କମଲ ହାସନଙ୍କ ‘ବିକ୍ରମ’କୁ ନେଇ ମହେଶ ବାବୁଙ୍କ ରିଆକ୍ସନ୍, ଟ୍ୱିଟ୍ କରି ଏମିତି କିଛି କହିଦେଲେ ଅଭିନେତା
ନୂଆଦିଲ୍ଲୀ ୦୪/୦୭: ସାଉଥ୍ ସୁପରଷ୍ଟାର କମଲ ହାସନଙ୍କ ଫିଲ୍ମ ‘ବିକ୍ରମ’କୁ ସମସ୍ତେ ପ୍ରଶଂସା କରୁଛନ୍ତି। ଫିଲ୍ମଟି ବକ୍ସ ଅଫିସରେ କମାଲ ଦେଖାଇଛି। ବର୍ତ୍ତମାନ ସୁପରଷ୍ଟାର ମହେଶ ବାବୁ ମଧ୍ୟ ଏହି ଫିଲ୍ମର ପ୍ରଶଂସା କରିଛନ୍ତି। ଫିଲ୍ମକୁ ପ୍ରଶଂସା କରି ମହେଶ ବାବୁ କହିଛନ୍ତି, ଏହା ଏକ ଆଧୁନିକ କ୍ଲାସିକ୍। କେବଳ ଏତିକି ନୁହେଁ ସୋସିଆଲ ମିଡିଆରେ ଟ୍ୱିଟ୍ କରି ନିର୍ଦ୍ଦେଶକ ଲୋକେଶ କାନାଗରାଜଙ୍କୁ ଭେଟିବାକୁ ଅଭିନେତା ଇଚ୍ଛା ପ୍ରକାଶ କରିଛନ୍ତି।
Scintillating performances by @VijaySethuOffl & #FahadhFaasil. Acting cannot get better than this! Wow! @anirudhofficial What a musical score! Your best ever! It's going to top my playlist for a long time..Shine on!
— Mahesh Babu (@urstrulyMahesh) July 2, 2022
ମହେଶ କହିଛନ୍ତି, “ମୁଁ ‘ବିକ୍ରମ’ର ସମ୍ପୂର୍ଣ୍ଣ ପ୍ରକ୍ରିୟା ବିଷୟରେ ଆଲୋଚନା କରିବାକୁ ଚାହୁଁଛି। ଏହାଠାରୁ ଭଲ ଅଭିନୟ କିଛି ହୋଇପାରିବ ନାହିଁ। ଆପଣଙ୍କ ଉପରେ ମନ୍ତବ୍ୟ ଦେବାକୁ ମୁଁ ଅଯୋଗ୍ୟ। ମୁଁ କେବଳ ଏତିକି କହିପାରେ, ଆପଣଙ୍କର ସବୁଠୁ ବଡ ପ୍ରଶଂସକ ଭାବରେ ଏହା ମୋର ଗର୍ବର ମୂହୁର୍ତ୍ତ ଥିଲା। ସାର୍ ଏବଂ ଆପଣଙ୍କ ଚମତ୍କାର ଟିମକୁ ଅଭିନନ୍ଦନ।”
#Vikram… Blockbuster Cinema!! A New-Age cult classic!! @Dir_Lokesh would love to catch up with you and discuss the entire process of Vikram! Mind-bending…Sensational stuff brother 👏👏👏
— Mahesh Babu (@urstrulyMahesh) July 2, 2022
ଏସବୁ ସହିତ ମହେଶ ବାବୁ ଅନିରୁଦ୍ଧଙ୍କୁ ସଙ୍ଗୀତ ପାଇଁ ପ୍ରଶଂସା କରିଛନ୍ତି। ଅଭିନେତା କହିଛନ୍ତି ବିଜୟ ସେତୁପତୀ ଏବଂ ଫାହଦ୍ ଫାସିଲଙ୍କ ଅଭିନୟ ଚମତ୍କାର ଥିଲା। ୱାର୍କ ଫ୍ରଣ୍ଟରେ ମହେଶ ବାବୁ ତ୍ରିଭିକ୍ରମ ଶ୍ରୀନିବାସଙ୍କ ନିର୍ଦ୍ଦେଶନାରେ ତାଙ୍କ ଆଗାମୀ ଫିଲ୍ମର ସୁଟିଂ ଆରମ୍ଭ କରିବାକୁ ଯାଉଛନ୍ତି। ‘ବିକ୍ରମ’ ଜୁଲାଇ ୮ ରେ ଡିଜନି ପ୍ଲସ୍ ହଟଷ୍ଟାରରେ OTT ରିଲିଜ୍ ହେବ।
