ପାହାଳ: ମାର୍ବଲ ଦୋକାନ ସିକ୍ଯୁରିଟି ଗାର୍ଡଙ୍କୁ ପିଟିପିଟି ହତ୍ଯା, ମାଲିକଙ୍କ ସମ୍ପୃକ୍ତି ଅଭିଯୋଗ
ଭୁବନେଶ୍ୱର ୨୮/୩: ସିକ୍ଯୁରିଟି ଗାର୍ଡକୁ ପିଟି ପିଟି ହତ୍ଯା କଲେ ଦୁର୍ବୃତ୍ତ । ରାଜଧାନୀ ଉପକଣ୍ଠ ପାହାଳରେ ଘଟିଛି ଏଭଳି କାଣ୍ଡ । ଗତକାଲି ବିଳମ୍ବିତ ରାତିରେ ଏନଏଚ୍ ୫ କଡରେ ଥିବା ସାରଳା ମାର୍ବଲ୍ସ ଦୋକାନର ସିକ୍ଯୁରିଟି ଗାର୍ଡକୁ ପିଟିପିଟି ହତ୍ଯା କରିଛନ୍ତି ଦୁର୍ବୃତ୍ତ । ମୃତକ ହେଉଛନ୍ତି ଗବବସ୍ତ ଗାଁର ଗଦାଦର ସ୍ୱାଇଁ । ଆଜି ସକାଳେ ଦୋକାନରେ ଥିବା ମେସର ରୋଷେଇ ଘରୁ ତାଙ୍କ ରକ୍ତ ଜୁଡୁବୁଡୁ ମୃତଦେହ ଜବତ କରାଯାଇଛି ।
ଖବର ପାଇବା ପରେ ଗଦା ସ୍ବାଇଁଙ୍କ ପରିବାର ଓ ଗାଁଲୋକେ ଆସି ଘଟଣାସ୍ଥଳରେ ପହଞ୍ଚିଛନ୍ତି । ସାରଳା ମାର୍ବଲର ମାଲିକ ନପହଞ୍ଚିବା ପର୍ଯ୍ୟନ୍ତ ଶବ ଛାଡିବେ ନାହିଁ ବୋଲି ପରିବାର ଲୋକ ଜିଦ୍ ଧରି ବସିଛନ୍ତି । ମୃତ ଗଦାଙ୍କ ଗାଁ ଓ ପରିବାରଲୋକେ କଟକ-ଭୁବନେଶ୍ବର ଜାତୀୟ ରାଜପଥକୁ ଦୀର୍ଘ ସମୟ ଧରି ବନ୍ଦ ରଖିଥିଲେ । ଘଟଣାସ୍ଥଳରେ ଉତ୍ତେଜନା ଦେଖାଦେବାରୁ ଦୁଇ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି ।
ସୂଚନା ଅନୁସାରେ ମୃତ ଗଦାଧର ସ୍ବାଇଁ ପୁଅ ପ୍ରଦୀପ ସ୍ବାଇଁ କହିଛନ୍ତି ଯେ, ଏହି ହତ୍ୟା ଘଟଣା ପଛରେ ମାର୍ବଲ ଦୋକାନର ମାଲିକଙ୍କ ସଂପୃକ୍ତି ରହିଥିବା ସେ ସନ୍ଦେହ କରୁଛନ୍ତି । ତେବେ ହତ୍ୟାକାଣ୍ଡର କାରଣ ଜଣାପଡିନାହିଁ । ଘଟଣାସ୍ଥଳରେ ପହଞ୍ଚି କମିଶନରେଟ୍ ପୋଲିସ ତଦନ୍ତ ଆରମ୍ଭ କରିଛି ।
