ପୁରୀ ୨୪/୮ : ଭାଦ୍ରବ ଶୁକ୍ଳ ପ୍ରତିପଦା ତିଥିରେ ସନ୍ଧ୍ୟାଧୂପ ପରେ ମହାପ୍ରଭୁଙ୍କର ଦାବାଗ୍ନୀ ଲୀଳା ଅନୁଷ୍ଠିତ ହୋଇଥାଏ । ମାଟିମଣ୍ଡପ ସାହି ଏହି ଦାବାଗ୍ନି ଲୀଳାର ପରିବେଷଣ କରିଥାନ୍ତି ।
ରବିବାର ଶୁକ୍ଳ ପ୍ରତିପଦା ତିଥିର ସନ୍ଧ୍ୟାଧୂପ ପରେ ମଦନମୋହନ ରତ୍ନ ସିଂହାସନକୁ ବିଜେ କରି ଜଗନ୍ନାଥଙ୍କ ବାଡରୁ ଆଜ୍ଞାମାଳ ପ୍ରାପ୍ତି କରିଥାନ୍ତି। ନାଟ ମଣ୍ଡପ ସ୍ଥିତ ଖଟ ଉପରକୁ ବିଜେ କରିବା ପରେ ପ୍ରଭୁଙ୍କର ଛାମୁରେ ମାଟି ମଣ୍ଡପ ସାହି ଲୋକ ଦାବାଗ୍ନି ପରିବେଷଣ କରିଥାନ୍ତି। ଦ୍ୱାପର ଯୁଗର କଥା ଗୋପାଳ ମାନେ ଖେଳକୁଦ ରେ ମାତିଥିବା ସମୟରେ ଗାଈ ମାନେ ଅନେକ ଦୂରକୁ ଚାଲିଯାଇଥାନ୍ତି। ସମସ୍ତେ ଗାଈଙ୍କୁ ଖୋଜି ଖୋଜି ଚାଲିବା ସମୟରେ ସେମାନଙ୍କୁ ଦାବାଗ୍ନି ଘେରିଗଲା ବା ଅଗ୍ନି ଘେରିଗଲା। ବାଳକ ମାନେ କୃଷ୍ଣଙ୍କୁ ଡାକିଲେ । କୃଷ୍ଣ ସମସ୍ତ ଗୋପାଳ ବାଳକଙ୍କୁ ଆଖିବନ୍ଦ କରିବାକୁ କହିଲେ । ନିଜେ ଭଗବାନ ମନ୍ତ୍ର ଜପ କରିବେ ବୋଲି କହି ବିରାଟ ରୂପ ଧାରଣ କରି ଦାବାଗ୍ନି କୁ ପାନ କରି ଦେଲେ। ସେହି ସ୍ମୃତିରେ ମାଟିମୁଣ୍ଡପ ସାହିରୁ ଦାବାଗ୍ନି ଲୀଳା କରିବା ପାଇଁ ଜଣେ ବେଶ ହୋଇ ସ୍ୱତନ୍ତ୍ର ଭାବରେ ଉପସ୍ଥିତ ହୁଅନ୍ତି । ସେହି ସମୟରେ ନାଟମଣ୍ଡପ ରେ ଉପସ୍ଥିତ ହେଲା ପରେ ପ୍ରଭୁଙ୍କ ଶୀତଳ ଭୋଗ ଓ ବନ୍ଦାପନା ବଢେ । ଏହାପରେ ଦକ୍ଷୀଣି ଘରକୁ ପ୍ରତ୍ୟାବ୍ରତନ କରନ୍ତି ।
