ପ୍ରମୁଖ ଖବର
  • ଭୁବନେଶ୍ୱର : ବିଜେଡି ଛାଡ଼ିଲେ ଦେବାଶିଷ ନାୟକ । ପୂର୍ବତନ ବରୀ-ଡେରାବିସ୍ ବିଧାୟକ
  • ||
  • ୩୪ ନୂଆ ଏନ୍‌ଏସି ଘୋଷଣାରେ ଲୋଇସିଂହା ବାଦ୍, ୧୨ ଘଣ୍ଟିଆ ବନ୍ଦ ଡାକରା
  • ||
  • ମାଲକାନଗିିରି: ଛତିଶଗଡ଼ କାଙ୍କେରରେ ଏନ୍‌କାଉଣ୍ଟର, ଯବାନଙ୍କ ଗୁଳିରେ ୩ ମାଓବାଦୀ ନିହତ
  • ||
  • ବାଲିପାଟଣା ଥାନା ଭିତରେ ଯୁବକଙ୍କୁ ଛେଚିଲେ, ୨ ଅଭିଯୁକ୍ତଙ୍କୁ କାବୁ କଲା ପୋଲିସ
  • ||
  • ଚିଲିକା ମଝିରେ ଫସିଲା ଯାତ୍ରୀବାହୀ ଡଙ୍ଗା, ୧୦ ବାଇକ ସହ ୩୦ ଯାତ୍ରୀ ଫସିଲେ
  • ||
  • ଯୁକ୍ତ ୨ ପରୀକ୍ଷା ପଦାର୍ଥ ବିଜ୍ଞାନ ପ୍ରଶ୍ନପତ୍ରରେ ତ୍ରୁଟି: ୭୦ ମାର୍କର ପରୀକ୍ଷାରେ ୨୭ ମାର୍କର ସିଲାବସ୍‌ ବାହାର ପ୍ରଶ୍ନ
  • ||
  • ଡବ୍ଲ୍ୟୁପିଏଲ୍‌- ୨୦୨୪: ରୋମାଞ୍ଚକ ମୁକାବିଲା, ୟୁପି ୱାରିୟର୍ସଠୁ ୨ରନ୍‌ରେ ଜିତିଲା ରୟାଲ୍‌ ଚ୍ୟାଲେଞ୍ଜର୍ସ
  • ||
  • ‘ଦିଲ୍ଲୀ ଚଲୋ’ ସ୍ଥଗିତ ରହିବା ପରେ ଖୋଲିଲା ଦିଲ୍ଲୀ-ହରିଆଣା ସୀମା, ଶମ୍ଭୁ ସୀମାରେ ଚାଷୀଙ୍କ କ୍ୟାଣ୍ଡେଲ୍‌ ଶୋଭାଯାତ୍ରା
  • ||
  • ବାଙ୍ଖିଡି ଛକରେ ମର୍ମନ୍ତୁଦ ଦୁର୍ଘଟଣା, ଗଛରେ ପିଟି ହୋଇ ବାଇକ୍ ଚାଳକ ମୃତ
  • ||
  • ବର୍ଷିଲା ପରେ ଖସିଲା ତାତି: ୨୭ ଯାଏ ବର୍ଷା ସମ୍ଭାବନା, ୧୦ରୁ ଅଧିକ ଜିଲ୍ଲାରେ ପାଗ କୋହଲା
  • ||
  • ଗୁଜରାଟ ଗସ୍ତରେ ପ୍ରଧାନମନ୍ତ୍ରୀ: ଆଜି ‘ସୁଦର୍ଶନ ସେତୁ’ ଲୋକାର୍ପଣ, ସୌରାଷ୍ଟ୍ରକୁ ଦେବେ ୫୨,୨୫୦ କୋଟିର ପ୍ରକଳ୍ପ ଭେଟି
  • ||

ଅନ୍ତଃରାଜ୍ୟ ଲାଲମନି ସ୍ମାରକୀ କ୍ରିକେଟ୍‌: ରାଞ୍ଚି ଚାମ୍ପିଅନ୍‌

ସୋନପୁର,୩ା୨(ଆପ୍ର): ସୁବର୍ଣ୍ଣପୁର ଜିଲ୍ଲା କ୍ରିକେଟ୍‌ ସଂଘ ଆନୁକୂଳ୍ୟରେ ସ୍ଥାନୀୟ ଗାନ୍ଧୀ ପଡ଼ିଆରେ ଆୟୋଜିତ ୩୩ତମ ଆନ୍ତରାଜ୍ୟ ଲାଲମନି ସ୍ମାରକୀ କ୍ରିକେଟ୍‌ ଟୁର୍ଣ୍ଣାମେଣ୍ଟରେ ରାଞ୍ଚି ସେରସା ଚାମ୍ପିଅନ ଆଖ୍ୟା ଅର୍ଜନ କରିଛି । ଫାଇନାଲ ମ୍ୟାଚ୍‌ରେ ରାଞ୍ଚି ସେରସା ୫ ୱିକେଟ୍‌ରେ ଖୋର୍ଦ୍ଧା ଇଷ୍ଟକୋଷ୍ଟ ରେଲୱେ ଦଳକୁ ପରାସ୍ତ କରିଥିଲା ।
