ନିଶ୍ଚିନ୍ତକୋଇଲି, ୨୧/୧୦ : ତାଲା ଭାଙ୍ଗି ଲୁଟିନେଲେ ଲକ୍ଷାଧିକ ଟଙ୍କାର ସୁନା ଗହଣା। କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ବାଲିଆପଦା ୪ ନମ୍ବର ୱାର୍ଡର ବିଶ୍ବନାଥ ନନ୍ଦଙ୍କ ଘରୁ ଲୁଟ୍ ହୋଇଛି। ବିଶ୍ବନାଥ ଓ ତାଙ୍କ ପରିବାର ଘରେ ନଥିବାର ସୁଯୋଗ ନେଇ ଘରର ତାଲା ଭାଙ୍ଗିବା ସହ ଆଲମାରୀ ଲକର ଭାଙ୍ଗି ସୁନା ଅଳଙ୍କାର, ନଗଦ ଟଙ୍କା ଏବଂ କିଛି ଗୁରୁତ୍ଵପୂର୍ଣ୍ଣ ଜିନିଷ ଚୋରି କରି ନେଇଛନ୍ତି। ଏନେଇ ବିଶ୍ଵନାଥ ଥାନାରେ ଏତଲା ଦେଇଛନ୍ତି।
ଖବରପାଇ ନିଶ୍ଚିନ୍ତକୋଇଲି ଥାନା ପୋଲିସ ଶୁକ୍ରବାର ବିଳମ୍ବିତ ରାତିରେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏ ପର୍ଯ୍ୟନ୍ତ ପୋଲିସ ଲୁଟେରାଙ୍କ ଟେର ପାଇ ପାରିନାହିଁ। ପୋଲିସ ଲୁଟେରାଙ୍କୁ ଧରିବା ପାଇଁ ଉଦ୍ୟମ ଚଳାଇଛି।