୨୦୨୪ ଲୋକସଭା ନିର୍ବାଚନରେ ୨୨ ଟି ଆସନରୁ ପ୍ରତିଦ୍ବନ୍ଦିତା କରିବ ଏକନାଥ ସିନ୍ଦେଙ୍କ ନେତୃତ୍ୱାଧୀନ ଶିବସେନା; ପ୍ରକାଶ କଲେ ଦଳୀୟ ନେତା

ମୁମ୍ବାଇ,୨୫/୦୫: ୨୦୨୪ ଲୋକସଭା ନିର୍ବାଚନରେ ଏକନାଥ ସିନ୍ଦେଙ୍କ ନେତୃତ୍ବାଧିନ ଶିବସେନା ୨୨ଟି ଆସନରୁ ପ୍ରତିଦ୍ବନ୍ଦିତା କରିବ ବୋଲି ଗୁରୁବାର କହିଛନ୍ତି ଦଳୀୟ ନେତା ଗଜାନନ କିର୍ତ୍ତିକାର। ଶିବସେନା ସାଂସଦ ମାନଙ୍କୁ ନେଇ ବୁଧବାର ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କର ସରକାରୀ ବାସଭବନରେ ଏକ ବୈଠକ ବସିଥିଲା। ଏହି ବୈଠକରେ ଆଲୋଚନା କରାଯାଇଥିଲା ଯେ, ସିନ୍ଦେଙ୍କ ନେତୃତ୍ବାଧିକ ଶିବସେନା ୨୦୨୪ ଲୋକସଭା ନିର୍ବାଚନରେ ୪୮ଟି ଆସନରୁ ୨୨ଟିରେ ପ୍ରତିଦ୍ବନ୍ଦିତା କରିବ ବୋଲି ଦଳୀୟ ନେତା କିର୍ତ୍ତିକାର ଜାତୀୟ ଗଣମାଧ୍ୟମକୁ କହିଛନ୍ତି।

ଏହା ବ୍ୟତୀତ ଯେଉଁ ୧୩ ଜଣ ସାଂସଦ ଉଦ୍ଧବ ଠାକରେଙ୍କଠାରୁ ଅଲଗା ହୋଇ ସିନ୍ଦେ କ୍ୟାମ୍ପରେ ଯୋଗ ଦେଇଥିଲେ, ସେମାନଙ୍କୁ ନିଜ ନିଜ ଆସନରେ ରଖାଯିବ। କିର୍ତ୍ତିକର କହିଛନ୍ତି ଯେ ଅବଶିଷ୍ଟ ପାଞ୍ଚଟି ସିଟ୍ ଏବଂ ଅନ୍ୟ ଚାରିଟି ଯଥା ରାୟଗଡ, ଶିରୁର, ଔରଙ୍ଗାବାଦ ଏବଂ ଅମରାବତୀ ଯାହା ଅବିଭକ୍ତ ଶିବସେନା ଦ୍ୱାରା ରହିଛି ସେଠାରେ ମଧ୍ୟ ଆମ ଦ୍ବାରା ସ୍ୱାଭାବିକ ଭାବରେ  ପ୍ରତିଦ୍ବନ୍ଦିତା କରାଯିବ। ଏହି ବୈଠକରେ ଯୋଗ ଦେଇଥିବା ସାଂସଦମାନେ ବିଜେପି ଉପରେ ଗୁରୁତ୍ୱାରୋପ କରି କହିଛନ୍ତି ଯେ, ସହଯୋଗୀ ଦଳର ପ୍ରାର୍ଥୀଙ୍କ ପାଇଁ ବାଧା ସୃଷ୍ଟି ହେବ ନାହିଁ ତ, କାରଣ ଉଭୟ ବିଜେପି ଏବଂ ସିନ୍ଦେ ନେତୃତ୍ୱାଧୀନ ରାଜନେତାମାନେ ନିଜ ପସନ୍ଦର ସମ୍ଭାବ୍ୟ ପ୍ରାର୍ଥୀଙ୍କୁ ସମର୍ଥନ କରିବାକୁ ଇଚ୍ଛା ପ୍ରକାଶ କରୁଛନ୍ତି?

୨୦୧୯ ରେ ବିଜେପି ୨୫ ଏବଂ ଶିବସେନା ୨୩ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିଲେ। ଏନସିପି ୧୯ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିବାବେଳେ କଂଗ୍ରେସ ୨୫ ଟି ଆସନରେ ପ୍ରାର୍ଥୀ କରିଥିଲା। କଂଗ୍ରେସ-ଏନସିପି ଅବଶିଷ୍ଟ ଚାରିଟି ଆସନକୁ ସେମାନଙ୍କ ସହଯୋଗୀମାନଙ୍କ ସହ ବାଣ୍ଟିଥିଲା। ଆଗାମୀ ଦିନରେ ପ୍ରତ୍ୟେକ ଆସନ ପାଇଁ ବିବାଦ ସରଗରମ ହୋଇଯାଉଥିବାରୁ ବିଜେପି-ଶିବସେନା ମହାମେଣ୍ଟ ଆସନ ବଣ୍ଟନ ବୁଝାମଣା କିପରି ଚାଲିଛି ତାହା ଦେଖିବାର କଥା।

ଉ‌ଲ୍ଲେଖଯୋଗ୍ୟ ଯେ, ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଣ୍ଡନବିସ୍‌ ଦିଲ୍ଲୀରେ ଆୟୋଜିତ ନୂତନ ସଂସଦ ଭବନ ଉଦ୍ଘାଟନୀ ଉତ୍ସବରେ ଯୋଗ ଦେବାକୁ ଯାଉଛନ୍ତି ତେବେ ଏହା ପୂର୍ବରୁ ବୁଧବାର ବସିଥିବା ବୈଠକରେ ଆଗାମୀ ଲୋକସଭା ନିର୍ବାଚନ ସମ୍ପର୍କରେ ବିଚାରାଧୀନ ବିକାଶମୂଳକ ପ୍ରକଳ୍ପ ଏବଂ ରଣନୀତି ବିଷୟରେ ଆଲୋଚନା କରାଯାଇଥିଲା।