PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନରେ ବାୟୁସେନାର ବିମାନ କ୍ରାସ୍‌: ଖସିବା ମାତ୍ରେ ଲାଗିଲା ନିଆଁ, ପ୍ରଚଣ୍ଡ ଶବ୍ଦରେ ଥରି ଉଠିଲା ପୁରା ଗାଁ
  • ||
  • ଧାନବାଦ: ହସ୍ପିଟାଲରେ ଭୀଷଣ ଅଗ୍ନିକାଣ୍ଡ ଯୋଗୁଁ ଡାକ୍ତର ଦମ୍ପତ୍ତିଙ୍କ ସହ ୬ ମୃତ, ଅଳ୍ପକେ ଉଦ୍ଧାର ହେଲେ ରୋଗୀ
  • ||
  • ମଧ୍ୟପ୍ରଦେଶରେ ବାୟୁସେନାର ଯୁଦ୍ଧ ବିମାନ ସୁଖୋଇ ଓ ମିରାଜ ୨୦୦୦ ଦୁର୍ଘଟଣାଗ୍ରସ୍ତ
  • ||

ଟ୍ରେନ୍ ଭିତରେ ନିଶା ଦେଇ ଦମ୍ପତିଙ୍କୁ ଲୁଟ୍, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି

purusottam express

ପୁରୀ, ୨୪/୦୧ : ଦମ୍ପତିଙ୍କୁ ଟ୍ରେନ ବଗିରେ ନିଶା ଦେଇ ଲୁଟ କରିଛନ୍ତି ଦୁର୍ବୃତ୍ତ। ମଙ୍ଗଳବାର ପୁରୁଷୋତ୍ତମ ଏକ୍ସପ୍ରେସ ଟ୍ରେନରେ ଘଟିଛି ଏଭଳି ଘଟଣା। ପୁରୀ ରେଳ ଷ୍ଟେସନରୁ ଦମ୍ପତିଙ୍କୁ ଅଚେତ ଅବସ୍ଥାରେ ଉଦ୍ଧାର କରି ସଦର ମୁଖ୍ୟ ଚିକିତ୍ସାଳୟର ଭର୍ତ୍ତି କରାଯାଇଛି। ଆରପିଏଫ୍ ଟିମ ହସ୍ପିଟାଲରେ ପହଞ୍ଚି ପ୍ରାଥମିକ ତଦନ୍ତ କରିଛି। ପରେ ଦମ୍ପତିଙ୍କୁ କଟକ ସ୍ଥାନାନ୍ତର କରାଯାଇଛି। ଅଚେଚ ଥିବା ଦମ୍ପତି ଜଗତସିଂହପୁର ଜିଲ୍ଲା ଜନାର୍ଦ୍ଦନପୁରର ହେମନ୍ତ ମଲ୍ଲ ଓ ତାଙ୍କ ସ୍ତ୍ରୀ କୁନି ମଲ୍ଲ ବୋଲି ଜଣାଡିଛି।

ଏହି ଦମ୍ପତି ପୁରୁଷୋତ୍ତମ ଏକ୍ସପ୍ରେସ ଯୋଗେ ଦିଲ୍ଲୀରୁ କଟକ ଅଭିମୁଖେ ଆସୁଥିଲେ। ତେବେ ଖଡ଼ଗପୁର ଷ୍ଟେସନରେ ସୋମବାର ରାତି ୯ ଟାରେ ସେମାନଙ୍କୁ ଦୁର୍ବୃତ୍ତ ଚା ପିଆଇଥିଲା ବୋଲି ଚେତା ଫେରିବା ପରେ କହିଛନ୍ତି କୁନି । ସେହି ଚା’ରେ ନିଶା ମିଶାଯାଇଥିବା ସନ୍ଦେହ କରାଯାଉଛି। କଟକ ଷ୍ଟେସନ ପରିବର୍ତ୍ତେ ଅଚେତ ହୋଇଯିବା କାରଣରୁ ଉଭୟ ପୁରୀ ଷ୍ଟେସନରେ ପହଞ୍ଚିଥିଲେ। ଆରପିଏଫ୍ କର୍ମଚାରୀ ସେମାନଙ୍କୁ ଉଦ୍ଧାର କରି ଚିକିତ୍ସା ପାଇଁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଜନାର୍ଦ୍ଦନଙ୍କ ଚେତା ଫେରିନି। ସେମାନଙ୍କ ଟଙ୍କା ଓ ମୋବାଇଲ ଲୁଟ ହୋଇଛି।

ସମ୍ବନ୍ଧିତ ଖବର