ମାଓବାଦୀଙ୍କ ବର୍ବର କାଣ୍ଡ: ସୁପରଭାଇଜରଙ୍କୁ ଟାଙ୍ଗିଆରେ ହାଣି ହତ୍ଯାକଲେ, ହାଇୱା ଓ ଜେସିବି ଜାଳିଲେ
ମାଲକାନଗିରି ୧୨/୩: ନିର୍ବାଚନ ତାରିଖ ଘୋଷଣା ପରେ ପରେ ମାଲକାନଗିରି ଜିଲ୍ଲାରେ ମାଓ ହିଂସା ଦେଖିବାକୁ ମିଳିଛି । ଏକ ଠିକା କମ୍ପାନୀର ସୁପରଭାଇଜରଙ୍କୁ ଟାଙ୍ଗିଆରେ ହାଣି ହତ୍ୟା କରିଛନ୍ତି ମାଓବାଦୀ । କେବଳ ସେତିକି ନୁହେଁ ଠିକା କମ୍ପାନୀର ୬ କର୍ମଚାରୀଙ୍କୁ ନିସ୍ତୁକ ମାଡ ମାରିବା ସହ ଘଟଣାସ୍ଥଳରେ ଗୋଟିଏ ହାଇୱା ଟିପ୍ପର ଓ ଗୋଟିଏ ଜେସିବି ମଧ୍ୟ ଜାଳିଦେଇଛନ୍ତି ।
ସାଲିନି ଥାନା ଅନ୍ତର୍ଗତ ତେମୁରୁପାଲି- କୁକୁରକୁଣ୍ଡ ଚାଲିଥିବା ରାସ୍ତା କାମକୁ ବିରୋଧ କରି ୩୦ରୁ ୪୦ ଜଣ ସଶସ୍ତ୍ର ନକ୍ସଲ ଏଭଳି ବର୍ବର କାଣ୍ଡ ଘଟାଇଛନ୍ତି । ଘଟଣାସ୍ଥଳରେ ପୋଷ୍ଟର ଛାଡିଛନ୍ତି ତରଭା ନକ୍ସଲ ଡିଭିଜନ । ପୋଷ୍ଟରରେ ଉଲ୍ଲେଖ ରହିଛିଯେ ରାସ୍ତା ଆଦିବାସୀଙ୍କ ବିକାଶରେ ଲାଗିବା ପରିବର୍ତ୍ତେ ପୋଲିସ, ନକ୍ସଲ ଦମନରେ ଏହାକୁ ବ୍ୟବହାର କରିବ । ତେଣୁ ଏହାକୁ ବିରୋଧ କରାଯାଉଛି ବୋଲି ପୋଷ୍ଟରରେ ଉଲ୍ଲେଖ ରହିଛି ।
