PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାତ୍ରା ଅଭିନେତା ଦୈତାରୀ ପଣ୍ଡାଙ୍କ ନାଁରେ ରାଜଧାନୀ ମିଡ଼ିଆ ହାଉସ୍ ସିଇଓ ଥାନାରେ କଲେ ଅଭିଯୋଗ , ଯାତ୍ରା ରାଜିନାମା ଅଗ୍ରୀମ ଟଙ୍କା ଫେରସ୍ତ ନକରିବାରୁ ବାଲେଶ୍ୱର ଜିଲ୍ଲା ଔପଦା ଥାନାରେ ରୁଜୁ ହୋଇଛି ମାମଲା, ପାର୍ବତୀ ଗଣନାଟ୍ୟ ଠାରୁ ୧୫ ଲକ୍ଷ ଟଙ୍କା ନେଇଥିଲେ ଅଗ୍ରୀମ
  • ||
  • ନୂଆଦିଲ୍ଲୀ : ଆସାମ ବନ୍ୟା ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲେ ଫିଲ୍ମ ନିର୍ମାତା କରନ ଜୋହର, ରିଲିଫ ପାଣ୍ଠିକୁ ଦେଲେ ୧୧ଲକ୍ଷ
  • ||
  • ଭୁବନେଶ୍ବର : କଂଗ୍ରେସ ବିଧାୟକ ରାଜନ ଏକ୍କାଙ୍କୁ ଭେଟିଲେ ବିଜେଡି ଟିମ୍, ରାଷ୍ଟ୍ରପତି ପ୍ରାର୍ଥି ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବାକୁ କଲେ ନିବେଦନ
  • ||
  • କଟକ : ପ୍ରକାଶ ପାଇଲା ମାଟ୍ରିକ ପରୀକ୍ଷା ଫଳ, ଚଳିତ ବର୍ଷ ପାସ ହାର ୯୦.୫୫
  • ||
  • ନିଶ୍ଚିନ୍ତକୋଇଲି : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ସୁକରପଡା ଗାଁରେ ପାରିବାରିକ କଳହରୁ ମା’କୁ ହତ୍ୟା କରିଛି ପୁଅ
  • ||
  • ଆନନ୍ଦପୁର : ଶାଳବଣୀ ଛକ ନିକଟରେ ଟାୟାର ଫାଟିଯିବାରୁ ପୋଲିସ ହାବୁଡରେ ଧରାପଡିଲା ବେଆଇନ ଗୋ-ଚାଲାଣ ଟ୍ରକ, ଜବତ କଲା ଆନନ୍ଦପୁର ପୋଲିସ
  • ||
  • ଭୁବନେଶ୍ୱର : ଅଭିନେତ୍ରୀ ରଶ୍ମିରେଖାଙ୍କ ମୃତ୍ୟୁ ଘଟଣା, ପ୍ରେମିକ ସନ୍ତୋଷ ପାତ୍ର ରାଉରକେଲା ବାସନ୍ତୀକଲୋନୀରେ ଆତ୍ମହତ୍ୟା କରିଛନ୍ତି
  • ||
  • ରାଉରକେଲା : ରାଉରକେଲାରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାୟଗଡ଼ା : ଚାନ୍ଦିଲି ଥାନା ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥର ହାତୀଖମ୍ବ ଗାଁ ନିକଟରେ ଏକ ଯାତ୍ରୀବାହୀ ବସ୍ ଓଲଟି ଜଣେ ମହିଳାଙ୍କ ମୃତ୍ୟୁ, ୩୦ ଆହତ
  • ||

