ବରଗଡ଼ରେ ଚାଞ୍ଚଲ୍ୟ: ଜମିବାଡ଼ି ବିବାଦକୁ କେନ୍ଦ୍ର କରି ପରିବାରର ୪ଜଣଙ୍କୁ ହତ୍ୟା
ବରଗଡ଼ ୨୩/୦୫ : ବରଗଡ଼ରେ ଜିଲ୍ଲା ଭଟଲି ଥାନା ଅନ୍ତର୍ଗତ ଝିକିଝିକିରେ ଚାଞ୍ଚଲ୍ୟ । ଜମିବାଡି ବିବାଦକୁ କେନ୍ଦ୍ର କରି ଟାଙ୍ଗିଆରେ ଗୋଟିଏ ପରିବାରର ୪ଜଣଙ୍କୁ ହତ୍ୟା କରାଯାଇଛି । ଭଟଲି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ।ମୃତ ବ୍ୟକ୍ତି ମାନେ ହେଲେ ସେହି ଗ୍ରାମର ଗୁରୁଦେବ ବାଗ (୫୫),ଶିବାଗ୍ରୀ ବାଗ (୪୮),ଚୁଡାମଣି ବାଗ (୧୫) ଓ ଶ୍ରବାଣୀ ବାଗ (୧୦)।ଶିବ ବାଗ ଏମାନଙ୍କୁ ହତ୍ୟା କରିଥିବା ନେଇ ପୋଲିସ ପକ୍ଷରୁ କୁହାଯାଇଛି ।ଘଟଣା ସ୍ଥଳରେରେ ବରଗଡ଼ ଏସଡିପି ଓ ଅମୃତଲାଲ ପଣ୍ଡା,ଭଟଲି ଥାନା ଅଧିକାରୀ ରଞ୍ଜିତ ନାୟକ ପ୍ରମୁଖ ପହଞ୍ଚି ଘଟଣା ସ୍ଥଳରେ ତଦନ୍ତ ଆରମ୍ଭ କରିଛନ୍ତି। ।
ସୂଚନା ମୁତାବିକ, ଭଟଲି ଝିକିଝିକି ଗାଁରେ ଜମିବାଡି ବିବାଦକୁ କେନ୍ଦ୍ର କରି ନିର୍ମମ ହତ୍ୟାକାଣ୍ଡ ଘଟିଛ। ଗୋଟିଏ ପରିବାରର ୪ଜଣଙ୍କୁ ଟାଙ୍ଗିଆରେ ହାଣି ହତ୍ୟା କରାଯାଇଛି । ପୁତୁରା, ବୋହୂ ଏବଂ ଦୁଇ ପିଲା ହତ୍ୟା କରାଯାଇଛି। ଭଟଲି ଥାନା ପୋଲିସ ଘଟଣାସ୍ଥଳରେ ଛାନ୍ଭିନ୍ ଆରମ୍ଭ କରିଛି । ଆବଶକ୍ୟ ପଡିଲେ ସାଇଣ୍ଟିଫିକ୍ ଟିମ୍ର ମଧ୍ୟ ସହଯୋଗ ନେଇପାରେ ପୋଲିସ । ଅଭିଯୁକ୍ତ ଦାଦା ସଂକୀର୍ତ୍ତନ ବାଗ୍ ଘଟଣା ପରଠାରୁ ଫେରାର ଥିବା ଜଣାପଡିଛି । ପୋଲିସ ବିଭିନ୍ନ ଟିମ୍ ଗଠନ କରି ଅନେକ ସ୍ଥାନରେ ଚଢାଉ କରୁଛି । ଅଭିଯୁକ୍ତ ଗିରଫ ପରେ ହତ୍ୟାର ସଠିକ୍ ଜଣାପଡିବ ବୋଲି ପୋଲିସ ଆଶା ରଖିଛି ।
