ନୂଆଦିଲ୍ଲୀ ୨୫/୫: ସୋସିଆଲ ମିଡିଆରେ ଏମିତି ଅନେକ ୟୁଜର୍ସ ଅଛନ୍ତି ଯେଉଁମାନେ ନିଜ ଦୈନନ୍ଦିନ ଜୀବନରେ ଘଟୁଥିବା ଘଟଣାକୁ ସେୟାର କରି ସମସ୍ତଙ୍କୁ ଜଣାଇଥାନ୍ତି । କିଛି ପପୁଲାର ୟୁଜର୍ସଙ୍କ ଡେଲି ଲାଇଫ୍ ସମ୍ପର୍କରେ ଜାଣିବା ପାଇଁ ୟୁଜର୍ସ ମଧ୍ୟ ଆଗ୍ରହୀ ହୋଇଥାନ୍ତି । ଏମିତି ଏକ କପଲ ହେଉଛନ୍ତି ନତାଲି ପିଟରସନ୍ ଏବଂ ଷ୍ଟିଫେନୋ ଏଭିଲିନୋ ଯିଏକି ଆଜି କାଲି ସୋସିଆଲ ମିଡିଆରେ ଚର୍ଚ୍ଚାରେ ଅଛନ୍ତି । ଉଭୟ ମେକ୍ସିକୋରେ ରୁହନ୍ତି ଏବଂ ନିଜ ପ୍ରେମ କାହାଣୀକୁ ପ୍ରତିଦିନ ଇଣ୍ଟରନେଟରେ ୟୁଜର୍ସଙ୍କୁ ସେୟାର କରିଥାନ୍ତି ।

ଫ୍ଲାଇଟରେ ହେଲା ପ୍ରେମ

ନତାଲି ଏବଂ ଷ୍ଟିଫେନୋ ଏମିରେଟ୍ସ ଏୟାରଲାଇନ୍ସର କେବିନ କ୍ରୁ ମେମ୍ବର୍ସ । ଉଭୟ ଫ୍ଲାଇଟରେ କାମ କରୁଥିବା ସମୟରେ ପରସ୍ପର ପ୍ରେମରେ ପଡିଯାଇଥିଲେ ।  ଉଭୟ ପ୍ରାୟ ୩ ବର୍ଷ ଧରି ଏକାଠି ଅଛନ୍ତି । ନତାଲି ଏବଂ ଷ୍ଟିଫେନୋ ନିଜ ପ୍ରତିଦିନ ଜୀବନୀକୁ ସୋସିଆଲ ମିଡିଆରେ ସେୟାର କରିଥାନ୍ତି । ଏହି କପଲ ନିଜ କାହାଣୀ ନିଜେ ଜଣାନ୍ତି ।

ନତାଲି ଏବଂ ଷ୍ଟିଫେନୋ ନିଜ ଫ୍ଲାଇଟ୍ସ ସମୟରେ କଥା ଏବଂ ଏକ୍ସପ୍ରିୟନ୍ସ ସୋସିଆଲ ମିଡିଆରେ ସେୟାର କରିଥାନ୍ତି । ସେ ନିଜ କାମର ଅନୁଭବକୁ ସେୟାର କରି କହିଛନ୍ତି କି କେବିନ କ୍ରୁ ମେମ୍ବର୍ସଙ୍କୁ ଏୟାରପୋର୍ଟରେ ଫ୍ଲାଇଟର ୨ ଘଣ୍ଟା ପୂର୍ବରୁ ପହଞ୍ଚିବାକୁ ପଡିଥାଏ । ଏହା ସହିତ ସମସ୍ତ ପାସେଞ୍ଜର୍ସଙ୍କ ଫ୍ଲାଇଟରୁ ବାହାରିବା ପରେ ଓହ୍ଲାଇବାକୁ ପଡିଥାଏ । ଏହା ବ୍ୟତୀତ ତାଙ୍କ ସିଫ୍ଟ ମଧ୍ୟ ଲଗାତର ବଦଳିଥାଏ । କେବେ ଡେ-ସିଫ୍ଟ ତ ଆଉ କେବେ ନାଇଟ୍ ସିଫ୍ଟ, ଯାହାକି ବହୁତ ଚାଲେଞ୍ଜିଂ ରହିଥାଏ । ଏହିପରି ସେ ଅନେକ କଥା ଜଣାଇଥାନ୍ତି ।

କହିରଖୁଛୁ ୟୁଟ୍ୟୁବରେ ନତାଲି ଏବଂ ଷ୍ଟିଫେନୋଙ୍କ ଏକ ଚ୍ୟାନେଲ୍ ଅଛି । ସେମାନେ ପ୍ରତିଦିନ ଭିଡିଓ ସେୟାର କରିଥାନ୍ତି । ଏଠାରେ ସେମାନଙ୍କର ୮୦ ହଜାରରୁ ମଧ୍ୟ ଅଧିକ ଫଲୋଅର୍ସ ଅଛନ୍ତି । ଉଭୟ ସୋସିଆଲ ମିଡିଆରେ ବହୁତ ଆକ୍ଟିଭ ରୁହନ୍ତି ଏବଂ ଇନଷ୍ଟାଗ୍ରାମରେ ମଧ୍ୟ ତାଙ୍କର ବହୁତ ଫଲୋଅର୍ସ ଅଛନ୍ତି ।