ସ୍ବାମୀକୁ ମାରିଲା ସ୍ତ୍ରୀର ପ୍ରେମିକ: ୟୁଟ୍ୟୁବ୍‌ରୁ ଶିଖିଥିଲା ନିଶା ଦେବାର ପ୍ରଶିକ୍ଷଣ

ରାୟଗଡା ୩୧|୫:  ପ୍ରେମିକ ହିଁ ଥିଲା ହତ୍ୟାକାରୀ । ସହଯୋଗୀଙ୍କ ସହ ମିଶି ଘରୁ ଡାକିନେଇ କରିଥିଲା ହତ୍ୟା । ପ୍ରେମିକାର ସ୍ବାମୀଙ୍କୁ ଘରୁ ଡାକିନେଇ ମୁଣ୍ଡକୁ ଇଟାରେ ପିଟି ପିଟି ନିର୍ମମ ଭାବେ କରିଥିଲା ହତ୍ୟା । ରାମଚନ୍ଦ୍ରଙ୍କ ବାଇକ ମଧ୍ୟ ନେଇ ବ୍ରିଜ ତଳେ ଫୋପାଡି ଦେଇଥିଲେ ।

ରାୟଗଡା ଜିଲ୍ଲା କୁଟ୍ରାଗଡ଼ ଗାଁ ବଂଶଧାରା ନଦୀ ବ୍ରିଜ ତଳୁ ମୃତଦେଦ ଉଦ୍ଧାର ଘଟଣାରେ ଏଭଳି ଚାଞ୍ଚଲ୍ୟକର ଖୁଲାସା କରିଛି ପୋଲିସ । ଏହି ଘଟଣାରେ ସ୍ତ୍ରୀ ସୁନିତା, ପ୍ରେମୀକ ରମେଶ ଓ ସହଯୋଗୀଙ୍କୁ ଗିରଫ କରିଛି ପୋଲିସ । 

ଏପରିକି ହତ୍ୟାକାଣ୍ଡକୁ ପୁରା ଫିଲ୍ମ ଷ୍ଟାଇଲରେ ଦୁର୍ଘଟଣାର ରୂପ ଦେବାକୁ ଅଭିଯୁକ୍ତ ଷଡଯନ୍ତ୍ର ରଚିଥିଲା ବୋଲି ପୋଲିସ କହିଛି । ୟୁଟ୍ୟୁବ୍ ମାଧ୍ୟମରେ କିପରି ନିଶା ଦିଆଯିବ ତାହାର ପ୍ରଶିକ୍ଷଣ ନେଇଥିଲା ଅଭିଯୁକ୍ତ । ଗତ ୨୦ ତାରିଖରେ ବଂଶଧାରା ନଦୀର ବ୍ରିଜ ତଳୁ ପ୍ରାଥମିକ ବିଦ୍ୟାଳୟ ଶିକ୍ଷକ ରାମଚନ୍ଦ୍ର ମହାନନ୍ଦିଆଙ୍କ ମୃତଦେହ ଉଦ୍ଧାର କରିଥିଲା ପୋଲିସ । ସେତେବେଳେ ରାମଚନ୍ଦ୍ରଙ୍କ ସ୍ତ୍ରୀ ସୁନିତା ନିଜ ବାପ ଘର ଗୁଣୁପୁରରେ ଥିଲେ । ରାମଚନ୍ଦ୍ରଙ୍କ ବାପା ଓ ଭାଇ ତାଙ୍କୁ ହତ୍ୟା କରାଯାଇଥିବା ଅଭିଯୋଗ ଆଣିଥିଲେ । ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିଲା ।

ପ୍ରାୟ ୧୬ବର୍ଷ ତଳେ ରାମଚନ୍ଦ୍ର ମହାନନ୍ଦିଆ ବିବାହ କରିଥିଲେ ଗୁଣୁପୁରର ସୁନିତା ମହାନନ୍ଦିଆଙ୍କୁ । ହେଲେ ସୁନିତାଙ୍କ ପୁରୁଣା ପ୍ରେମିକ ଗୁଣୁପୁର ଆମ୍ବେଦକର ନଗରର ରମେଶ ପାତିକା ରାମଚନ୍ଦ୍ର ଉପରେ ରାଗ ରଖିଥିଲା । ଏନେଇ ମୁନିଗୁଡା ଏସଡିପିଓ ଚନ୍ଦ୍ରଶେଖର ହୋତା ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ।