ଭୁବନେଶ୍ୱର ୦୨/୦୨: ଓଜନ ହ୍ରାସ କରିବା ପାଇଁ ଲୋକମାନେ ବିଭିନ୍ନ ପ୍ରକାରର ପାନୀୟ ପିଅନ୍ତି। କିଏ ଲେମ୍ବୁ ପାଣି ପିଏ ତ ଆଉ କିଏ ଚିଆ ସିଡ୍ସ। କିନ୍ତୁ ମନରେ ପ୍ରଶ୍ନ ଆସେ ଓଜନ ହ୍ରାସ ପାଇଁ କେଉଁଟି ଅଧିକ ପ୍ରଭାବଶାଳୀ, ଲେମ୍ବୁ ପାଣି ନା ଚିଆ ସିଡ୍ସ? ଆସନ୍ତୁ ଜାଣିବା ସେ ବିଷୟରେ…
ଲେମ୍ବୁ ପାଣି:
ଲେମ୍ବୁ ପାଣି ହାଇଡ୍ରେସନ୍ ଏବଂ ମେଟାବୋଲିଜିମ୍ ପାଇଁ ଉତ୍କୃଷ୍ଟ। ଏହା ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରେ। ସୋଡ଼ା କିମ୍ବା ମିଠା ଚା’ ବଦଳରେ ଲେମ୍ବୁ ପାଣି ପିଇବା ଦ୍ଵାରା ଆପଣ କମ୍ କ୍ୟାଲୋରି ଗ୍ରହଣ କରିପାରିବେ। ଏହା ପାଚନ ପ୍ରଣାଳୀକୁ ଉତ୍ତେଜିତ କରେ, ପେଟ ଫୁଲିବା ହ୍ରାସ କରେ।
ଚିଆ ସିଡ୍ସ :
ଚିଆ ସିଡ୍ସ ଅଧିକ ସମୟ ପର୍ଯ୍ୟନ୍ତ ପେଟ ପୂରଣ ରଖିଥାଏ। ଚିଆ ସିଡ୍ସ ଫାଇବରରେ ଭରପୁର ହୋଇଥାଏ। ପାଣିରେ ପକାଇଲେ ଏହା ଫୁଲିଯାଏ ଏବଂ ଆପଣଙ୍କୁ ପେଟ ପୂର୍ଣ୍ଣ ଅନୁଭବ କରିବାରେ ସାହାଯ୍ୟ କରେ।ଏଥିରେ ପ୍ରଚୁର ପରିମାଣର ପ୍ରୋଟିନ୍ ଥାଏ, ଯାହା ମାଂସପେଶୀ ବୃଦ୍ଧି ପାଇଁ ଲାଭଦାୟକ। ଓମେଗା-୩ ରେ ଭରପୂର, ଚିଆ ସିଡ୍ସ ପ୍ରଦାହ କମ କରିବାରେ ସାହାଯ୍ୟ କରେ।
ଆହୁରି ପଢ଼ନ୍ତୁ...ଆଲମୀରା ଖୋଲା ରଖୁଛନ୍ତି କି? ଜୀବନ ଉପରେ ପଡିପାରେ ଏପରି ପ୍ରଭାବ
କେଉଁଟି ଉତ୍କୃଷ୍ଟ ?
ଯଦି ଆପଣ ପେଟର ଚର୍ବି ହ୍ରାସ କରିବାକୁ ଚାହାଁନ୍ତି, ତେବେ ଚିଆ ସିଡ୍ସ ଟିକେ ଅଧିକ ପ୍ରଭାବଶାଳୀ ପ୍ରମାଣିତ ହୋଇପାରେ କାରଣ ଏହା ଆପଣଙ୍କ ଭୋକକୁ ନିୟନ୍ତ୍ରଣ କରେ, ଯାହା ଓଜନ ହ୍ରାସ କରିବାରେ ସାହାଯ୍ୟ କରେ।
ଏହା ବ୍ୟତାତ ଏକ ଗ୍ଲାସ୍ ଉଷୁମ ପାଣିରେ ଅଧା ଲେମ୍ବୁ ଚିପୁଡ଼ି ସେଥିରେ ଗୋଟିଏ ଚାମଚ ଭିଜା ଚିଆ ସିଡ୍ସ ମିଶାନ୍ତୁ।ଏହା ଏକ "ସୁପର ଡ୍ରିଙ୍କ" ହୋଇଯିବ ଯାହା ମେଟାବୋଲିଜିମ୍ ବୃଦ୍ଧି କରିବ ଏବଂ ପେଟର ଚର୍ବି ଦ୍ରୁତ ଗତିରେ ହ୍ରାସ କରିବ।