ଟି-୨୦ରେ ଖୋର୍ଦ୍ଧା ଦଳ ପ୍ରଥମେ ବ୍ୟାଟିଂ କରି କମେଶ୍ୱରଙ୍କ ୨୧ରନ୍‌, ସମିର ମହାନ୍ତିଙ୍କ ୨୩ ରନ୍‌, ସୁବିତଙ୍କ ୩୪ରନ, ଲଗ୍ନଜିତ୍‌ଙ୍କ ୨୮ରନ ଓ ର.କିଶାନ ପଟେଲଙ୍କ ୧୯ରନ୍‌ ସହାୟତାରେ ନିର୍ଦ୍ଧାରିତ ଓଭରରେ ୧୪୭ରନ୍‌ ସଂଗ୍ରହ କରିଥିଲା । ରାଞ୍ଚି ଦଳ ପକ୍ଷରୁ ପୱନ କୁମାର ୫ ୱିକେଟ, କୁଲଦିପ୍‌, ଅକାଶ, ରାଜୁ ଓ ବିନିଦ ପ୍ରମୁଖ ୧ଟି ଲେଖାଏଁ ୱିକେଟ ଅକ୍ତିଆର କରିଥିଲେ । ଜବାବରେ ରାଞ୍ଚି ଦଳ ସୁବ୍ରତ ଘୋଷଙ୍କ ୫୮ରନ, ଏ ପଓନ କୁମାରଙ୍କ ୫୦ରନ, ଓାଟର ଟପ୍ପୋଙ୍କ ୩୦ରନ ସହାୟତାରେ ୫ ୱିକେଟ ହରାଇ ୧୮.୫ ଓଭରରେ ୧୫୦ରନ କରି ବିଜୟ ହାସଲ କରିଥିଲା । ଖୋର୍ଦ୍ଧା ଦଳ ପକ୍ଷରୁ ରାଜକିଶନ ପଟେଲ ୨ ୱିକେଟ, ମଳୟ ଜୋନା ଓ ଅଲୋକ ମଙ୍ଗରାଜ ୧ଟି ଲେଖାଏଁ ୱିକେଟ ଅକ୍ତିୟାର କରିଥିଲେ ।
ସେହିପରି ଟି-୧୦ ମ୍ୟାଚରେ ଖୋର୍ଦ୍ଧା ଦଳ ରାଜକିଶନ ପଟେଲଙ୍କ ୨୧ରନ, ସମିର ମହନ୍ତିଙ୍କ ୧୦ରନ, ଲଗ୍ନଜିତଙ୍କ ୧୬ରନ ସହାୟତାରେ ୭ ୱିକେଟ ହାରାଇ ୭୭ରନ ସଂଗ୍ରହ କରିଥିଲେ । ରାଞ୍ଚି ଦଳ ପକ୍ଷରୁ ରାଜୁ ପଣ୍ଡେ ୩ ୱିକେଟ, ଓାଲଟର ଟପ୍ପୋ ୨ ୱିକେଟ, ପଓନ କୁମାର ଓ ବିନିତ ପଣ୍ଡେ ୧ଟି ଲେଖାଏଁ ୱିକେଟ ଅକ୍ତିୟାର କରିଥିଲେ । ଜବାବରେ ରାଞ୍ଚି ଦଳ ସୁବ୍ରତ ଘୋଷଙ୍କ ୩୧ରନ୍‌ ଓ ପଓନ କୁମାରଙ୍କ ୧୩ରନ ସହାୟତାରେ ବିଜୟ ଲକ୍ଷ ପାର କରି ୬ ୱିକେଟ ହରାଇ ୮୧ରନ କରିଥିଲେ । ଖୋର୍ଦ୍ଧା ଦଳ ପକ୍ଷରୁ ରାଜକିଶନ ପଟେଲ ୨ ୱିକେଟ, ଅଲୋକ ମଙ୍ଗରାଜ, ମଲୟ ଜେନା, ଅଭିଷେକ ୟାଦବ ଓ ତରୁନ ୧ଟି ଲେଖାଏଁ ୱିକେଟ ଅକ୍ତିୟାର କରିଥଲେ । ଉଭୟ ଫର୍ମାଟରେ ରାଞ୍ଚି ଦଳ ବିଜୟ ହୋଇ ଟୁର୍ଣ୍ଣାମେଣ୍ଟର ଚାମ୍ପିଅନ ହୋଇଛି ।
