ବାହାନଗା, ୨୪/୦୬ : ବାଲେଶ୍ଵର ଜିଲ୍ଲା ରେମୁଣା ବ୍ଲକ ଖନ୍ତାପଡ଼ା ଥାନା ଶ୍ରୀଜଙ୍ଗ ପଞ୍ଚାୟତରେ ଥିବା ଏକ ତାରିଣୀ ମନ୍ଦିରରୁ ଲୁଟ୍। ସୋମବାର ବିଳମ୍ଵିତ ରାତିରେ କିଛି ଦୁର୍ବୃତ୍ତ ମନ୍ଦିରର ତାଲା ଭାଙ୍ଗି ମା'ଙ୍କର ୧୦ଟି ସୁନା ପଦକ, ଅଳଙ୍କାର ଓ ଦାନ ହୁଣ୍ଡିରୁ ଟଙ୍କା ଚୋରି କରି ନେବା ସହ ମା'ଙ୍କର ମୁଣ୍ଡ କାଟି ନେଇଛନ୍ତି। ଆଜି ଭୋର୍ ୪ଟା ସମୟରେ ମନ୍ଦିର ପୂଜକ ମନ୍ଦିରରେ ପହଞ୍ଚି ଚୋରି ହୋଇଥିବା ଦେଖି ଗାଁ ଲୋକଙ୍କୁ ଖବର ଦେଇଥିଲେ। ଖବର ପାଇ ଖନ୍ତାପଡ଼ା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାନୁଯାୟୀ, ଗୋପାଳପୁରରୁ ବାଲେଶ୍ଵର ରାସ୍ତାରେ ଶ୍ରୀଜଙ୍ଗ ବଜାର ଠାରୁ କିଛି ଦୂରରେ ଥିବା ମା' ତାରିଣୀଙ୍କ ମନ୍ଦିରରେ ଶରତ ଦେଳେଇ ପୂଜକ ଭାବେ କାମ କରନ୍ତି। ପ୍ରତ୍ୟେକ ଦିନ ଭଳି ସେ ମା'ଙ୍କର ପୂଜାର୍ଚ୍ଚନା ସାରି ପହଡ଼ ପକାଇ ଚାଲିଯାଇଥିଲେ। ବିଳମ୍ଵିତ ରାତିରେ କିଛି ଦୁର୍ବୃତ୍ତ ମନ୍ଦିରରେ ପଶି ମା'ଙ୍କର ୧୦ଟି ସୁନା ପଦକ, ଅଳଙ୍କାର ଓ ଦାନ ହୁଣ୍ଡିରୁ ଟଙ୍କା ଚୋରି କରି ନେବା ସହ ମା'ଙ୍କର ମୁଣ୍ଡ କାଟି ନେଇଥିଲେ। ଆଜି ଭୋର୍ ୪ଟା ସମୟରେ ମନ୍ଦିର ପୂଜକ ମନ୍ଦିରରେ ପହଞ୍ଚି ଚୋରି ହୋଇଥିବା ଦେଖି ଗାଁ ଲୋକଙ୍କୁ ଖବର ଦେଇଥିଲେ। ଖବର ପାଇ ଖନ୍ତାପଡ଼ା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଦୁର୍ବୃତ୍ତମାନେ ତାରିଣୀଙ୍କ ମନ୍ଦିରରୁ ଚୋରି କରିବା ପରେ ମା' ମଙ୍ଗଳାଙ୍କ ମନ୍ଦିରରେ ପଶିଥିବା ଜଣାପଡ଼ିଛି।
