HSRP ମାମଲା : ୧,୨,୩ ଏବଂ ୪ ନମ୍ଵର ପାଇଁ ଆଉ ଏକ ମାସ ସମୟ ସୀମା ବୃଦ୍ଧି
  • ||
  • ଭୁବନେଶ୍ଵର : ପୁରୀରେ ନିର୍ମାଣ ହେବ କୁଲତା ସମାଜର ଧର୍ମଶାଳା, ସୁନାମୁହିଁରେ ୧ ଏକର ଜାଗା ଓ ୩ କୋଟି ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ମୈଦଲପୁର : ବନ୍ଧୁକ ମରାମତି ବେଳେ ଗୁଳି ଫୁଟି ୪ ଆହତ
  • ||
  • ତେଲକୋଇ : ନଦୀରେ ଭାସୁଛି ଯୁବକଙ୍କ ମୃତଦେହ, ପରିଚୟ ଅସ୍ପଷ୍ଟ
  • ||
  • ରେଢ଼ାଖୋଲ : ଔଷଧ ବୋଝେଇ କଣ୍ଟେନର ଧକ୍କାରେ ୪ ପିକଅପ୍ ଭ୍ୟାନ୍ ଚୂରମାର
  • ||
  • ଭୁବନେଶ୍ଵର : ATM ଭିତରେ ପଶିଲା ନାଗ, ଦେଢ ଘଣ୍ଟା ପରେ ଉଦ୍ଧାର କଲା ସ୍ନେକ୍ ହେଲ୍ପଲାଇନ
  • ||
  • ଭୁବନେଶ୍ଵର : ସାମୁଦ୍ରିକ ବାୟୁ ପ୍ରଭାବରେ ରାଜ୍ୟରେ ରାତ୍ରି ତାପମାତ୍ରା ସ୍ୱାଭାବିକ ଠାରୁ ଅଧିକ ରେକର୍ଡ
  • ||
  • ନାରାୟଣପାଟଣା : ଝାଙ୍କିରିକାରିଲି ଗାଁ ପାହାଡ଼ରେ ମାତିଛି ମହାବଳ, ପୁଣି ଏକ ଛେଳିକୁ ମାରି ଖାଇଲା ବାଘ
  • ||
  • ଆଠମଲ୍ଲିକ : ଧାନ ଖଳାରେ ଭୟାବହ ଅଗ୍ନିକାଣ୍ଡ, ଜଳିଗଲା ବର୍ଷକର ଅମଳ ଫସଲ
  • ||

ସାବାସ୍‌ ସବିତା: ଚୋରକୁ ଗୋଡ଼ାଇ ଧରିଲେ ମହିଳା କଣ୍ଡକ୍ଟର

ଭୁବନେଶ୍ୱର,୨୮ ।୧(ବ୍ୟୁରୋ): ଏକ ଗ୍ୟାସ୍‌ ବୋଝେଇ ଅଟୋରୁ ସିଲିଣ୍ଡର ଚୋରି କରୁଥିବା ବେଳେ ମୋ’ ବସ୍‌ର ମହିଳା କଣ୍ଡକ୍ଟର ଗୋଡ଼ାଇ ଗୋଡ଼ାଇ ଚୋରକୁ ଧରିଛନ୍ତି । ତାକୁ ନିସ୍ତୁକ ମାଡ଼ମାରି ଚନ୍ଦ୍ରଶେଖରପୁର ଥାନା ପୁଲିସ ଜିମା ଦେଇଛନ୍ତି । ଧରା ପଡ଼ିଥିବା ଚୋରର ନାମ ମୋହନ ଦାସ(୨୪) । ଘର ଚନ୍ଦ୍ରଶେଖରପୁର ଥାନା ଅନ୍ତର୍ଗତ ପଟିଆ ରାଉତସାହି । ବସ୍‌ରୁ ଓହ୍ଲାଇ ଚୋରକୁ ସାବାଡ୍‌ କରିଥିବା ମହିଳା କଣ୍ଡକ୍ଟର ସବିତା ପ୍ରଧାନଙ୍କୁ ଲୋକେ ସାବାସୀ ଜଣାଇଛନ୍ତି ।