ଆଜିର ଉଦ୍‌ଯାପନୀ ସଂଧ୍ୟାରେ ଜିଲ୍ଲାପାଳ ମଧୁସୂଦନ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ଏସ୍‌ପି ଦେବୀପ୍ରସାଦ ଦାଶ, ପିଡିଡିଆରଡିଏ ସୂର୍ଯ୍ୟନାରାୟନ ଦାଶ, ଜିଏମ୍‌ ରାମକୋ ସୁସାଂଶୁ ଗନ୍ତାୟତ ଯୋଗଦେଇଥିଲେ । ସେହିପରି ସ୍ୱତନ୍ତ୍ର ନିମନ୍ତ୍ରତ ଅତିଥି ଭାବେ ଅନ୍ତର୍ଜାତୀୟ କ୍ରିକେଟ୍‌ ଖେଳାଳି ପ୍ରଜ୍ଞାନ ଓଝା, ଅଭିନେତ୍ରୀ ପୁଷ୍ପା ପଣ୍ଡା, ବିଦୁସ୍ମିତା, ସ୍ମରଣିକା ପ୍ରିୟଦର୍ଶନୀ ପ୍ରମୁଖ ଯୋଗଦେଇଥିଲେ । ଚାମ୍ପିଅନ୍‌ ଦଳ ସେରସା (ରାଞ୍ଚି)କୁ ରାମକୋ ସିମେଣ୍ଟ ପ୍ରଦତ୍ତ ଟ୍ରଫି ଏବଂ ସୋନପୁରର ନ୍ୟୁ ରୁପ କଲେନ୍‌ସ, ଜୟ ଯବାନ ଫିଲିଂ ସେଣ୍ଟର, ଶାନ୍ତି ଅଟୋ ଓ ଓମ୍‌ ଶାନ୍ତି ଫେସନର ଟ୍ରଫି ସହ ୫୫୫୫୫ ନଗଦ ଟଙ୍କା ପ୍ରଦାନ କରାଯାଇଥିଲା । ସେହିପରି ଉପବିଜେତା ଦଳ ଇଷ୍ଟକୋଷ୍ଟ(ଖୋର୍ଦ୍ଧା)କୁ ଟାଟା ଷ୍ଟିଲ ଭୁବନେଶ୍ୱର ପ୍ରଦତ୍ତ ଟ୍ରଫି ଏବଂ ଏସିସି ବରଗଡ ପକ୍ଷରୁ ୩୩୩୩୩ ନଗଦ ଟଙ୍କା ପ୍ରଦାନ କରାଯାଇଥିଲା । ଏଥିରେ ମ୍ୟାନ ଅଫ୍‌ ଦି ଫାଇନାଲ ଓ ସିରିଜ୍‌ ଭାବେ ରାଞ୍ଚି ଦଳର ଏ.ପଓନ କୁମାର, ବେଷ୍ଟ ବ୍ୟାଟ୍ସ ମ୍ୟାନ୍‌ ଭାବେ ନାଗପୁରର ରବିନ ସିଂ, ବେଷ୍ଟ ବୋଲର ଭାବେ ନାଗପୁରର କାର୍ତ୍ତିକ ନାୟଡୁ, ବେଷ୍ଟ ୱିକେଟ କିପର ଭାବେ ଖୋର୍ଦ୍ଧା ଦଳର କମରେଶ ବାରିକ, ବେଷ୍ଟ ଫିଲଡର ଭାବେ ଖୋର୍ଦ୍ଧାର ରାଜକିଶନ ପଟେଲ ଓ ସର୍ବାଧିକ ଛକା ମାରିଥିବା ଖେଳାଳି ଭାବେ ନାଗପୁରର ରବିନ ସିଂଙ୍କୁ ପୁରସ୍କୃତ କରାଯାଇଥିଲା । ସଚିଦାନନ୍ଦ ପଣ୍ଡା ଓ ଅମୀୟଭୂଷଣ ସାହୁ ମ୍ୟାଚ ପରିଚାଲାନା କରିଥିଲେ । ସ୍କୋର ଭାବେ ରାଜେଶ ଅଗ୍ରଓାଲ ଦାୟିତ୍ୱ ତୁଲାଇଥିବା ବେଳେ ଧାରାବିବରଣୀ ପ୍ରଦାନ କରିଥିଲେ ବି.ଏସ.ରାଓ, ପ୍ରଜ୍ଞାପ୍ରିୟଦର୍ଶନୀ ମିଶ୍ର, ଅଚ୍ୟୁତ ମିଶ୍ର ଓ ପାର୍ଥ ଦାସ । ଏହି ଟୁର୍ଣ୍ଣାମେଣ୍ଟର ଫାଇନାଲ ଖେଳ ଦେଖିବାକୁ ହଜାର ହଜାର ସଂଖ୍ୟାରେ ଦର୍ଶକ ଉପଭୋଗ କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.