ପ୍ରତ୍ୟକ୍ଷଦର୍ଶୀଙ୍କ ଠାରୁ ମିଳିଥିବା ସୂଚନା ଅନୁଯାୟୀ, ସାଲିଆସାହି ଏକାମ୍ରବିହାରର ଅର୍ଜୁନ ସାହୁ ଜଣେ ଗ୍ୟାସ୍‌ ବିତରକ । ସେ ଆଜି ଅଟୋରେ ହୋମ୍‌ ଡେଲିଭରି ଦେବାକୁ ଯାଉଥିଲେ । କଳିଙ୍ଗ ହସ୍ପିଟାଲ ଛକ ନିକଟରେ ଅର୍ଜୁନ ଅଟୋ ଥୋଇ ଜଣେ ଗ୍ରାହକଙ୍କ ଘରକୁ ଯାଇଥିଲେ । ମୋହନ ଉକ୍ତ ଅଟୋ ପଛପଟରୁ ଏକ ଗ୍ୟାସ୍‌ ସିଲିଣ୍ଡର ଟେକି ନେଇ ପଳାଉଥିଲା । ଏହି ସମୟରେ ଏକ ମୋ ବସ୍‌ ସେଠାରେ ଲାଗିଥିଲା । ବସ୍‌ର ମହିଳା କଣ୍ଡକ୍ଟର ସବିତା ସିଲିଣ୍ଡର ଚୋରି ହେଉଥିବା ଦେଖିବାକୁ ପାଇଥିଲେ । ସେ ସଙ୍ଗେ ସଙ୍ଗେ ବସ୍‌ରୁ ଡେଇଁପଡ଼ି ମୋହନକୁ ଗୋଡ଼ାଇ ଗୋଡ଼ାଇ ଧରିଥିଲେ । କିଛି ସମୟ ପାଇଁ ମୋହନ ସହ ସବିତାଙ୍କର ଧସ୍ତାଧସ୍ତି ହୋଇଥିଲା । ହେଲେ ସାହସର ସହ ସବିତା ମୋହନକୁ କାବୁ କରିଥିଲେ । ଏହା ଦେଖି ସେଠାରେ ଲୋକ ଜମା ହୋଇ ଯାଇଥିଲେ । ସବିତାଙ୍କ ସହ ସମସ୍ତେ ମିଶି ମୋହନକୁ ନିସ୍ତୁକ ମାଡ଼ ମାରିଥିଲେ । ଖବରପାଇ ଚନ୍ଦ୍ରଶେଖରପୁର ଥାନା ପୁଲିସ ସେଠାରେ ପହଞ୍ଚିଥିଲା । ସବିତା ମୋହନକୁ ପୁଲିସ ଜିମା ଦେଇଥିଲେ । ସବିତାଙ୍କ ଏଭଳି ସାହସିକତା ଦେଖି ସେଠାରେ ଲୋକେ ଓ ପୁଲିସ ସାବାସୀ ଜଣାଇଥିଲେ ।
ଗ୍ୟାସ୍‌ ବିତରକ ଅର୍ଜୁନଙ୍କ ଅଭିଯୋଗକୁ ଭିତ୍ତିକରି ପୁଲିସ ମୋହନକୁ ଗିରଫ କରିଥିଲା । ଅପରାହ୍ଣରେ ମୋହନକୁ କୋର୍ଟ ଚାଲାଣ କରା ଯାଇଥିଲା । ଜାମିନ୍‌ ନାମଞ୍ଜୁର ହେବାରୁ ତାକୁ ଜେଲ୍‌ ହାଜତକୁ ପଠାଇ ଦିଆଯାଇଛି ।